هتجنن الحقووووووونى

[mazen.com]

يا جماعه نفسى اركب عربيه ومش عارف اعمل ايه كىل ما افكر فى عربيه اللاقى ليها عيوب وانا امكنياتى فلوس مش كتير والماروتى الوحيده اللى هتانسبنى بس بخاف من المستعمل حتى لو كان ليوم واحد طب لو هجبها جديد ناس تقول لى هات احسن لاونس مستعمل او فيرنا طب لو انا لو جبتها جديد ممكن اندم افيدونى نفسى اركب عربيه

[gomri]

اذهب الى طبيب نفساني

[ahmed salah90]

على حسب المبلغ اللي معاك و ابعد عن الماروتي حتى لو جديده

[micromoud]

سيبك من الناس ,,, انت لو جبت عربيه ب 40 مثلا وفرحان بيها هيقولولك طب يا اخى كنت كمل عليهم عشره وهاتلك فيرنا وهكذا ... وهتلاقى ناس كتير برضه بتقلل من عربيتك وهما اصلا مش راكبين عربيه ف سيبك من كلام الناس ودور على راحتك.

[abohend]

مستعمل بلاش زيرو

40 تركب بيها بيجو 206 مستعمل لو أنت بتدور على ركوبة محترمة إستهلاك بنزين قليل مشكلتها مش عائلية و 1100 سي سي
لو عايز حاجة عائلية و موتور قوي يبقى دايو أو فيرنا بس تقفيل أقل بكتير من ال206 و أبشنز أقل

[mazen.com]

سيبك من الناس ,,, انت لو جبت عربيه ب 40 مثلا وفرحان بيها هيقولولك طب يا اخى كنت كمل عليهم عشره وهاتلك فيرنا وهكذا ... وهتلاقى ناس كتير برضه بتقلل من عربيتك وهما اصلا مش راكبين عربيه ف سيبك من كلام الناس ودور على راحتك.

الف شكر ليك على اهتمامك وانا عارف ان كلامك مظبوط بس للاسف احنا شعب يهمه المنظر علشان كده الصين فهمانه كويس

[kokowasfy]

سيبك من الماروتى عشان بس ضيقة شويتين بس هية عربية حلوة عرفنا بس امكنيباتك المادية و المبلغ الى محددة و اية الى انتا عاوزة من العربية و احنا نساعدك

[mazen.com]

40 تركب بيها بيجو 206 مستعمل لو أنت بتدور على ركوبة محترمة إستهلاك بنزين قليل مشكلتها مش عائلية و 1100 سي سي
لو عايز حاجة عائلية و موتور قوي يبقى دايو أو فيرنا بس تقفيل أقل بكتير من ال206 و أبشنز أقل

انا متشكر جدا على اهتمامك بس هل 206 قطع غياره غاليه

[mazen.com]

سيبك من الماروتى عشان بس ضيقة شويتين بس هية عربية حلوة عرفنا بس امكنيباتك المادية و المبلغ الى محددة و اية الى انتا عاوزة من العربية و احنا نساعدك

اولا الف شكر على اهتمامك وهى فعلا الماروتى صغيره كتير انا معايا 40000 وفى اخ عزيز رشحلى البيجو 206 والله هى جميله بس انا خايف من قطع الغيار

[abohend]

انا متشكر جدا على اهتمامك بس هل 206 قطع غياره غاليه

اه..بس الموضوع نسبي
يعني اللي متعود على ال128 و ال132 و الشاهين بالنسبة له الكوري غالي
و اللي بيركب كوري...بالنسبة له الياباني غالي
و اللي بيركب ياباني...بالنسبة له الأوروبي غالي

[J A G U A R]

لو 40 الف يبقى لانوس افضل اختيار

[mesaharaty]

يا جماعة الراجل بيقول لكم مش عاوز يركب مستعمل ولو حتى لمدة يوم واحد .
يبقى الكلام على الزيرو بقى
طب هو معاه 40000 جنيه وعاوز زيرو يبقى مافيش حاجة قريبة إلا الماروتى ... تمام ؟
المشكلة الحقيقية بقى هو إنك ترد على السؤال ده :-
إنت عاوز العربية لغرض إيه ؟ أسرة 4 أفراد مثلا ؟ شاب فى الجامعة مثلا ؟ أسرة حديثة صغيرة مثلا ؟ لأن الماروتى تتناسب أكتر مع الأسرة صغيرة العدد أو الشباب .
ونصيحة لصاحب الموضوع ...إركب العربية اللى تحبها .
بالتوفيق

[osos007]

متتعبش نفسك كتير .. مدام معاك 40 يبقى مبلغ كويس انك تركب مستعمل اهم حاجه يبقى موديل حديث ميبقاش بعيد اوى بس وصى ناس معارفك وانزل اتفرج لحد ماحتلاقى حاجه انت مستريحلها . ده خلاصة الكلام :)