بعد ماغيرت الزيت لاقيت المقاس مش مظبوط ؟

[HHALAWANY]

ازيكم يا شباب عاملين ايه

كنت غيرت الزيت مين يومين كده زي ماقلت في تقرير سابق
المهم لما جيت قست الزيت لاقيته ناقص حوالي 1 سم من المقياس ياعني قبل نقطة الماكس بحوالي 1 سم بس ... مع العلم اني كنت غيرت الزيت بالفلتر وكنت قايل للراجل يحطلي 3 الا ربع بدون نقطة زيادة زي ماكنتوا قايلنلي قبل كده ..
فهل انا ازود شوية بنفسي ولا عادي الموضوع مش مستاهل ..؟؟

وشكرااااا

[HHALAWANY]

معلش نسيت اقول اني باخد مقياس الزيت والعربية باردة تماما .. كمان العربية بتبقى مستوية مش مايلة
وطبعا انا بتكلم على زيت المحرك :)

[starlanos]

ف المشكلة
متابع

[HHALAWANY]

ف المشكلة
متابع

مش فاهم !!!

[windofchange]

تزودها لقبل الماكس خصوصا لو بتشد بالعربية والله اعلم بقبل الماكس بقد ايه بسنة بسيطة

[lidosasa]

مبدئياً الزيت طالما إنه فى العلامة اللى بين المينى والماكس على المقاس يبقى إنت فى السليم ومفيش أى مشكلة ... لكن من الأفضل إن الزيت يكون لحد علامة الماكس ... الحل بسيطة جداً فك الغطا وزود بنفسك شوية زيت صغيرين خالص 10 سم مثلاً وخد المقاس لحد ما الزيت يوصل للماكس

[HHALAWANY]

تزودها لقبل الماكس خصوصا لو بتشد بالعربية والله اعلم بقبل الماكس بقد ايه بسنة بسيطة

ماهي يا فندم قبل الماكس فعلا بسنة بسيطة .. حوالي اقل من 1 سم تقريبا .. طبعا ده بالتقريب .. انا مش هاقدر اقيس بالظبط قبلها بأد ايه !!!!

هي مش المفروض تكون على الماكس او قبلها بملي مثلا ؟؟ ... ولا كده حلو ؟؟؟

وشكرا

[waelgam2005]

انا مفيش مره حطيت فيها زيت وطلع معايا مظبوط مع اني ببقي متاكد اني بحط 2 ونص من غير فلتر وتلاته الا ربع بالفلتر نفسي افهم السبب في ده ايه انا مش عارف

[windofchange]

ماهي يا فندم قبل الماكس فعلا بسنة بسيطة .. حوالي اقل من 1 سم تقريبا .. طبعا ده بالتقريب .. انا مش هاقدر اقيس بالظبط قبلها بأد ايه !!!!

هي مش المفروض تكون على الماكس او قبلها بملي مثلا ؟؟ ... ولا كده حلو ؟؟؟

وشكرا

تمام سيبه كده ... قبلها بملي مثلا افضل لاني قريت عالمنتدي لو الواحد بيشد بالعربية وكده وفي جوان ضعيف في الموتور لما يكون الزيت اقل سنة افضل علشان الجواانات متضربش والله اعلم

[windofchange]

انا مفيش مره حطيت فيها زيت وطلع معايا مظبوط مع اني ببقي متاكد اني بحط 2 ونص من غير فلتر وتلاته الا ربع بالفلتر نفسي افهم السبب في ده ايه انا مش عارف

ممكن يكون باقي الزيت القديم وده لانه ميبنزلش لاخر نقطة طبعا لما تيجي تغيره والله اعلم

[osos007]

مبدئياً الزيت طالما إنه فى العلامة اللى بين المينى والماكس على المقاس يبقى إنت فى السليم ومفيش أى مشكلة ... لكن من الأفضل إن الزيت يكون لحد علامة الماكس ... الحل بسيطة جداً فك الغطا وزود بنفسك شوية زيت صغيرين خالص 10 سم مثلاً وخد المقاس لحد ما الزيت يوصل للماكس