السلام عليكم.. ماروتى وﻻ التو وﻻ اسبرانزا

[SuperTest]

السلام عليكم ورحمة الله وبركاته

انت بشترى مستعمل تقسيط عشان الميزانية

معايا مقدم 8000 جنيه
اتعرض عليا ماروتى 2011 فابريكه دواخل ورشه برا حزام نضافه عاملة 38 الف كيلو
فيها انزار وسنتر وكاسيت
طلب مني 10000 مقدم و 350 جنيه كل شهر علي 5 سنين

دا الوضع الحالى.. انا بما انى هقسط فظروفي كالتالى ادفع 8000 مقدم ولحد 1000 شهريا قسط

اجيب ماروتى وﻻ التو وﻻ اسبرانزا a113

اول عربية ليا. وانا شغال طبيب امتياز وبقالي كام شهر بدور عملت ميت موضوع ودورت علي كذا حل في الاخر ملقتش غير اقسط مستعمل عشان الضمانات..

المهم انا عايز موديل حديث.. وزى ما حضراتكم شايفين هدفع اقساط فمش مستعد اصرف عالعربية تانى.. ارجو المساعده. علما انى بسافر كل اسبوع من اسكندرية لاقاليم مسافة 90 كيلو رايح وبرجع تانى يوم 90 كيلو برضه وباقي الاسبوع مشاوير جوا اسكندرية..

ولو فيه انواع تانية غير اللي ذكرتها ادونى نصيحه

ارجو نصيحة ليا

[hugan]

113 طبعا
الماروتي ماتتقارنش ب 113 ولا الالتو

[man_22]

ال113 كويسة كامكينة 1300 سى سى قطع غيار رخيصة واسعة من الداخل بس خد بالك عفشة زى الزفت غير البرومة
الماروتى حمالة اسية وقطع غيار رخيصة ضيقة من جوا البنزين 80 او 90 مش فرقة ممكن تمونها مياه تمشى
الالتو مجربتش العربية علشان احكم عليها لانها قليلة شوية فى الانتشار عن 113 والماروتى

[SuperTest]

انا قلت ظروفي من ناحية المقدم والاقساط عشان اللي بينصحني يحط نفسه مكانى

مش عايز اصرف علي العربية.. وميكونش سعرها عالي.. لو فيه غير الاختيارات دي قولولى

وشكرا علي الرد.. ماروتى ممتازه بس شكلها قافلنى بحسها صغيره اوى

[J A G U A R]

لو الاختيار من دول يبقى اسبيرانزا طبعا اكتر واحده هاتستحمل مشاوير وبعدين 90 كيلو يامه على الماروتى دى عربيه داخل مدينه مش خارج مدينه

[SuperTest]

بصوا يا جماعه بعد حساباتى
انا هدفع 10 اﻻف مقدم وعايز اقسط علي 30 شهر
اول 10 شهور قسط 500 جنيه
تانى 20 شهر قسط 1000 جنيه
يبقي الاجمالى 35 الف
............
لو انا اخترت عربية ب 30 الف ودفعت ال 10 مقدم. يبقي انا بقسط 20 الف علي سنتين ونص بفايده 25 في المية.. اللي هما تقريبا 5000..

هل ده عادل للطرفين ؟؟
ثانيا والاهم.. ادور علي ايه ب 30 الف ؟؟؟ وشكرا جزيﻻ.. ارجو المساعده عشان هقبض جمعية ال 10 اﻻف اول شهر 3 ان شاء الله

[SuperTest]

شكرا لكل الردود.. انا بقالي ساعه بقرا في الماروتى 60 صفحه.. ناس كنير بتقول بتسافر بيها يا استاذ جاجوار..

اقرا اخر مشاركة ليا وياريت تفيدني. ده الوضع الحالى

[man_22]

انا كنت بسافر بالماروتى 200 كيلو رايح و200 جاى استخير ربنا وشوف اللى هينفعك واعطاله قليلة ومصارفها قليلة وسيبك من الشكل كل العربيات بتادى مهمة واحدة هى توصلك وتريحك من المواصلات يفرق شوية اوبشن ممكن تحطهم لما ربنا يفرجها وطبعا شوية ثبات بس لو دى اول عربية ليك خليك فى الماروتى وانا فى الخدمة لو فى اى استفسار لان اخويا معاه واحدة وانا مسئول التصليح فهرست العربية من كله واسعارها قطع غيارها فى الارض

[J A G U A R]

انا هاتكلم فى النقطه الثانيه .. لو هاتمشى بالنظام ده كده مش هاينفع لا اسبيرانزا او التو علشان الاسبيرانزا لو هاتجيبها حاله معقوله هاتبقى ب40,000 كاش وحضرتك بتقول بعد ما تقسط على30 شهر هاتكون دفعت 25 الف والالتو بردو علشان تجيب حاله كويسه هاتبقى من 35 ل 40 الف وبردو كده مش هاينفع بنظامك فى القسط .. يعنى مش هاينفع غير الماروتى .

والله اعلم الماروتى تقدر على 90 كيلو ولا لا انا مش متأكد ..

