ذهقت من الماروتى

[shnouda]

انا ذهقت من حاجة اسمها ماروتى انا اشتريت العربية من 3 شهور وكل يوم بعمل حاجة العربية 98
فبريكا دواخل اول ما استلمتها عملت صيانة شاملة
بعد كدة فردتين كوتش ادام وبعدين اسطوانة ودسك و بلية و2 كوبلن وظبط تكهات ومساعد شنطة و2 مساعدين خلفى وطقم طبل تمام كدة بعد كدة بلى امامى وبلى خلفى بعد الاسطوانة باسبوع لقيت صوت بلية الدبرياج على جدا قالولى البلية الى انت جايبها فى الطقم بايظ لاذم تتغير ونحل تانى ماشى غيرت
بعد كدة سمعت صوت فى الشكمان العلبة الى فى النص بايظة ماشى غير
بعد كدة سمعت صوت فى العجلة الخلفية شمال اية ياعم العفشجى قالى الشداد الخلفى بايظ والعجلة الشمال معوجة يعنى اية ياعم قالى لاذم تغير دونجل كامل واليايات مش كويسة لاذم تتغير ماشى ياعم غير الكلام دة من يومين النهاردة سمعت تكتكة خفيفة فى العجلة اليمين ورا
اعمل اية اولع فى العربية

[waelgam2005]

براحه ياريس تغور العربيه ولا تحرق اعصابك انا عارف انه موضوع ممل انك كل شويه تغير حاجه بس لازم تستحمل لانهاغلطتك من البدايه لان واضح من كلامك انك شاري عرببه بتعشق الميكانيكي .. متظلمش الماروتي واللي اقدر افيدك فيه انك تحاول تخلص من العربيه دي وتحاول تجيب حاجه موديل احدث وتكون حالتها تمام او تغير الميكانيكي وتاخد الموضوع واحده واحده وتسال كويس عن قطع الغيار اللي بتشتريها وان شاء الله ربنا يسترها معاك

[osos007]

بـيـع ياباشا .. طالما العربيه فاتحه بقها من ساعة ماجبتها يبقى عمرها ماحتقفل وحتكلفك مصاريف كتير انت فى غنى عنها بيع وحوش وهات اى حاجه موديل قريب مش تسعينات ... اى عربيه مهما كانت وقديمه حتلاقى مشاكلها كتير.

[J A G U A R]

هما كلمتين ومفيش غيرهم ( اطلع منها )

[shnouda]

هو الصوت طلع من الكراسى بعد تغير الدونجل بس فى مشكلة بسمع صوت هواء ذيادة لما بذود سرعة مش عارف جى منين