هل ده عادي?

[SunSet]

السلام عليكم

عربيتي ماروتي

بيحصل ساعات حاجة مستفزة وبتكرر

ابقى راكنة في مكان ,, لما أرجع ,, ألاقي العربية اتغير مكانها واتحركت رغم اني رافعة فرامل اليد

ومش بس حركة في نفس الاتجاه قدام او وراء

لاااااا


ده بيتغير إتجاهها ساعات والاقيها مثلا عمودية على الوضع اللي سبتها فيه

حد بيحصل معاه كده??

:'(

[a7medsh3rawi]

وعليكم السلام ورحمة الله وبركاته
دا مشكله كبيره وممكن تتسرق منك لو حد لاحظ انها ممكن تتحرك من مكانها بسهوله ..
واظاهر ان فى حد عندك فى المنطقه بيتعمد يعمل كدا وفاهم فى العربيه بتاعتك ..
اول حاجه هتعمليها هتشد الهاند بريك كويس وتحط عصاية الفتيس على الاول او التانى وتشترى دراع حماية للدركسيون بيمنع الكاوتش انه يلف يمين اوشمال ويبقى يقابلنى لو عرف حتى يمشيها متر قدام ...
ودا شكل دراع الحمايه :

[dr.hazem]

طبعا ده مش شئ عادي بل هو مستحيل الا لو بيشيلو العربيه شيل واكيد حضرتك بتركني صف تاني وبتسيبي الهند بريك محلول
تحياتي

Sent from my Xperia Arc S using Forum Runner

[walidzakzok]

انا بقى عارف السبب هههههههه

لان الستات لما بتركن بتاخد مكانين او بيكون الركن عمودي وهية تركن موازي علشان كدة الناس بتشيل العربية وتلفها او تزقها حتى لو فرامل اليد مرفوعة وخصوصا وان الماروتي وزنها خفيف

[shiko85]

انا بقى عارف السبب هههههههه

لان الستات لما بتركن بتاخد مكانين او بيكون الركن عمودي وهية تركن موازي علشان كدة الناس بتشيل العربية وتلفها او تزقها حتى لو فرامل اليد مرفوعة وخصوصا وان الماروتي وزنها خفيف

+111111111111111

[J A G U A R]

اكيد فى حد بيشيلها

[SunSet]

طبعا ده مش شئ عادي بل هو مستحيل الا لو بيشيلو العربيه شيل واكيد حضرتك بتركني صف تاني وبتسيبي الهند بريك محلول
تحياتي

sent from my xperia arc s using forum runner

هم فعلا بيقولولي انها خفيفة وبتتشال بسهولة والكلام ده
اما موضوع الصف التاني فمرغم اخاك لا بطل بتحصل في جراجات ومش بارفع الهاند بريك لكن حصل ولاقيتها في وضع عمودي

كمان زي ما قلت لوراكنة عادي الاقي عربية ستاشن طيرت العربية من مكانها رغم رفع الهاند

[SunSet]

انا بقى عارف السبب هههههههه

لان الستات لما بتركن بتاخد مكانين او بيكون الركن عمودي وهية تركن موازي علشان كدة الناس بتشيل العربية وتلفها او تزقها حتى لو فرامل اليد مرفوعة وخصوصا وان الماروتي وزنها خفيف

كلامك مش صحيح
بالنسبة لي لما الركن يكون عمودي باركن عمودي ولما يكون موازي باركن موازي

[SunSet]

وعليكم السلام ورحمة الله وبركاته
دا مشكله كبيره وممكن تتسرق منك لو حد لاحظ انها ممكن تتحرك من مكانها بسهوله ..
واظاهر ان فى حد عندك فى المنطقه بيتعمد يعمل كدا وفاهم فى العربيه بتاعتك ..
اول حاجه هتعمليها هتشد الهاند بريك كويس وتحط عصاية الفتيس على الاول او التانى وتشترى دراع حماية للدركسيون بيمنع الكاوتش انه يلف يمين اوشمال ويبقى يقابلنى لو عرف حتى يمشيها متر قدام ...
ودا شكل دراع الحمايه :

جزاك الله خيرا على الافادة

بس مش عارفة مدى أهمية وضرورة الحاجات دي

[SunSet]

+111111111111111

ما شاء الله !