[man_22]

بس اول ماتجيب الماروتى روح لميكانيكى كويس يضبط تكيهات علشان المكن ساعات بيبقى مظبوط وساعات لا
هتجيب كوندسر بولندى وابلاتين تمن وانسها بعد كدا لودخلت لميكانيكى غير بنزينك وزيتك .
طبعا ساعات الموبينة الزيت بتعملها مع الحر بتجيب موبينة دايموند يابانى . وانسى العربية

[SuperTest]

والله كلامكم معقول.. والف شكر علي الردود

انا هوضح نقطه. بشوف اسيرانزا 113 حالة فابريكه 2007 علي 34 و 36

دي مع التقسيط اللي قصدي عليه تمشى بس بدل 30 شهر ممكن ازود كام شهر خليهم 40 منا كده كده هبقي بقسط وهتفق علي فايده 10 في المية سنوية .

يعني لو 113 ب 35 مثلا هدفع 10 مقدم واقسط 25 علي 3 سنين ب 33 الف.. هدف عادي اول 10 شهور 5000 برضه وبعد كده 1075 شهريا لمدة 26 شهر

فمش هتفرق كتير. بس اجيب مرة واحده.. وﻻ ايه الاراء

ﻷنى شفت علي دوبزل 113 و a516 فى رينج اسعار ال 35 و 37 الف واللي ب 40 مبيتباعش كده السوق نايم

فانا لو جيت علي نفسي كام شهر زياده فس اقساط وجبت ال 113 او 516 مش افضل ؟؟ وﻻ الماروتى هتبقي مريحه اكتر في تعب الصنايعيه

انا تعبت.. بس الوضع زى ما عارفين ووضحتلكم انا اقدر ادفع 10 مقدم و 500 كل شهر مدة 10 شهور بعد كده عادي ادفع من 1000 ل 1200 .. الحمد لله ﻷنى هكون خلصت من الجمعية.. دخلى الحمد لله 2500.. وعايش لوحدي.. ومش هينفع اقصد جديد عشان انا شغال دكتور مساعد في عياده خاصة... كده الوضع قدامكم .. واتفتح قلبي هنا والله وحاشش انكم اخواتى

[lidosasa]

الماروتى حلوة وأصيلة وقطع غيار فى المتناول والمصروف العام عليها معقول جداً
فيما عدا الشكل الخارجى وقلة الكماليات ( بتتعالج واحدة واحدة وعلى مهلك بيركب ليها كل الكماليات ) فهى عربية مثالية وتقدر تعتبرها مرحلة مؤقتة ونقلة ( على قد الفلوس المتاحة ) من حياة المواصلات وبهدلتها إلى نادى أصحاب السيارات ....
العربية جراية بس على السرعات العالية بتبقى خفيفة ومش آمان خالص ومفيش حاجة إسمها عربية بتسافر وعربية لاء دا الموتوسيكيل الناس بتسافر بيه ...

[hugan]

انصح صاحبك من الصبح للعصر
ماتنحصش ضلله بعد كده
مع احترامي لكل الاراء
الماروتي لاتقارن بال113 نهائي
لا اتساع
ولا قوه موتور
ولا اوبشن نهايء من اصله
ولاجوده
ولا شكل ولا حجم
الماروتي عربيه فقيره جدا بعد مدي
انامش فاهم الصراحه الطريقه اللي عايز تشتري بيها
لكن حرام الماروتي تدفع فيها اكتر من 20 اف حتي لو موديل السنه

[SuperTest]

شكرا استاذ هوجان ، الطريقة انا هجيبها تقسيط فمش مهم انا هظبطها

انا بس كنت بقول انى ممكن اجيب الماروتى قسط على 30 شهر وبعدين قلت اجيب حاجه اوسع على 48 شهر 4 سنين

تكون فى حدود 45 الف كاش وغالبا نويت على ِa516 سبرانزا ،، ولا فيه حاجه افضل ،ودول يجيبوا موديل كام فيها ؟؟ انا بشوف 2008 عاملة 90 الف كيلو فابريكه برا وجوا على 45 و 44 و 46 على دوبيزل كتير

[hugan]

شكرا استاذ هوجان ، الطريقة انا هجيبها تقسيط فمش مهم انا هظبطها

انا بس كنت بقول انى ممكن اجيب الماروتى قسط على 30 شهر وبعدين قلت اجيب حاجه اوسع على 48 شهر 4 سنين

تكون فى حدود 45 الف كاش وغالبا نويت على ِa516 سبرانزا ،، ولا فيه حاجه افضل ،ودول يجيبوا موديل كام فيها ؟؟ انا بشوف 2008 عاملة 90 الف كيلو فابريكه برا وجوا على 45 و 44 و 46 على دوبيزل كتير

كده احسنت الاختيار
ال 516 عربيه رائعه وممتازه
وكل اللي عايزه من العربيه هاتلاقيه فيها
ال 45 يوقعوا عربيه بحاله ممتازه
الاهم تكون فابريقه بالكامل
كيلزو متر قليل
علشان تاخد خير العربيه
ممكن تدخل النوبيرا في البحث