ورشة سوزوكي الحديثة - مهندس توكيل سابق

[mohamed_ramadan]

داخل هذه الورشة سنقدم كل النصائح ان شاء الله لاصلاح اي عطل بالسيارة

ضع سؤالك وسوف نجيب عليه باستفاضة كاملة لدعم الاخوة الاعضاء الافاضل


بسم الله الرحمن الرحيم

وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

صدق الله العظيم

[mtamer_fa]

السلام عليكم
انا عندى عربية سويفت 93 من الزيرو حالة ممتازة وانا اشتريت عربية جديدة وعاوز ادى سويفت الى زوجتى بس هى مانويل وهى عوزة اوتوماتك فكنت عاوز اعرف هل يمكن احول العربية الى اوتوماتك وكام التكلفة

[mesaharaty]

داخل هذه الورشة سنقدم كل النصائح ان شاء الله لاصلاح اي عطل بالسيارة

ضع سؤالك وسوف نجيب عليه باستفاضة كاملة لدعم الاخوة الاعضاء الافاضل

بسم الله الرحمن الرحيم

وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

صدق الله العظيم

أهلا وسهلا بحضرتك يا باشمهندس .
الف شكر على تعاونكم مع قسم سوزوكى وإن شاء الله ربنا يكرمك لزيادة الثقافة والمعلومات بالمنتدى .

[mohamed_ramadan]

طبعا ممكن --- لكن تعالي نحلل الموضوع
لو عربيتك 1000 سي سي الموتور بتاعك (g10a)
لو عربيتك 1300 سي سي الموتور بتاعك (g13b)
اخدا في الاعتبار ان اللي عنده الفتيس الاتوماتيك هيبيعه غالي جدا
لكن حضرتك هتبقي لازم تغير الضفيرة والكومبيوتر مع الفتيس ومخبيش عليك العملية دي محتاجة صنيعي متمكن لاسباب فنيه كتير - وبما ان العربية من الزيرو مع حضرتك يفضل تفضل ذي ما هيا - لان حاجة السوزوكي القديم غاليه.

[mohamed_ramadan]

طبعا ممكن --- لكن تعالي نحلل الموضوع
لو عربيتك 1000 سي سي الموتور بتاعك (g10a)
لو عربيتك 1300 سي سي الموتور بتاعك (g13b)
اخدا في الاعتبار ان اللي عنده الفتيس الاتوماتيك هيبيعه غالي جدا
لكن حضرتك هتبقي لازم تغير الضفيرة والكومبيوتر مع الفتيس ومخبيش عليك العملية دي محتاجة صنيعي متمكن لاسباب فنيه كتير - وبما ان العربية من الزيرو مع حضرتك يفضل تفضل ذي ما هيه - لان حاجة السوزوكي القديم غاليه دا طبعا غير مشاكل الفتيس القديم
بالنسبه للاسعار حضرتك ممكن تتصل وتعرف الاسعار
الفتيس اللي يركب علي عربيتك ينفع من سنه (1989 - 2004 )
والفتيس اللي هتدور عليه من النوع (ECC) وهو ثلاث سرعات
وبالنسبه للاسعار فيه في المنتدي ناس كتير بتوع قطع غيار ممكن تسألهم

[mohamed_ramadan]

أهلا وسهلا بحضرتك يا باشمهندس .
الف شكر على تعاونكم مع قسم سوزوكى وإن شاء الله ربنا يكرمك لزيادة الثقافة والمعلومات بالمنتدى .

انا تحت امر قسم سوزوكي وانشاء الله نتعاون معا للخير وفي الخير

[al_manara]

عاوز اعمل سكان لسوزوكي التو 2007
هل عندك سكانر

[eng_abas]

الف شكر للموضوع
معايا سويفت 94 العربية لما ببطلها كانها مش عايزة تبطل و تفضل تترعش و ادورها و ابطلهامرة او اتنين لغاية ما تبطل .... ممكنحد يفهمن ايه السبب...
فى زى صباع طالع من المكنةمن ورا و خارج منه خرطومين اتكسر و الراجل طببه و مش عارف اسمه ايه و بيعمل ايه عشن اجيب زيه

افيدونى بارك الله فيكم

[Dr_Smart]

