تقرير بشراء قطع غيار لعمل عمرة للماروتى

[Ahmed Yousry]

السلام عليكم
دى اول مشاركة ليا فى المنتدى واتمنى انها تكون مفيدة
عربيتى الماروتى كانت محتاجة عمرة كاملة
وبعد البحث الطويل والمفاضلة بين تسقيط ماتور او عمل العمرة اخترت انى اعمل العمرة لتفادى مخاطرة تسقيط الماتور وخصوصا انى الحمد لله معايا ميكانيكى وخراط شاطرين جدا
تم التوجه الى محل سوزوكى سنتر بالتوفيقية وتم شراء القطع الاتية :

• طقم بستم يابانى 200 جنيه
• طقم شمبر 130 جنيه
• طقم جوان كامل بالاويلسيه 80 جنيه
• جوان وش سلندر اضافى 20 جنيه
• سير كاتينة اصلى 60 جنيه
• سير دينامو كورى 15 جنيه
• طقم سبيكة 110 جنيه
• فلتر بنزين اصلى 25 جنيه
• فلتر زيت كورى 20 جنيه
• بلية كاتينة 50 جنيه
• بلية دبرياج 70 جنيه
• طقم هلالة 15 جنيه
• طقم جلب 45 جنيه
• ابلاتين وكوندينسر 45 جنيه ( نوع كويس غير المضروب ابو علبة زرقاء )
• 3 بوجيه NGK يابانى 30 جنيه
• مراية يمين مصغرة للصورة 35 جنيه ( بقاعدة معدن وليس بلاستيك )
• شبكة امامية 60 جنيه

وقلتلهم انى من نايل موتورز فتم عمل خصم 50 جنيه من أ/ هانى

ورحت للخراط اديته البساتم والشمبر والجلب وتم الاتفاق على مصنعية 350 جنيه

اما مصنعية الميكانيكى 500 جنيه

وصورت القطع اللى جيبتها بس للاسف ملحقتش اصور حاجة الخراط لانى وديتها على طول
واخيرا دعواتكم بأن العمرة تتم على خير ان شاء الله وهقلكم عملت ايه فى العمرة بعد ما تخلص واتمنى انى اكون افدتكم ودى بعض صور للقطع اللى اتجابت :

[dr.hazem]

تقرير رائع جزاك الله خيرا وربنا يرجعهالك بالسلامة
تحياتي

Sent from my Xperia Arc S using Forum Runner

[dr.hazem]

عندي سؤال سريع
ليه جبت جوانين وش سلندر؟؟
تحياتي

Sent from my Xperia Arc S using Forum Runner

[Ahmed Yousry]

عندي سؤال سريع
ليه جبت جوانين وش سلندر؟؟
تحياتي

sent from my xperia arc s using forum runner

هو بناءا على طلب الميكانيكى لان وش السلندر اتخرط والجوانين بيحكموا وش السلندر اكتر وكمان علىشان السخونة

[hamisa08]

ربنا يباركلك انشاء الله

مرحلة ما بعد العمرة !! وهى التليين هيكون ازاى انشاء الله فى جزء عليك وجزء عند الميكانيكى

اولا الميكانيكى هيفولها وهيخليها دايرة عندة يوم لحد لما تفويلة تخلص

بعد كدة انتة هتسلمها هتمشيى بيها الف كيلو " تغييرة الزييت يعنى " بسرعه لالالا تتجوز 60 كيلو ويفضل لو مشاوير طووويلة بعد الف كيلو هتروح تنزل الزيت والفلتر علشان لو فية رايش وتحط زيت جديد وتطلع تفتح بيها وربنا يباركلك

[Ahmed Yousry]

ربنا يباركلك انشاء الله

مرحلة ما بعد العمرة !! وهى التليين هيكون ازاى انشاء الله فى جزء عليك وجزء عند الميكانيكى

