تغير زيت موبيل سوبر 1000

[مصطفى حمودى]

النهارده غيرت الزيت وكان موبيل سوبر 1000 كنت عايز اعرف مدة الزيت فى السيارة مع العلم ان استخدمى للسيارة قليل كام مرة فى الاسبوع داخل البلد والسيارة من ساعة ما اشترتها يدوب عملت 3000 كيلو من شهر مارس 2013 الموديل سوزوكى التوا 2008 انا مش عارف هل انا اتخرت فى تغير الزيت وانه زاى ما مهندس قالى انه لازم يتغير كل 6 شهور او كل 5000 كيلو

يارت لو فى حد من اسكندرية يعرف ميكانيكى سوزوكى يكون امين لان فى واحد اشتغالنى وكان عايز يغير بلى مش عارف ايه ولما كشفت على العربية فى التوكيل قالى العربية مافيهاش حاجه مع العلم انى كنت بشتكى من سحب العربية ورجرجة او كركرة عند نقل الغير وقالوا مافيش حاجة والعربية تمام

[lidosasa]

فعلاً الزيت ليه مدة زمنية محددة بيفقد بعدها خواصه حتى لو العربية مش بتتحرك وهو على ما أتذكر سنة للزيت التخليقى و6 شهور للزيت المعدنى .
وبالنسبة لكركة العربية ممكن يكون البنزين فيه شوائب فجرب تحط بنزين من محطة نضيفة وجرب لو لسه المشكلة موجودة يبقى ممكن يكون فلتر البنزين عايز يتنضف

[مصطفى حمودى]

فعلاً الزيت ليه مدة زمنية محددة بيفقد بعدها خواصه حتى لو العربية مش بتتحرك وهو على ما أتذكر سنة للزيت التخليقى و6 شهور للزيت المعدنى .
وبالنسبة لكركة العربية ممكن يكون البنزين فيه شوائب فجرب تحط بنزين من محطة نضيفة وجرب لو لسه المشكلة موجودة يبقى ممكن يكون فلتر البنزين عايز يتنضف

طب معلش الزيت بتاع موبيل سوبر 1000 ده نظامه ايه

[lidosasa]

طب معلش الزيت بتاع موبيل سوبر 1000 ده نظامه ايه

الموبيل عامة محدش شكر فيه
جرب شيل هيلكس الأصفر 15w50 ولو عايز حاجة من الأنواع الجديدة المعبأة بره مصر يبقى وولف أو زادو