محتارة فى الماروتى

[سمسمه24]

السلام عليكم
لو سمحتم انا كنت بفكر اجيب عربية ماروتى احنا اسرة صغيرة انا وزوجى وبنتى طفلة وبصراحة حاسه انها هتريحنى من المواصلات بس كنت خايبفه من المشاكل والتصليح خصوصا اننا هنجبها مستعمله ياريت الى عندهم يقولولى هى بتصرف كتير فى التصليح ولو هجيب فى حدو22 اللف يبقا مووديل كام

[shiko85]

السلام عليكم
لو سمحتم انا كنت بفكر اجيب عربية ماروتى احنا اسرة صغيرة انا وزوجى وبنتى طفلة وبصراحة حاسه انها هتريحنى من المواصلات بس كنت خايبفه من المشاكل والتصليح خصوصا اننا هنجبها مستعمله ياريت الى عندهم يقولولى هى بتصرف كتير فى التصليح ولو هجيب فى حدو22 اللف يبقا مووديل كام

وعليكم السلام ورحمة الله وبركاته
الماروتى عربيه عمليه و موفره جدا و افضل طبعا من المواصلات
حضرتك تشوفى العربيه و تكشفى عليها كويس
الــ 22 تجيب موديلات اول الــ 2000
ليه حضرتك مفكرتيش فعربيه صينى بالسعر ده على الأقل هتكون موديل احدث و موتور اقوى و فيها كماليات زى التكييف و الزجاج الكهرباء

[J A G U A R]

موديلات 2000 .. 2001 .. 2002

اهم حاجه حاله تكون كويسه

[mesaharaty]

مبروك مقدما
والله لو حضرتك حتشتريها مستعملة وبالسعر اللى ذكرتيه يبقى من المفترض إن حالتها هتكون مش وحشة قوى ولو محتاجة شوية تظبيط يبقى مافيش مانع تتظبط والدنيا تمشى .
حضرتك ماتخافيش من الإصلاح ، وعاوز الفت نظر حضرتك لحاجة : فيه فرق بين الإصلاح والصيانة .... مقصود بالصيانة مجموعة الإجراءات اللى بتتعمل للعربية كل عدد كيلومتر معين بتمشيها ، ومقصود بالإصلاح هو الطوارىء والأعطال اللى بتظهر مفاجئة وغير متوقعة أو متوقعة بعد مدة معينة .
حضرتك لو اشتريتى عربية ما فأول حاجة بتتعمل لها صيانة وتغيير فى حاجات معينة سنتناولها فى حينها .
وبإمكانك أن تأخذى جولة فى القسم علشان تتعرفى على الصيانات وقطع الغيار وأسعارها وتغييرها .... إلخ .
ثانيا : الماروتى كويسة للحالة اللى حضرتك شرحتيها ومناسبة إن شاء الله .... قطع غيارها موجودة ورخيصة والعربية سهلة فى التصليح والصيانة والعربية بياعة برضه وليها سوق .
وربنا يوفق لما فيه الخير

[سمسمه24]

شكرا على رد حضرتك ولو صينى يبقا ايه

[سمسمه24]

مبروك مقدما
والله لو حضرتك حتشتريها مستعملة وبالسعر اللى ذكرتيه يبقى من المفترض إن حالتها هتكون مش وحشة قوى ولو محتاجة شوية تظبيط يبقى مافيش مانع تتظبط والدنيا تمشى .
حضرتك ماتخافيش من الإصلاح ، وعاوز الفت نظر حضرتك لحاجة : فيه فرق بين الإصلاح والصيانة .... مقصود بالصيانة مجموعة الإجراءات اللى بتتعمل للعربية كل عدد كيلومتر معين بتمشيها ، ومقصود بالإصلاح هو الطوارىء والأعطال اللى بتظهر مفاجئة وغير متوقعة أو متوقعة بعد مدة معينة .
حضرتك لو اشتريتى عربية ما فأول حاجة بتتعمل لها صيانة وتغيير فى حاجات معينة سنتناولها فى حينها .
وبإمكانك أن تأخذى جولة فى القسم علشان تتعرفى على الصيانات وقطع الغيار وأسعارها وتغييرها .... إلخ .
ثانيا : الماروتى كويسة للحالة اللى حضرتك شرحتيها ومناسبة إن شاء الله .... قطع غيارها موجودة ورخيصة والعربية سهلة فى التصليح والصيانة والعربية بياعة برضه وليها سوق .
وربنا يوفق لما فيه الخير

اه مفهوم موضوع الصيانة انا قصدى انها يعنى مش هتغلبى فى التصليح بحكم انها مستعمله يعنى مش زيرو هتكون متعبه يعنى

[م أحمد]

شوفى فيات 128 موديلاتألفينات او اواخر تسعينات
بمقارنتها بالماروتى ينتج التالى......
صالون : اكبر
ثبات : اكبر
أمان : مش هتلاقى عربية ميكروباص تهز عربيتك بالهوا بتاعها زى ما بيحصل للماروتى
شنطة : مفيش مقارنة اساسا
صيانة : طوب الارض و زلطه شغال فى ال128


ال 128 تناسب اسرة - استخدمى معها بنزين 92 علشان ما تقرفكيش فى موضوع الكاربيراتير و تنظيفه (ما تبطلش منك) لو استخدمتى 80

الشىء الوحيد و الوحيد فقط أكرر و الوحيد فقط اللى يخلينى افضل ماروتى انه لو كان فيها تكييف

انا شوفت ماروتى ركنة غلط جنب نقابة المهندسين ، السايس عدلها بايده !!!

