إعتمادية الماروتي

[memoo305]

أنا عاوز نصيحة من وحوش الماروتي لو سمحتو.
أنا ساكن في العبور وبأختصار شديد أن متزوج حديثا و زوجتي معاه ماروتي وشغلها في روكسي. هي بتنزل الشغل بمعدل 3 أو 4 أيام في الأسبوع.
السؤال هي الماروتي ممكن تسد معاه ولا إيه. لأن أغلب المشاوير يعتبر طرق ولو حصل أي عطل للعربية فيها بتبقى لوصة خصوصا لواحدة ست.والمشكلة أني مش ببقى موجود قريب علشان ألحقها.
منتظر نصيحتكو....

[dr.hazem]

انا كنت يوميا بروح القصر العيني من النزهة الجديده 25 كيلو رايح وزيهم راجع
دول بالنسبة للماروتي ولا حاجه
اهم حاجه الاهتمام بالصيانه الدوريه...
تحياتي

Sent from my Xperia Arc S using Forum Runner

[osos007]

انا كنت يوميا بروح القصر العيني من النزهة الجديده 25 كيلو رايح وزيهم راجع
دول بالنسبة للماروتي ولا حاجه
اهم حاجه الاهتمام بالصيانه الدوريه...
تحياتي

Sent from my Xperia Arc S using Forum Runner

[hamisa08]

حسب حاله العربية رقم و واحد

اما عن العربية عادى خالص انا رحت بيها مطروح وكنت طالع من كفرالشيخ
يعنى 450 كيلو رايح وانا راجع كان زيهم حوالى 480 كيلو دة غير طبعا كل يوم فى شاطئ شكل
بس العربية كانت زيرو

واستهلاك بنزين مفيش يعنى حتى لو حطتلها 95 مش هتحس انة غااالى

[amr011111]

اى عربيه لو حالتها كويسه هتسد معاك
بس لو العربيه مستعمله شوف ايه العيوب المتكرره اللى ممكن تقابلها فى السكه وشيل قطع غيارها احتياطى فى شنطة العربيه
يعنى 128 سلك الدبرياج بتاعها بيتقطع فى اى وقت
يبقى الافضل اللى سايقاها يخلى معاه سلك احتياطى بحيث لما حد يركبه ليه سواء ميكانيكى او سواق تاكسى يبقى قطع نص المشوار بدل ما يروح يدور على قطع الغيار وبعدين يدور على ميكانيكى

[memoo305]

شكرا يا جماعة على مشاركتكم .
أحنا متابعنها مع التوكيل والعربية عاملة 14000كم

[lidosasa]

الماروتى تعطل ؟؟؟ يا بيه اللى بتقوله ده عيب وحرام :0002014a:
الماروتى طول ما إنت مراعيها وواخد بالك من صيانتها الدورية يبقى توكل على الله وجمد قلبك لآن من أهم وافضل مميزات الماروتى على الإطلاق قلة الأعطال

[m7nsh]

اطمن ياباشا و ماتقلقش نوهاااائى .. انا لما كانت معايا القرموطى كنت كذا مره اروح دمياط من مدينه ميت غمر رايح جاى حوالى 300 كيلو و سافرت بيها اسكندريه كذا مره و جاتلى فتره كنت باروح القاهره و ارجع ميت غمر 3 مرات اسبوعيا دا غير مشوار الكليه الاساسى 60 كيلو يوميا ولا كان فى اى حاجه ..
العربووووويه دى اصيله

[S O P H O S]

طالما العربية متحافظ عليها تروح اي مكان