ماروتي تسعينات ( حيرة )

[MOHAMEDCLEVER]

السلام عليكم
بصراحة ومن غير مجاملة , انا متابع المنتدي بقالي اكتر من شهرين بالظبط من اول ما قررت اشتري عربية
و الحمدلله وصلت لمرحلة من المعلومات زي الفل , بقيت اقعد مع اتخن تخين و اتكلم ف العربيات ولا اللي عامل دكتوراه
و كل الفضل للاعضاء المحترمة اللي هنا اللي عمرها ما بتبخل بمعلومه علي حد <3
بعيد عن كل ده بقي
انا قررت اني اشتري عربيه في حدود ال 15 ل 20 الف او اعلي شويه وطبعا كالمعتاد هاتلك 128 يابني عربيه اصيله
فالمهم الاختيارات كانت بين السويفت اللي بصراحه كانت عجباني - اكسيل هاتشباك - و الماتيز - و الاتوس تسعينات - برايد عصفوره - اونو , بس كنت كل ما ادور ف واحده فيهم لازم تلاقي عيوب , وطبعا مفيش عربيه من غير عيوب , ف قررت ان مدام كده كده هلاقي عيوب وكده كده هتكون اول عربيه اتعلم و اخبط فيها , انا مش هحط غير 15 الف بس و كنت قولت خلاص هي 127 وامري لله
بس لقيت ( ماروتي تسعينات ) كنت اول مره اعرف ان فيه ماروتي من قبل 2000 ولقيتها ف نفس سعر ال 127 و 128 , ف ايه رأيكو فيها من حيث قطع الغيار و البيع بعد كده و اعطالها و هل فعلا هي افضل حاجه ف السعر ده ولا في احسن ؟؟
كلام ورغي كتير بس معلش الواحد محتار و عايز هو اللي يجيب عربيته بفلوسه و مشاوريها مش هتبقي كتير يعني ممكن الجامعه 3 ايام ف الاسبوع بس و مشوار يوم الجمعه وشكرا
ان شاء الله الحيره تخلص بعد ردودكم

[mesaharaty]

الماروتى تناسب ظروفك
قطع غيارها موجودة ورخيصة وعربية سهلة وتصليحها سهل
توكل على الله

[shiko85]

وعليكم السلام ورحمة الله وبركاته
طيب ليه مفكرتش فعربيات صينى ؟؟؟
بالـــ 20 الف ممكن تجيب عربيه موديل حديث و فيها كماليات كتير و لما تفكر تبيع مش هتخسر كتير لان الخساره فالزيرو مش فالمستعمل
انا بكلمك عن تجربه 6 سنين (جيلى فروته) مش مجرد كلام

[ahmedalaahosny]

وعليكم السلام ورحمة الله وبركاته
طيب ليه مفكرتش فعربيات صينى ؟؟؟
بالـــ 20 الف ممكن تجيب عربيه موديل حديث و فيها كماليات كتير و لما تفكر تبيع مش هتخسر كتير لان الخساره فالزيرو مش فالمستعمل
انا بكلمك عن تجربه 6 سنين (جيلى فروته) مش مجرد كلام

اه بس خلي بالك الراجل عايز يخبط ويكسر يعني هيحتاج قطع الغيار الخارجية كتير من اكصدامات ورفارف ومرايات ودي علي حد علمي بالنسبه للصيني ف الرينج ده هيلف علي مايلاقيها انما الماروتي حاجتها مرطرطه اه الصيني بتفك الحاجة وتروح تجيب اختها ياباني بس ف الخارجية مااعتقدش

[shiko85]

اه بس خلي بالك الراجل عايز يخبط ويكسر يعني هيحتاج قطع الغيار الخارجية كتير من اكصدامات ورفارف ومرايات ودي علي حد علمي بالنسبه للصيني ف الرينج ده هيلف علي مايلاقيها انما الماروتي حاجتها مرطرطه اه الصيني بتفك الحاجة وتروح تجيب اختها ياباني بس ف الخارجية مااعتقدش