[dr.hazem]

الماروتي من الاخيارات الرائعة وانصح بيه بشده...
تحياتي

Sent from my mobile using Forum Runner

[hemaa_82]

مع كامل حبي و عشقي لل 128 .... كنت بعدلها من ورا بعد ما اركن برضه عادي ... و لو هجيب لمراتي هجيب ماروتي مش 28 .... عربية اصبي و اصغر و مكنتها مش بتبهدل شاسيها زي التانية

[lidosasa]

مبروك مقدما
والله لو حضرتك حتشتريها مستعملة وبالسعر اللى ذكرتيه يبقى من المفترض إن حالتها هتكون مش وحشة قوى ولو محتاجة شوية تظبيط يبقى مافيش مانع تتظبط والدنيا تمشى .
حضرتك ماتخافيش من الإصلاح ، وعاوز الفت نظر حضرتك لحاجة : فيه فرق بين الإصلاح والصيانة .... مقصود بالصيانة مجموعة الإجراءات اللى بتتعمل للعربية كل عدد كيلومتر معين بتمشيها ، ومقصود بالإصلاح هو الطوارىء والأعطال اللى بتظهر مفاجئة وغير متوقعة أو متوقعة بعد مدة معينة .
حضرتك لو اشتريتى عربية ما فأول حاجة بتتعمل لها صيانة وتغيير فى حاجات معينة سنتناولها فى حينها .
وبإمكانك أن تأخذى جولة فى القسم علشان تتعرفى على الصيانات وقطع الغيار وأسعارها وتغييرها .... إلخ .
ثانيا : الماروتى كويسة للحالة اللى حضرتك شرحتيها ومناسبة إن شاء الله .... قطع غيارها موجودة ورخيصة والعربية سهلة فى التصليح والصيانة والعربية بياعة برضه وليها سوق .
وربنا يوفق لما فيه الخير

كلام سليم جداً وفيه الخلاصة

[lidosasa]

شوفى فيات 128 موديلاتألفينات او اواخر تسعينات
بمقارنتها بالماروتى ينتج التالى......
صالون : اكبر
ثبات : اكبر
أمان : مش هتلاقى عربية ميكروباص تهز عربيتك بالهوا بتاعها زى ما بيحصل للماروتى
شنطة : مفيش مقارنة اساسا
صيانة : طوب الارض و زلطه شغال فى ال128


ال 128 تناسب اسرة - استخدمى معها بنزين 92 علشان ما تقرفكيش فى موضوع الكاربيراتير و تنظيفه (ما تبطلش منك) لو استخدمتى 80

الشىء الوحيد و الوحيد فقط أكرر و الوحيد فقط اللى يخلينى افضل ماروتى انه لو كان فيها تكييف

انا شوفت ماروتى ركنة غلط جنب نقابة المهندسين ، السايس عدلها بايده !!!

مع إحترامى الكامل للفيات ومالكيها لكن مفيش وجه مقارنة بينهم وخصوصاً فى نقطة الأعطال الماروتى تكسب

[ameros]

١٢٨ ثبات!!!!!!!!!!!!!!! شنطه!!!!!!!!!!!!!! وسع!!!!!!!!!!!!!!! زلطة!!!!!!!!!!!!!!!!!
يا باشا ارجوك فهمني حضرتك بتتكلم عن فيات ١٢٨ صح؟؟؟؟؟؟؟؟؟
انا فاكر مره رفعت العربيه دي من ورا من اكصداماتها وكانت مع حد من صحابي الحقيقه عربيه اصلا غلطة انتاجيه عظمي يا باشا دا شاسيهها بيفتح منضرب الهوا فيه
وملهاش ثبات اصلا وفراملها اي كلام
المارتي برقبتها طبعا

[م أحمد]

١٢٨ ثبات!!!!!!!!!!!!!!! شنطه!!!!!!!!!!!!!! وسع!!!!!!!!!!!!!!! زلطة!!!!!!!!!!!!!!!!!
يا باشا ارجوك فهمني حضرتك بتتكلم عن فيات ١٢٨ صح؟؟؟؟؟؟؟؟؟
انا فاكر مره رفعت العربيه دي من ورا من اكصداماتها وكانت مع حد من صحابي الحقيقه عربيه اصلا غلطة انتاجيه عظمي يا باشا دا شاسيهها بيفتح منضرب الهوا فيه
وملهاش ثبات اصلا وفراملها اي كلام
المارتي برقبتها طبعا

ممكن اسال حضرتك الشاسيه بيفتح منين ؟


انا رديت على الموضوع و بعدين قلت اشوف ردود تانية اتنشرت و لا ايه لقيت كم الردود لصالح الماروتى و اتارينى وقعت فى قسم سوزوكى و انا مش واخد بالى


كل النقاط اللى قلتها فى ال128 نقاط "مقارنة" بسيارة تانية و هى الماروتى و" ليست على الإطلاق "و لا اتزحزح عن رأيى فيها مع كامل تقديرى و احترامى لمالكيها ووجهة نظرهم فى مميزات السيارة ، و لصاحبة الاستشارة أخذ ما تراه من الأراء

انا معايا العربية دى لمدة 4 سنين استخدام جبلى و مسافة الشاسيه بين نقطتى المساعدين 99 سم لم تتغير

[shiko85]

شكرا على رد حضرتك ولو صينى يبقا ايه

جيلى فروته و يفضل 2005 او 2006 مش 2004
لو حالتها كويسه جدا تعمل من 20 لــ 22
(كانت معايا موديل 2006 ماشيه 70 الف تقريبا و اتباعت 2012 بـ 19 و كانت حاله جيده بس كانت عايزه رش اكصدام امامى فقط )
تكييف - 4 زجاج كهرباء - مرايات كهرباء - سنترال لوك - جنوط - فوج لايت

[سمسمه24]

طيب وبالنسبة لقطع غيار الجيلى فروته هل متوفرة زى الماروتى ورخيصه ولا ايه نظامها