موقع لمعرفة حجم الجنط المناسب لسيارتك !!!!

[abo sandy]

السلام عليكم
انا سمعت انه ما ينفعش اجنط سويفت 93 اكتر من 14 او بالكتير اوى 15
لكن الموقع ده بيثبت انه ممكن اجنط السويف 93 لحد 16
See Custom Wheels and Tires on Your Car, Truck, or SUV
فهل ده صح يا جماعة ممكن ولا الموقع ده بيهرج ولا ايه
ارجو التوضيح

[Akram.Gamal]

لا طبعا الكلام مش صحيح
السويفت عموما ممكن تركبلها لحد 15 ماشى معااك لكن بتركب رينجات و احيانا بتضطر انك تعدل فى الطمبوره و تركب فلنشات و الخ

حتى ع السويفت و عن تجربه لو جبت جنط سبور 14 برضو هتعمل فلنشات و دى بتتعمل عند المخرطه و العفشجى يقدر يدلك


من الاخر ركب الجنط ال انت عايزه بس كل ماهتكبر الجنط كل ما العفشه هتتفرتك
لو عايز اوى حوار الجنط ده شوفلك جنط 15 و لو عايز رايى هات جنط 14 شيك احسن حاجه حشان تريح العفشه

[abo sandy]

بس انا حابب اجيب ال 16 لانه شكله اجمد مع كاويتش عريض يبقى فله

بس كنت عايز اعرف ايه المطلوب بالظبط انه يتعمل فى العفشة عشان تتحمل الجنط ال 16 والكاويتش العريض ... والتكلفة حوالى كام .. وهل عتبقى عمليه يعنى هعملها وانساسها وهتبقى بقا المشاكل العادية الى فى اى عربية ولا هتقرفنى
يا ريت يا جماعة الى يرده يبقى عارف من غير فتى الله يرضى عليكم