كام سؤال بسيط من فضلكم :)

[HHALAWANY]

شباب المنتدى الكرام :)

محتاج اسأل كام سؤال كده بسيط .. محيرني لجهابزة وعباقرة المنتدى

عربيتي ماروتي 2013 جايبها زيرو

1- نور الاشارة الجانبي (البيضاوي) الصغير اللي في جنب العربية مش شغال .. مش عارف ليه ؟؟
في واحد شغال والتاني مش شغال ولوحده كده
كنت محتاج اغيره ، وكنت عاوز اعرف اجيب نوع لمبة اسمه ايه ومنين .. هل ممكن انا اركبها عادي ولا لازم كهربائي ؟؟؟ ولو كده محتاج اعرف بتتفك الباغة البرتقالي ازاي وبتتركب اللمبة ازاي ؟؟

2- العربية ساعات لما بمشي بيها بحس انها مخنوقة او متكتفة ، وساعات تانية في يوم تاني احسن انها زي الفل ... مش عارف دي تهيئات ولا فيه حاجة .. ؟؟؟

3- كنت عاوز اعمل صيانة ال 10000 وطبعا فاكس التوكيل .. وكنت عاوز اعملها بره .. ايه اللي ممكن اعمله للعربية من تغيرات او تظبيطات خاصة بصيانة ال 10000 ........ مع العلم اني عامل 7000 وشوية ، فهل استنى لحد ال10000 ولا اعمل الصيانة دلوقتي ... ؟؟ وخاصتا ان الزيت من ساعة مانا حاتطيته موبيل 1 - 10000 .. وانا مش مرتاح ... فاغيره برضوا بالمرة مع الصيانة ولا استنى ؟؟؟

4- اعرف ازاي ان الزيت محتاج يتغير وبايظ ؟؟؟

ياجماعة .. برجاء الرد على الموضوع بالنقط عشان بس ماتهوهش منكم :)
وشكرا

[HHALAWANY]

ليه ماحدش رد يا شباب .. ؟؟؟؟!!!

[osos007]

شباب المنتدى الكرام :)

محتاج اسأل كام سؤال كده بسيط .. محيرني لجهابزة وعباقرة المنتدى

عربيتي ماروتي 2013 جايبها زيرو

1- نور الاشارة الجانبي (البيضاوي) الصغير اللي في جنب العربية مش شغال .. مش عارف ليه ؟؟
في واحد شغال والتاني مش شغال ولوحده كده
كنت محتاج اغيره ، وكنت عاوز اعرف اجيب نوع لمبة اسمه ايه ومنين .. هل ممكن انا اركبها عادي ولا لازم كهربائي ؟؟؟ ولو كده محتاج اعرف بتتفك الباغة البرتقالي ازاي وبتتركب اللمبة ازاي ؟؟

-والله دى بصراحه محصلتش معايا مقدرش افيدك فيها ..
2
- العربية ساعات لما بمشي بيها بحس انها مخنوقة او متكتفة ، وساعات تانية في يوم تاني احسن انها زي الفل ... مش عارف دي تهيئات ولا فيه حاجة .. ؟؟؟

- اعتقد تهيئات او نوع البنزين لان 7000 وشويه لسه كله بخيره بس ممكن تحط منظف الكاربيراتير مع التفويله علشان لو فى اى وساخه من البنزين.
3
- كنت عاوز اعمل صيانة ال 10000 وطبعا فاكس التوكيل .. وكنت عاوز اعملها بره .. ايه اللي ممكن اعمله للعربية من تغيرات او تظبيطات خاصة بصيانة ال 10000 ........ مع العلم اني عامل 7000 وشوية ، فهل استنى لحد ال10000 ولا اعمل الصيانة دلوقتي ... ؟؟ وخاصتا ان الزيت من ساعة مانا حاتطيته موبيل 1 - 10000 .. وانا مش مرتاح ... فاغيره برضوا بالمرة مع الصيانة ولا استنى ؟؟؟
- والله انصحك بلاش تسيب التوكيل بدرى كده وتروح لصنايعيه .. والصيانه بتتلخص فى تغيير زيت وفلتر زيت وتزويد سوائل العربيه وتربيط عفشه ونظافة فلتر الهواء وانت اللى تحكم اذا كنت تستنى ولا تعملها دلوقتى من حالة العربيه وحالة الزيت ودى بتعرفها لما بتطلع مقاس الزيت وتبص عليه تحكم من اللون واللزوجه لو اسود محروق يبقى او لما تطلعه على صباعك تحس ان لزوجته راحت يبقى لازم يتغير لكن 7000 وشويه ده بدرى اعتقد ممكن تستنى لحد 9000 .