يخبط و يعمل كل اللى هو عايزه الفروته حاجتها موجوده و منتشره اكصدامات و رفارف و مرايات و كل قطع الغيار سواء اجزاء داخليه و خارجيه و كمان صاج الفروته قوى
انا والله بقول نصيحه بما يرضى الله و زى ما قلت عن تجربه 6 سنوات و العربيه انا بعتها علشان تعبت من المانيوال

[dr.hazem]

الماروتي ممتازة وقطعها رخيصة وتتلم
بس الأفضل لو تزود حبتين وتجيبلك موديل احدث....تحياتي

Sent from my mobile using Forum Runner

[MOHAMEDCLEVER]

شكرا لرد كل الأعضاء
بالنسبة للجيلي فروتة فا انا كنت فكرت فيها ع اساس اوبشن و سعر
بس كتير خوفوني من قطع الغيار الغالية ( الخارجيه ) و مش منتشرة اوي , بس حوار الأنتشار مش قالقني اوي انا كده كده بيني وبين الحرفيين 5 دقايق , بس الفروتة قلقان منها عموما كسعر قليل و البيع عليها كتير و الطلب عليها قليل ف ده دليل انها عربية ما نجحتش ف مصر و الدليل ف ان شركة جيلي غيرت العلامة الجديدة و زي ما بنقول اتبرت منها يعتبر , ف الحمدلله الواحد استقر ع الماروتي تسعينات
بالنسبه لدكتور حازم كان عندي سؤال ردا ع سؤالك وهو ده محور المشكله يعتبر
ليه لما اقول لحد تسعينات يقولي ما تكمل شويه و تجيب فوق ال 2000 :d , هل مشاكل الماروتي تسعينات كتيره و هتبقي اكنها 128 او 127 , علي الرغم ان مفيش فرق غير ف الفوانيس و الفرق التاني ان التسعينات كانت كلها يابني علي عكس من فوق ال 2000 هندي ؟ ف يا ريت اعرف ايه السبب ف اني افضل اللي فوق ال 2000 غير ان هتبقي حالته افضل عشان موديل اجدد و ما اتبهدلش ؟
شكرا

[dr.hazem]

شكرا لرد كل الأعضاء
بالنسبة للجيلي فروتة فا انا كنت فكرت فيها ع اساس اوبشن و سعر
بس كتير خوفوني من قطع الغيار الغالية ( الخارجيه ) و مش منتشرة اوي , بس حوار الأنتشار مش قالقني اوي انا كده كده بيني وبين الحرفيين 5 دقايق , بس الفروتة قلقان منها عموما كسعر قليل و البيع عليها كتير و الطلب عليها قليل ف ده دليل انها عربية ما نجحتش ف مصر و الدليل ف ان شركة جيلي غيرت العلامة الجديدة و زي ما بنقول اتبرت منها يعتبر , ف الحمدلله الواحد استقر ع الماروتي تسعينات
بالنسبه لدكتور حازم كان عندي سؤال ردا ع سؤالك وهو ده محور المشكله يعتبر
ليه لما اقول لحد تسعينات يقولي ما تكمل شويه و تجيب فوق ال 2000 :d , هل مشاكل الماروتي تسعينات كتيره و هتبقي اكنها 128 او 127 , علي الرغم ان مفيش فرق غير ف الفوانيس و الفرق التاني ان التسعينات كانت كلها يابني علي عكس من فوق ال 2000 هندي ؟ ف يا ريت اعرف ايه السبب ف اني افضل اللي فوق ال 2000 غير ان هتبقي حالته افضل عشان موديل اجدد و ما اتبهدلش ؟
شكرا

مفيش ماروتي ياباني لا التسعينات ولا الالفينات ده اولا

الماروتي من اول موديل ليها فمصر 94 ليومنا هذا بنفس كل حاجه اللهم شوية فروق الوانيس الخارجية انما عفشه وميكانيك واحد

مفيش موديل في الماروتي بيخوف اكتر من موديل تاني لكن بلا شك كل ما العربيات قدمت كل ما مشاكلها كترت والكلام ده لكل العربيات بالذات العربيات الصغننه وعشان كده كل ما كان ﻻلموديل اقرب كل ما كان اريحلك من وجع الدماغ....

اخيرا..
لا ال 127 ولا ال128 ةضاهي الماروتي في شئ :-D
تحياتي

Sent from my mobile using Forum Runner