مشكلة غريبة في الماروتي

[ibrahimmcse]

ارجو المساعدة من الخبراء

كان عندي مشكلة في الردياتير بيسقط مياه ولحمته قبل كده ومافيش فايدة
اشتريت ردياتير جديد وركبته عن الراجل بتاع الردياتيرات
وركبت عليه الغطاء الاصلي وتقريبا الغطاء الاصلي مش ماسك كويس وبيسقط مياه
بصيت لقيت المروحة مش بتشتغل بعد ماغيرت الردياتير باسبوع
الراجل بتاع الردياتيرات قالي دي كهربا
الكهربائي قالي دي ثرموثتات ردياتير
وصاحبي قالي واخده هوا
شغلت العربية وفتحت الغطا وزودت مياه لحد ما الهوا خرج
اشتغلت المروحة تمام بس لسه مشكلة الغطا
جبت غطاء جديد اصغر شوية من الاصلي
وركب تمام

حصلت مشكلة غريبة
الصبح لما ادور واروح الشغل العربية مليانة مياه تمام و القربه لحد كلمة ماكس
بعد ما امشي تبدأ العربية تسخن لحد ما تعدي النص وتقرب على الشرطة الاولي ويقوم المياه تخرج باندفاع من القربة وترجع العربية تبرد لوحدها لحد اقل من النصف تاني وبعدين تمشي عادي خالص

لما اوصل الاقي القربة فاضية و المياه مغرقة العربية من جوا
و انا مروح اقوم افتح الردياتير الاقيه ناقص شوية اكمله واملا القربة يحصل نفس الحركة وانا مروح

المؤشر يعدي النصف وبعدين المياه تخرج من القربة وبعدين ترجع تبرد عادي

فكيت الردياتير خالص وفضيت المياه ومليته من الاول
عمل نفس الحركة

هل ممكن يكون المشكلة في الغطاء ؟
هل احتاج لتغيير الردياتير ؟
بفكر اجيب ردياتير استيراد عشان يبقى شبه الاصلي

ارجو المساعدة من وحوش الماروتي وشكرا

[lidosasa]

مشكلتك واضح إنها فى غطا الريداتير
أقرا الموضوع ده حستفيد منه

http://www.nilemotors.net/Nile/92487-a.html

[ابو لؤى]

الغطاء ياريس

[ibrahimmcse]

ارجوكم حد يساعدني
غيرت الغطا مافيش فايده
غيرت الردياتير تاني وجبت واحد هندي انضف من اللي كان راكب ونفس المشكلة
اخر فتوى واحد قالي جوان وش السلندر . ولكن قولتله المياه بتنفخ مره واحده وبعد كده الحرارة بتنزل وتشتغل عادي تاني ولا كان في مشكلة

ارجو المساعدة

[Amr Axel]

راجع ع الخراطيم و الافيس اللي عليها كويس و غطا القربة
و ان ترموستات الكوعة راكب
و حاول لو تقدر تشوف مصدر المية بيخرج منين

[ibrahimmcse]

الخراطيم و كلها تمام
المياه بتخرج من الفايظ بتاع القربة بترجع من الماتور على الردياتير باندفاع تملأ القربه وتطلع من الفايظ زي النافوره وبعدها بتتظبط عادي و الحارة بترجع طبيعية اخر كلام الناهردة واحد قالي الماتور بينفخ هوا وده بدايه جوان
وأنا بصراحة خايف افك المانور واغير جوان و يطلع عيب حاجة تانية

[Sherif Mandoor]

مشكله فى الترموستات

[ibrahimmcse]

ألف شكر للجميع
طلعت مشكلة في ترموستات الكوع كان قافش
و الحمد لله بقت تمام