عجبتك قوي!?

-----------




تم حصولك على انذار وايقاف لمدة اسبوع طبقا لقرار لجنة فض المنازعات بعد الشكوى المقدمة نحوك .

مشرف 3 ب
22/3/2014
1.16am

[walidzakzok]

انا وضحتلك السبب وبراحتك تصدقيه او لا

[dr.hazem]

هم فعلا بيقولولي انها خفيفة وبتتشال بسهولة والكلام ده
اما موضوع الصف التاني فمرغم اخاك لا بطل بتحصل في جراجات ومش بارفع الهاند بريك لكن حصل ولاقيتها في وضع عمودي

كمان زي ما قلت لوراكنة عادي الاقي عربية ستاشن طيرت العربية من مكانها رغم رفع الهاند

عادي حصلتلي مره وكنت رافع الهند ومعشق العربية ولقيتهم زايحينها والكاوتش معلم عالارض!!!
في ناس مفتريه مبيفرقش معاها وهيلا بيلا يشيلو العربية فليله
تحياتي

Sent from my Xperia Arc S using Forum Runner

[dr.hazem]

انا بقى عارف السبب هههههههه

لان الستات لما بتركن بتاخد مكانين او بيكون الركن عمودي وهية تركن موازي علشان كدة الناس بتشيل العربية وتلفها او تزقها حتى لو فرامل اليد مرفوعة وخصوصا وان الماروتي وزنها خفيف

اخي الكريم...
هل تحب ان ردك ده يكون على اخت تقربلك؟؟؟
اختك مثلا؟؟؟
اختنا بتسال وتستفسر عن شئ عادي ومعتقدش ان رد حضرتك اضاف للموضوع فائده فياريت نراعي مشاعر الآخرين..
تحياتي

Sent from my Xperia Arc S using Forum Runner

[walidzakzok]

اخي الكريم...
هل تحب ان ردك ده يكون على اخت تقربلك؟؟؟
اختك مثلا؟؟؟
اختنا بتسال وتستفسر عن شئ عادي ومعتقدش ان رد حضرتك اضاف للموضوع فائده فياريت نراعي مشاعر الآخرين..
تحياتي

sent from my xperia arc s using forum runner

انا شايف ان كلامي واضح ومافيهوش خروج الاخت بتسال وانا باجاوبها عن السبب الحقيقي احنا مش بنقول كلام عيب!!.........الاخت بتسال العربية بتتحرك من مكانها مهو يا اما العربية راكبها جن يا اما اللي انا قولتله لكن الناس بتجاوب على قفل دركسيون وكلام من دة حتى لو العربية معشقة بتترفع وتتزق مع احترامي لاختنا سواقة الستات معروفة للجميع فى الشارع المصري مش علشان قولت الحق ابقى كلام اقبله على اختي ونصغر عقلنا بالطريقة دي وانا افدت الموضوع مش داخل اهزر انت فهمت كدة براحتك برده لكن انا عقلي كبير وباجاوب ايجابات واقعية ولو اختى هاقولها كدة لان انا مبقولهاش حاجة عيب!! لازم تراجع طريقتها فى الركن بدل ما تلاقي العربية مرمية فى نص الشارع لان فيه ناس مفترية واظن كدة انا افدت الموضوع لان حضرتك واضح جدا انك مش مستوعب الموضوع كويس

تحياتي

[J A G U A R]

كلام الاستاذ وليد سليم ومغلطش فى حاجه وده اللى بيحصل فعلا من الستات

تحياتى