4- اعرف ازاي ان الزيت محتاج يتغير وبايظ ؟؟؟

-تم الاجابة عليه فى السؤال السابق

ياجماعة .. برجاء الرد على الموضوع بالنقط عشان بس ماتهوهش منكم :)
وشكرا

- اتمنى اكون افدتك

[alking_2006]

بالنسبة لنور الاشارة البيضاوى

1- هترفع الناحية اللى هيا فيها بالكوريك
2- هتفك العجلة
3- هتفك الكارتيرة الداخلية للرفرف
4- اللمبة بتبقى راكبة بكلبس و علشان كدا علشان تفكها هتمد ايدك و تضغط الكلبس من جوا (زى مشبك الغسيل كدا) و تدفعها لبرا الرفرف هتطلع معاك


لما تيجى تركبها تانى فى الرفرف هتركبها رشق

بالتوفيق

[HHALAWANY]

- اتمنى اكون افدتك

بصراحة بارك الله فيك .. وتسلم ايدك على شرحك وكلامك الوافي
بصراحة مشكلة التوكيل عندي ليها قصة كبيرة من ساعة مانا جبت العربية زيرو ومن ساعة ماروحت التوكيل لصيانة 1000 ... من الاخر كده روحت لهم 3 مرات عشان كل مرة اشتكي من حاجة شكل اورح اظبطها الاقي في مشكلة في الكهربة .. اروح اظبطها مايعملوليش حاجة .. لدرجة اني اقدمت شكوى فيهم في الادارة ..
وبرضو المشكلة ماتحلتش .. روحت لحد برة ماخدش مني ولا مليم عشان مشكلة كانت تافهه وظبطلي العربية !!!!
وانا بقا خرجت نفسي من بره ضمان الكهرباء لما ركبت كاسيت وسماعات وسنتر وانزار خارج التوكيل ..
فكده كده اكيد هايخنقوا عليا في حاجة .. ده غير انا ماضمنش اني بعد ماخرج من عندهم القي في حاجة مش مظبوطة تاني .. ياعني انا اصلا ماكونشي بشتكي من حاجة وابص الاقي العربية كهربتها مش مظبوطة وبتترج جامد ومخنوقة في السحب زي قبل كده .. والله اعلم ايه اللي ممكن اشوفه منهم تاني

واخيرا ... بما ان مافيش حوارات كتيير ومافيش حاجة بتغيير غير بس سوايل وزيت وفلتر وربط عافشة والكلام البسيط ده فانا اعتقد ان لو اتعملوا بره هايبقى افضل ,,, لانها مش كمياء ياعني ... ده على حد علمي..
وده اللي نصحني بيه الدكتور حازم برضو قبل كده ...

وشكراا

[HHALAWANY]

بالنسبة لنور الاشارة البيضاوى

1- هترفع الناحية اللى هيا فيها بالكوريك
2- هتفك العجلة
3- هتفك الكارتيرة الداخلية للرفرف
4- اللمبة بتبقى راكبة بكلبس و علشان كدا علشان تفكها هتمد ايدك و تضغط الكلبس من جوا (زى مشبك الغسيل كدا) و تدفعها لبرا الرفرف هتطلع معاك


لما تيجى تركبها تانى فى الرفرف هتركبها رشق

بالتوفيق

استاذي الفاضل .... شكرا لردك واهتمامك قبل كل شيء ... بس بما ان القصة لفة حوالين نفسيها اوي كده وطلعت حوار .. يبقى خليها مطفية افضل :

وشكرا

[tifa2015]

يا باشا كهربائى هيغيرلك اللمبة فى نص دقيقه بخمسه جنيه وريح بالك اما بالنسبة لصيانة العشر اﻻف فيها تغير ابلاتين وكوندينسر وبوجيهات وبيشيكو على تيل الفرامل مع تغيير الزيت ولو مش هاتروح التوكيل هات قطع الغيار المحترمة من حد موثوق منه واى ميكانيكى شاطر هيغيرهملك

[osos007]

صيانة ال عشرة الاف مفيهاش تغيير ولا ابلاتين ولا كوندينسر

[Ah.Farid]

بصراحة بارك الله فيك .. وتسلم ايدك على شرحك وكلامك الوافي
بصراحة مشكلة التوكيل عندي ليها قصة كبيرة من ساعة مانا جبت العربية زيرو ومن ساعة ماروحت التوكيل لصيانة 1000 ... من الاخر كده روحت لهم 3 مرات عشان كل مرة اشتكي من حاجة شكل اورح اظبطها الاقي في مشكلة في الكهربة .. اروح اظبطها مايعملوليش حاجة .. لدرجة اني اقدمت شكوى فيهم في الادارة ..
وبرضو المشكلة ماتحلتش .. روحت لحد برة ماخدش مني ولا مليم عشان مشكلة كانت تافهه وظبطلي العربية !!!!
وانا بقا خرجت نفسي من بره ضمان الكهرباء لما ركبت كاسيت وسماعات وسنتر وانزار خارج التوكيل ..
فكده كده اكيد هايخنقوا عليا في حاجة .. ده غير انا ماضمنش اني بعد ماخرج من عندهم القي في حاجة مش مظبوطة تاني .. ياعني انا اصلا ماكونشي بشتكي من حاجة وابص الاقي العربية كهربتها مش مظبوطة وبتترج جامد ومخنوقة في السحب زي قبل كده .. والله اعلم ايه اللي ممكن اشوفه منهم تاني

