Tweet
السلام عليكم ورحمة الله وبركاته
الحكاية بإختصار إن الكوبلن عندى ضرب وكنت سامع صوته وكنت مستنى يوم أجازة عشان أروح أعمله وبالفعل فى شوية الأجازات اللى فاتت دى روحت لعفشجى فك الكبالن لقى الكوبلنبن الخارجى ( اللى لسه شاريهم ومركبهم من 6 شهور بالظبط وطبعاً معروف قصة قطع الغيار اللى بقت مضروبة كلها بالإضافة لشوارعنا اللى زى الفل ) ضربين والكوبلن الداخلى كمان ضارب ومحتاجين يتغيروا قالى أنا حظبطهم وحيمشوا معاك كام شهر كمان وهوب فك وركب جرب ...... سامع صوت طقطقة فى الطوالى من الكوبلن اليمين وهى مش طقطقة هى أشبه بحاجة بتاكل فى بعضها ( وفعلاً هو ده اللى كان بيحصل ) سألته وإحنا بنجرب إيه دى يا عمنا قالى دا عشان أنا مركب وردتين فى الكوبلن مرحله من مكانه شوية عشان فيه بوش فتلاقى البلى لسه بيطبع على بعضه
مش مقتنع بس ماشى لآنى زهقت ومن أول اليوم شغال فى العربية لما زهقت
بعدها بيومين وبعد مشوار ببص على العربية لقيت زيت نازل من تحت الفتيس .... خدت مقاس الزيت لقيته ناشف ومفيش فيه نقطة زيت قومت طاير بالعربية على محل زيوت جنبى وقلت يمكن يكون العفشجى مربطتش طبة الزيت كويس بعد ما فكها عشان يشيل الكوبلن ... الراجل نزل تحت العربية قالى لاء لازم تروح لميكانيكى الفتيس من تحت كله بيرشح زيت .. قلت طيب حطلى نص كيلو فرط من عندك لحد ما أوصل للميكانيكى وهات عبوتين زيت عشان لما أخلص شغل أحطهم ومرجعش تانى وطرت على الميكانيكى .....
فتح الكبوت وبص قالى دا أولسيه الكوبلن اليمين الداخلى اللى ناحية الفتيس ضارب وبيسرب زيت طيب فك يا عم فعلاً طلع إن الكوبلن بالوردتين اللى أتحطم ليه قارص على الأولسيه وكله ورحت غيرته وجبت فلتر بنزين بالمرة ورجعت للميكانيكى فك الكوبلن وغير الأولسيه وشال الوردتين اللى كانوا فى الكوبلن لحد ما ربنا يفرجها وأغير الكبالن كلها لآنها حتتكلف فى حدود 700 تقريباً غير التركيب ... وجربت العربية تمام وسبتها فترة وبصيت تحتها تمام مفيش تسريب وسايبها طول الليل تحت البيت وحنزل أبص عليها تانى وأخد مقاس زيت الفتيس عشان أتأكد إن كله تمام ..
وربنا يكفيكوا شر الصنايعية وفتيهم
الحكاية بإختصار إن الكوبلن عندى ضرب وكنت سامع صوته وكنت مستنى يوم أجازة عشان أروح أعمله وبالفعل فى شوية الأجازات اللى فاتت دى روحت لعفشجى فك الكبالن لقى الكوبلنبن الخارجى ( اللى لسه شاريهم ومركبهم من 6 شهور بالظبط وطبعاً معروف قصة قطع الغيار اللى بقت مضروبة كلها بالإضافة لشوارعنا اللى زى الفل ) ضربين والكوبلن الداخلى كمان ضارب ومحتاجين يتغيروا قالى أنا حظبطهم وحيمشوا معاك كام شهر كمان وهوب فك وركب جرب ...... سامع صوت طقطقة فى الطوالى من الكوبلن اليمين وهى مش طقطقة هى أشبه بحاجة بتاكل فى بعضها ( وفعلاً هو ده اللى كان بيحصل ) سألته وإحنا بنجرب إيه دى يا عمنا قالى دا عشان أنا مركب وردتين فى الكوبلن مرحله من مكانه شوية عشان فيه بوش فتلاقى البلى لسه بيطبع على بعضه
مش مقتنع بس ماشى لآنى زهقت ومن أول اليوم شغال فى العربية لما زهقتبعدها بيومين وبعد مشوار ببص على العربية لقيت زيت نازل من تحت الفتيس .... خدت مقاس الزيت لقيته ناشف ومفيش فيه نقطة زيت قومت طاير بالعربية على محل زيوت جنبى وقلت يمكن يكون العفشجى مربطتش طبة الزيت كويس بعد ما فكها عشان يشيل الكوبلن ... الراجل نزل تحت العربية قالى لاء لازم تروح لميكانيكى الفتيس من تحت كله بيرشح زيت .. قلت طيب حطلى نص كيلو فرط من عندك لحد ما أوصل للميكانيكى وهات عبوتين زيت عشان لما أخلص شغل أحطهم ومرجعش تانى وطرت على الميكانيكى .....
فتح الكبوت وبص قالى دا أولسيه الكوبلن اليمين الداخلى اللى ناحية الفتيس ضارب وبيسرب زيت طيب فك يا عم فعلاً طلع إن الكوبلن بالوردتين اللى أتحطم ليه قارص على الأولسيه وكله ورحت غيرته وجبت فلتر بنزين بالمرة ورجعت للميكانيكى فك الكوبلن وغير الأولسيه وشال الوردتين اللى كانوا فى الكوبلن لحد ما ربنا يفرجها وأغير الكبالن كلها لآنها حتتكلف فى حدود 700 تقريباً غير التركيب ... وجربت العربية تمام وسبتها فترة وبصيت تحتها تمام مفيش تسريب وسايبها طول الليل تحت البيت وحنزل أبص عليها تانى وأخد مقاس زيت الفتيس عشان أتأكد إن كله تمام ..
وربنا يكفيكوا شر الصنايعية وفتيهم
Comment