اطارات الماروتي

[amrseiffares]

مقاس الماروتي ال 12 نادر جدا حبيت اجيب بيرللي . سمعت انها مش بتنزل مقاس 12 والي بينزل مقاس 12 ماركات مجهوله , يا ريت افضل نوع والسعر , وما هو العمر الافتراضي للاطارات ,

[mesaharaty]

الماركات اللى بتنزل مقاس 12 مش مجهولة ولا حاجة .
عندك جوديير وهانكوك وجى تى ودول أعتقد إنهم مناسبين قوى ومتوفرين برضه وحضرتك ممكن تركب منهم وكن مطمئن .
مقاس الكاوتش استاندارد 145 / 70 / 12 .
سعر الفردة فى حدود 300 جنيه زيادة أو أقل 10 جنيه حسب التاجر .
أنا عن نفسى جربت جوديير وهانكوك ومستريح معاهم والحمد لله .
كلمة العمر الإفتراضى تتوقف على حالة الكاوتش اللى وصل لها مع الإستعمال . يعنى لو فردة اتعمل لها اصلاحات كتير وكان فيها خروم كتير واتعالجت يبقى لازم تتغير أسرع من غيرها .
ولو افترضنا إن واحد لسه مركب فردة جديدة وهو خارج من عند بتاع الكاوتش الفردة خبطت فى حديدة طالعة من الأرض قطعتها يبقى هنا برضه أقول عمر افتراضى وأصر على استعمال الفردة ولا أغيرها للضرورة ؟
المسألة كلها نسبية وحسب الإستخدام وظروفه . ممكن الكاوتش يحتاج تغيير بعد سنة وممكن يحتاج بعد أربعة .

[lidosasa]

الجوديير اللى موجود حالياً ناشف ومش حلو .. الهانكوك وال g t معقولين
وبالنسبة للعمر الإفتراضى القياسى للكاوتش 50 ألف كيلو أكتر أو أقل حسب إستهلاكك وطبيعة الطرق وطريقة سواقتك للعربية

[AMRSPEED]

انا مركب اسبكترا فرده حلوه وبتستحمل

[ayman011]

هو ممكن اركب مقاس ايه غير ده
145 / 70 / 12

[AMRSPEED]

155-70-12