مشكله في مفتاح النور للماروتي...حد عنده الحل؟

[max100x]

السلام عليكم

عندي دراع النور اللي علي الشمال مش بيشغل النور العالي بمعني

المفتاح دا له 2 تكه

1 للنور الصغير
2 للنور بتاع الفوانيس الاماميه سواء عالي او واطي

المشكله اني لما بشغل الفوانيس الاماميه بيشغل النور الواطي لكن لما ازق الدراع علشان يشغل النور العالي الاقي الفوانيس الاماميه بتطفي خالص .

مع اني لما بشغل الرعاش بلاقي النور العالي شغال كويس بدون مشاكل.

السؤال هنا .....هل فيه فيوز ممكن يكون ضارب ولا الدراع نفسه باظ مع اني فاكر اخر مره فصل فيها كان و انا سايق و فصل مره واحده مع نفسه

هل من حل؟

[dr.hazem]

انت مركب كتاوت؟؟؟
تحياتي

Sent from my Xperia Arc S using Forum Runner

[mesaharaty]

لو فيه كتاوت متركبة يبقى لازم تتفحص أولا وركز فيها لأن غالبا هتبقى السبب منها وبرضه ابقى عرفنا عملت ايه .
بالتوفيق

[HRH_Sameh]

غالباً الدراع محتاج يتنضف
روح لكهربائي

[alking_2006]

حصلت عندى و كان الكتاوت سايح من جوا
و السبب ان اصلا سلوك الكهربا من الكتاوت للمبات يمين و شمال كانت ملمسة مع الارضى و كل شوية تحرقلى الكتاوت



غيرت ساعتها الكتاوت بالسلوك بالفيش بتاعة اللمبات مع عزل السلوك داخل خراطيم مكرونة علشان الحرارة بتاعة الكبوت متأثرش على السلوك مستقبلا و الدنيا بقت زى الفل من ساعتها الحمد لله

[max100x]

انت مركب كتاوت؟؟؟
تحياتي

Sent from my Xperia Arc S using Forum Runner

عندي كتاوت اه

[max100x]

لو فيه كتاوت متركبة يبقى لازم تتفحص أولا وركز فيها لأن غالبا هتبقى السبب منها وبرضه ابقى عرفنا عملت ايه .
بالتوفيق

فحصت الكتاوت و لقيت ان الريلاي بتاع النور العالي شغال تمام التمام مع الرعاش يعني الكتاوت تقريبا مفهوش مشكلة

[max100x]

غالباً الدراع محتاج يتنضف
روح لكهربائي

الدراع لو محتاج يتنضف علي الاقل الاقي المفتاح ساعه يشتغل و ساعه لأ لكن هوا قاطع خالص

[max100x]

حصلت عندى و كان الكتاوت سايح من جوا
و السبب ان اصلا سلوك الكهربا من الكتاوت للمبات يمين و شمال كانت ملمسة مع الارضى و كل شوية تحرقلى الكتاوت



غيرت ساعتها الكتاوت بالسلوك بالفيش بتاعة اللمبات مع عزل السلوك داخل خراطيم مكرونة علشان الحرارة بتاعة الكبوت متأثرش على السلوك مستقبلا و الدنيا بقت زى الفل من ساعتها الحمد لله

شكرا يابو حميد لكن عندي الاسلاك شغاله كويس و الدليل ان كل الانوار شغاله بدون اي مشاكل هو بس الدراع اللي مش راضي ياخد وضع التثبيت علي النور العالي

طول منا سايق و شادد الرعاش بأيدي لما خلاص جبت اخري

[dr.hazem]

عندي كتاوت اه

عيب كتاوت 100%
غيره هتشتغل كل حاجه


تحياتي

Sent from my Xperia Arc S using Forum Runner

[alking_2006]

يبقى الفيوز

[HRH_Sameh]

الدراع لو محتاج يتنضف علي الاقل الاقي المفتاح ساعه يشتغل و ساعه لأ لكن هوا قاطع خالص

وصفك ده حصل معايا بالظبط في العربية الشاهين وزي ماقلتلك الكهربائي فك الطارة ونضّف الدراع
ابقى قولنا وصلت لايه...

[AMRSPEED]

باشا ولا كتاوت ولا فيوز
حصل عندى وفكيت الدراع فى مسمار بتاع الريشه عايز يتربط