بطارية الألتو باظت بعد 370 كم !!

[bondokk]

انا شاري العربية جديدة وفجأه العربية مش بتدور والبطارية نايمه خالص , قلت يمكن نايمه زقيتها دارت وبعد مشوار طويل قلت اكيد شحنت باطفي وأدور مفيش اي اندهاش !!
رحت التوكيل في الهايكستيب قالو تغيرها بس هاتبقى سائله ( زي اللي راكبه فيها ) او تدفع 180 ج فرق وتركب جافه .. المهم ركبت الجافه وامري الى الله .
اللي يجننك بقى انك تفضل في التوكيل من 9.30 لحد 3 علشان تغير البطارية

[dr.hazem]

لاحول ولا قوة الا بالله
ربنا يعوض عليك...
بس معقول التوكيل رجع يحط سايله؟؟!!
ده من فتره كان كله بينزل بجافه!!
الناس بتتقدم واحنا بنرجع...
رينا يعوض عليك وان شاءالله اخر الاحزان...
تحياتي

Sent from my mobile using Forum Runner

[scientist9508]

بسم الله الرحمن الرحيم

الأخ الفاضل

أحب أن أهدى لك نصيحه. سيارتك جديده و رائعه فسارع بالخروج من التوكيل حفاظآ على سيارتك و أموالك.
أعلم أنا أن من يشترى سياره جديده يكون فرح بها و حريص عليها جدآ لذلك من الصعب إقناعه بالتخلى عن التوكيل فى الفتره الأولى و لكن الفتره القادمه ستكشف لك ما أخبرك به

أحب أن ألفت نظر حضرتك أن هناك بعض عناصر الصيانه يجب أن تعتمد فيها على نفسك و ليس على التوكيل. فلن يحرص أحد على سيارتك قدر حرصك أنت و لا تظن أن التوكيل هو فرع مصنع سوزوكى

بارك الله لك فى سيارتك و أسعدك بها

السلام عليكم و رحمة الله و بركاته

[S O P H O S]

بصراحة حاجة تضايق
والتوكيل بيتعامل بطريقة غلط

[bondokk]

من شكاوي اعضاء كتير من الوكيل انا كونت صوره عنه طبعا بس احساسك ان ده حقك ولازم تستفيد بيه .
حقيقي جدا ان التعامل مع مكيكانيكي او كهربائي شاطر احسن بكتير من التوكيل ده او توكيلات تانيه كتير في بلدنا الحبيبه .
ربنا يسترها معانا جميعا

[omar_saad]

بسم الله الرحمن الرحيم

الأخ الفاضل

أحب أن أهدى لك نصيحه. سيارتك جديده و رائعه فسارع بالخروج من التوكيل حفاظآ على سيارتك و أموالك.
أعلم أنا أن من يشترى سياره جديده يكون فرح بها و حريص عليها جدآ لذلك من الصعب إقناعه بالتخلى عن التوكيل فى الفتره الأولى و لكن الفتره القادمه ستكشف لك ما أخبرك به

أحب أن ألفت نظر حضرتك أن هناك بعض عناصر الصيانه يجب أن تعتمد فيها على نفسك و ليس على التوكيل. فلن يحرص أحد على سيارتك قدر حرصك أنت و لا تظن أن التوكيل هو فرع مصنع سوزوكى

بارك الله لك فى سيارتك و أسعدك بها

السلام عليكم و رحمة الله و بركاته

السلام عليكم
انت اوجزت
ويكفي ما قلته "و لا تظن أن التوكيل هو فرع مصنع سوزوكى"
توكيل اسوأ من السوء

[omar_saad]

من شكاوي اعضاء كتير من الوكيل انا كونت صوره عنه طبعا بس احساسك ان ده حقك ولازم تستفيد بيه .
حقيقي جدا ان التعامل مع مكيكانيكي او كهربائي شاطر احسن بكتير من التوكيل ده او توكيلات تانيه كتير في بلدنا الحبيبه .
ربنا يسترها معانا جميعا

هداك الله لما فيه الخير