اولا الميكانيكى هيفولها وهيخليها دايرة عندة يوم لحد لما تفويلة تخلص

بعد كدة انتة هتسلمها هتمشيى بيها الف كيلو " تغييرة الزييت يعنى " بسرعه لالالا تتجوز 60 كيلو ويفضل لو مشاوير طووويلة بعد الف كيلو هتروح تنزل الزيت والفلتر علشان لو فية رايش وتحط زيت جديد وتطلع تفتح بيها وربنا يباركلك

شكرا وجزاك الله خيرا على النصيحة وفعلا ده اللى اتفقت مع الميكانيكى عليه فى مرحلة التليين مع اضافة بسيطة وهى ضبط التاكيهات بعد الالف كيلو مرة اخرى بس فى موضوع محيرنى جدا وهو موضوع طلوع الكبارى اثناء التليين لان كل طرقى تقريبا فيها كبارى فياريت حد ينصحنى اعمل ايه فى الموضوع ده

[MOSTAFA.EID]

الف مبروووووك وبالتوفيق

[dr.hazem]

انا لا انصح بوضع الجوانين سوا لان ده بيغير مقاسات البستم والبنزين مبيتكبسش كويش فمبيتحرقش كله وبالتالي الاداء بيبقى وحش والاستهلاك عالي

بالنسبه للتليين عالواقف ملوش فايده واي كلام
هتلين بحيث انك متشدش وتحسس عالعربيه بمعنى الحرف ومتشدش نهائي
يفضل الكباري متطلعاش غير عالاقل بعد 200 كيلو لانها حمل عالعربيه
تحياتي

Sent from my Xperia Arc S using Forum Runner

[Ahmed Yousry]

انا لا انصح بوضع الجوانين سوا لان ده بيغير مقاسات البستم والبنزين مبيتكبسش كويش فمبيتحرقش كله وبالتالي الاداء بيبقى وحش والاستهلاك عالي

بالنسبه للتليين عالواقف ملوش فايده واي كلام
هتلين بحيث انك متشدش وتحسس عالعربيه بمعنى الحرف ومتشدش نهائي
يفضل الكباري متطلعاش غير عالاقل بعد 200 كيلو لانها حمل عالعربيه
تحياتي

sent from my xperia arc s using forum runner

شكرا على المعلومة ياباشا

[S O P H O S]

مبروك
تقرير رائع

[J A G U A R]

الف مبرووك ....

[Ahmed Yousry]

الله يبارك فيكم

[Ahmed Yousry]

تم عمل العمرة بنجاح الحمد لله وانا فى مرحلة التللين الان

[AMRSPEED]

طمنا ياباشا ايه الأخبار وبعد تجربتك تنصح بالعمره و لا
بس على فكره 500 جنيه مصنعيه كتير اوى دى ماروتى على فكره العربيه الكبيره بتتعمل ب 400 جنيه والماروتى 300 ولو شاطر اوى اوى ممكن 400 وده كتير كمان

[Ahmed Yousry]

طمنا ياباشا ايه الأخبار وبعد تجربتك تنصح بالعمره و لا
بس على فكره 500 جنيه مصنعيه كتير اوى دى ماروتى على فكره العربيه الكبيره بتتعمل ب 400 جنيه والماروتى 300 ولو شاطر اوى اوى ممكن 400 وده كتير كمان

والله ياباشا التجربة ناجحة لحد دلوقتى وانا بلين واعتقد ان نجاح اى عمرة يتوقف على 3 حاجات هما ( ميكانيكى شاطر - خراط شاطر - قطع غيار مش مضروبة )، اما بخصوص المصنعية فالمبلغ اعتقد انو مناسب نظرا لشغل الميكانيكى الكويس جدا جدا حاجة نضيفة فعلا لانوا كمان ظبط حاجات زيادة بالاضافة الى العمرة من تربيط عفشة وتغيير اويل سيل عصاية الفتيس وتغيير طقم الكهرباء وبلية عجل وكدة يعنى يستاهل والمهم النتيجة فى الاخر مش هفرح اكيد لما اروح لواحد ارخص وبعدين تطلع العمرة بايظة لا قدر الله وشكرا على مشاركتك :)