أستفسار عن سوزوكى جيمنى

[Rommel]

السلام عليكم
يا شباب بعد اذنكو عايز استفسر عن السوزوكى الجيمنى
من حيث الاعتمادية وتوفر قطع الغيار واسعارها
وانى الافضل فيها المنيول ولا الاتوماتنيك
وياريت لو حد جربها يقولنا تجربتة مع العربية وانا غالبا احتياجى ليها هايكون للاوف رود
وشكرا مقدما

[Lifz_Good]

معلش أنا عايز أعرف بس هيا متوفر منها موديل جديد (لسة بتنزل يعني)
يا ريت لو حد عندو معلومة في هذا الخصوص يفيدنا
لينك المواصفات أو بروشر م الوكيل
الأسعار
رقم تليفون للوكيل (يكون شغال) لأن أرقامهم ربنا ما يوريكوا (محدش بيرد)

[Rommel]

هو الموديل الجديد لسة منزلش انا بتكلم عن الموديلات القديمة من 2000 الى 2010
وعلى العموم توكيل مودرن موترز بتاع السوزوكى اقل ما يوصف بأنة زبالة وتوكيل مش محترم عقدنى فى الفيتارا وكل ما هو سوزوكى غير انك اغلب قطع غيار الفيتارا مش متوفرة فى التوكيل وكنت بضر اجيبها من تامر بركات ودة اسعارة اغلى من التوكيل لانة المحتقر الوحيد لقطع غيار الجراند فيتارا

[dr.hazem]

العربية مش منتشرة وهتتغلب جدا في قطع الغيار ومع ذلك العربية سمعتها في الاوفرود ممتازة لان وزنها خفيف ومش بتغرز كتير
تحياتي

Sent from my Xperia Arc S using Forum Runner

[DODGE2013]

بص في الخليج السيارة ديه اعتمادية جدا خصوصا للصحرا والتغريز الخ الخ ماتور 4 سلندر صح بس جبار عليه تورك مش طبيعي خصوصا ان وزنها خفيف جدا والعربية دفع خلفي لو حتستخدمها تغريز يبقى جير عادي طبعا لو استخدام
عادي يبقى هاتها اوتوماتيك وعموما منصحش بيها لان حجمها صغير كاستخدام يومي

[DODGE2013]

قطع غيارها موجوده ومتوفره اصل ايه قطع الغيار الي حتحتجها يعني ؟؟؟؟؟

فرامل ؟ موجود درامل ويل موجود بيرنج ؟ كرسي جير كرسي ماكينه ؟ عفشة ؟ طرمبة بنزين ؟ طرمبة زيت ؟

فلتر زيت ؟ فلتر بنزين ؟ موبينه ؟ (كويلات) ؟؟؟؟؟؟؟؟؟؟؟؟؟؟؟؟؟

كله موجود وبيركب عليها اغلب قطع غيار السوزوكي الفيتارا او الجيميني السكل القديم

[Rommel]

طيب اسعار قطع الغيار غالية زى الفيتارا ولا فى المعقول ؟