واخيرا ... بما ان مافيش حوارات كتيير ومافيش حاجة بتغيير غير بس سوايل وزيت وفلتر وربط عافشة والكلام البسيط ده فانا اعتقد ان لو اتعملوا بره هايبقى افضل ,,, لانها مش كمياء ياعني ... ده على حد علمي..
وده اللي نصحني بيه الدكتور حازم برضو قبل كده ...

وشكراا

استاذ حسام
بما اننا من محافظة الجيزة يعنى جيران ,,,,,,,فياريت تقولى ميكانيكى تكون بتتعامل معاة بس يكون كويس لان الماروتى برغم انها بسيطة فى كل حاجة بس الصنايعية مابيصلحوش العيب من او مرة ,,,,,لازم تروح مرة واتنين وبصراحة مبيقاش فية وقت للكلام دة وبحس ان معظم ميكانيكية فيصل الواحد منهم بيشتغل فى العربية بعدم اهتمام ,,,,,,,,,,كانها عربية قليلة (او بيبقى مستكبر انة يصلحها من اول مرة )
لدرجة انى لازم اروح زيارة الاول بالعربية النيسان الاول واداردش انى عندى مشكلة فى العربية بتاعة مراتى (الماروتى ) وعاوز ابقى اجيبهالك تبص عليها ,,,,ساعتها يهتم ويكشف بضمير

[moe gawad]

يافندم اولا اللمبه زى مالجماعه قالولك كده من تحت الكارتيره او فك الغماز نفسه من الرفرف بس براحه علشان ماتكسرش الكلبسات ده اولا
اما بخصوص الزيت غيره دلوقتى علشان زيت موبيل خفيف اوى وبينقص . دلوقتى هاتلاقيه ناقص حوالى نصف كيلو. حط زيت شيل 10000 وغير الفلتر ده احسن بكتييييرررر.
موضوع الخنقه دايما فى العربيه ديه بيكون مصفة الطلمبه لامه مخلفات كتير نظفها ، ورشابراى كاربيراتير جوه العمه . وبص على البوجيهات الدنيا انشاء الله هاتظبط. وصيانة 10000 بيكون فيها
مراجعة تيل امامى ورجلاش خلفى
زيت وفلتر للموتور
تربيط عفشه امامى
والباقى كله تنظيف

يعنى مافيهاش مشتريات غير زيت وفلتر انشاء الله فاهمنى
لو احتجت اى حاجه كلمنى انا ممكن افيدك بمعلومه 01210555631
م.محمد عبد الجواد

[tifa2015]

صيانة ال عشرة الاف مفيهاش تغيير ولا ابلاتين ولا كوندينسر

حضرتك متاكد من الكلام ده اصلهم غيرهوم لىا فى التوكيل يبقى كده اشتغاله بقى وهما مفيهمش حاجة ولا ايه

[HHALAWANY]

يافندم اولا اللمبه زى مالجماعه قالولك كده من تحت الكارتيره او فك الغماز نفسه من الرفرف بس براحه علشان ماتكسرش الكلبسات ده اولا
اما بخصوص الزيت غيره دلوقتى علشان زيت موبيل خفيف اوى وبينقص . دلوقتى هاتلاقيه ناقص حوالى نصف كيلو. حط زيت شيل 10000 وغير الفلتر ده احسن بكتييييرررر.
موضوع الخنقه دايما فى العربيه ديه بيكون مصفة الطلمبه لامه مخلفات كتير نظفها ، ورشابراى كاربيراتير جوه العمه . وبص على البوجيهات الدنيا إن شاء الله هاتظبط. وصيانة 10000 بيكون فيها
مراجعة تيل امامى ورجلاش خلفى
زيت وفلتر للموتور
تربيط عفشه امامى
والباقى كله تنظيف

يعنى مافيهاش مشتريات غير زيت وفلتر إن شاء الله فاهمنى
لو احتجت اى حاجه كلمنى انا ممكن افيدك بمعلومه 01210555631
م.محمد عبد الجواد

اولا باعتذر عن التأخير في الرد .. لظروف شخصية ... الحمدلله
طب كنت عاوز اعمل الحاجات دي واشيك علي اللي محتاج .. اروح عند مين بالظيط يكون كويس ومحترم في شغلة ويكون في نطاق محافظة الجيزة .... وشكرا