شكرا يا بشمهندس على المساعده .. عايز اسال عن sx4 2009 .. بالنسبة لزيت الفتيس الاوتوماتيك بيتغير امتى وايه انسب نوع ؟ وزيت الفرامل برضو بيتغير امتى وهل لازم dot 3 زي مابيقول الكتالوج ولا dot 4 احسن ؟

[mohamed_ramadan]

عاوز اعمل سكان لسوزوكي التو 2007
هل عندك سكانر

ياباشا ويجي المنتدي يقول انت بتعمل دعاية و يوقفك كمان

[mohamed_ramadan]

الف شكر للموضوع
معايا سويفت 94 العربية لما ببطلها كانها مش عايزة تبطل و تفضل تترعش و ادورها و ابطلهامرة او اتنين لغاية ما تبطل .... ممكنحد يفهمن ايه السبب...
فى زى صباع طالع من المكنةمن ورا و خارج منه خرطومين اتكسر و الراجل طببه و مش عارف اسمه ايه و بيعمل ايه عشن اجيب زيه

افيدونى بارك الله فيكم

افحص الكونتاكت

[mohamed_ramadan]

شكرا يا بشمهندس على المساعده .. عايز اسال عن sx4 2009 .. بالنسبة لزيت الفتيس الاوتوماتيك بيتغير امتى وايه انسب نوع ؟ وزيت الفرامل برضو بيتغير امتى وهل لازم dot 3 زي مابيقول الكتالوج ولا dot 4 احسن ؟

زيت الفتيس (suzuki ATF 3317) او (mobil ATF 3309)وبتاخد 2.6 لتر
زيت الفرامل ذودة لو ناقص (dot 4)

يفضل تغيير الزيت كل 30,000 miles (48,000 km) يعني كل 50000 كيلومتر
وانا افضل الاضافة لو ناقص دون تغيير

[al_manara]

ياباشا ويجي المنتدي يقول انت بتعمل دعاية و يوقفك كمان

انا بسأل . مش بعمل دعاية

ممكن تبعتلي علي الخاص لو في عندك .

شكرا

[Dr_Smart]

زيت الفتيس (suzuki atf 3317) او (mobil atf 3309)وبتاخد 2.6 لتر
زيت الفرامل ذودة لو ناقص (dot 4)

يفضل تغيير الزيت كل 30,000 miles (48,000 km) يعني كل 50000 كيلومتر
وانا افضل الاضافة لو ناقص دون تغيير

شكرا على الرد

حضرتك تفضل الاضافه مش التغيير بالنسبة لزيت الفتيس ولا الفرامل ولا الاتنين ؟
والتغيير كل ٥٠ الف كم بالنسبة لايه فيهم ؟

لما سألت في التوكيل ردهم كان تغيير زيت الفتيس بعد ١٠٠ الف كم ... ونصحوني بعدم تغيير زيت الفرامل عشان بيحصل مشاكل في منظومة الفرامل

[mohamed_ramadan]

شكرا على الرد

حضرتك تفضل الاضافه مش التغيير بالنسبة لزيت الفتيس ولا الفرامل ولا الاتنين ؟
والتغيير كل ٥٠ الف كم بالنسبة لايه فيهم ؟

لما سألت في التوكيل ردهم كان تغيير زيت الفتيس بعد ١٠٠ الف كم ... ونصحوني بعدم تغيير زيت الفرامل عشان بيحصل مشاكل في منظومة الفرامل

سيدي الفاضل الاضافة لو ناقص في الفتيس والفرامل وانصح بعدم التغيير كليا
وهنا كل الاراء بتختلف
فيه ناس بتغير زيت فتيس كل 20000 وفيه كل 30000 وفيه كل 40000 وفيه كل 50000 كل واحد ليه اسبابه لدرجة ان فيه واحد بيغير زيت الفتيس مع زيت الموتور كل 10000
بصراحة دي فلوس علي الفاضي
لو في التوكيل بيغيروا بعد 100000 كم هل هيعمل فلش ولا بفك الطبة ويملا اللي نزل & في الغالب بيملا اللي نزل وكده بيخلط ما بين الجديد والقديم وكده معملش حاجة.
انصحك لو فيه نقص ذودة وبلاش تغيره ودا رأي لان كل الحديث زيت الفتيس من عمر الفتيس نفسه