محتاااااااااااااااااااااا ااااااااااااااااااااار فى الماروتى

[A@S]

معايا ماروتى 2008 المروحه بتشتغال بعد ما مؤشر الحراره ما بيعدى النصف عملت كل حاجه اعرفها و مفيش فايده علما بأنى غيرت جوان و دورة غسيل فى البزينه و تم تسليك الرداتير و تغير غطاء الرداتير الخ الخ حد عنده حا افيدونا

[دكتور خالد]

غير ساعة الردياتير

[A@S]

يعنى ايه ساعة الرداتير لو سمحت

[A@S]

لو قصدك الترمستات غيرتها و مفيش فايده جبت ترومستات 128 90-80 مفيش و عملت جلبه نحاس عند الخراط و مفيش فايده جبت ترومسات اقل الى هى 80-68 تقريبا بتشغل المروحه و مش بتفصل خالص رجعت 90- 80 تانى

[Omar2017]

جبت ترومسات اقل الى هى 80-68 تقريبا بتشغل المروحه و مش بتفصل خالص رجعت 90- 80 تانى

هو دة الصح انا عامل كدة في ال128 بتاعت اختي

[ibrahimmcse]

كان عندي مشكلة قريبة من كده بس كان بتسخن والمياه ترجع على الردياتير من الماتور مندفعة وتخرج من الالقربة وبعد كده اكمل المشوار عادي بدون مشاكل
بعد دوخة ميكانيكي شال ثرموثتات الكوع خالص
ده مش ثرموثتات بمعني ثرموثتات ده زي خانق بيخنق المياه اللي راجعه من الماتور الي الردياتير علشان العربية تسخن بسرعة وبتاعي ده كان قافش
قالي احنا بنشيله في معظم العربيات وخاصة في الصيف
قولت اهاوده ولو حسيت بفرق ابقى اجيب واحد جديد واركبه
بس من يومها العربية بقت تمام واروح مشاوير وارجع والمؤشر مايعديش النص وقليل جدا في اشارة وفي الحر المروحة تشتغل على نص المؤشر
ده بيكون في الكوع اللي قبل الخرطوم اللي راجع على الردياتير من فوق
جرب مش هاتخسر حاجة

[lidosasa]

كان عندي مشكلة قريبة من كده بس كان بتسخن والمياه ترجع على الردياتير من الماتور مندفعة وتخرج من الالقربة وبعد كده اكمل المشوار عادي بدون مشاكل
بعد دوخة ميكانيكي شال ثرموثتات الكوع خالص
ده مش ثرموثتات بمعني ثرموثتات ده زي خانق بيخنق المياه اللي راجعه من الماتور الي الردياتير علشان العربية تسخن بسرعة وبتاعي ده كان قافش
قالي احنا بنشيله في معظم العربيات وخاصة في الصيف
قولت اهاوده ولو حسيت بفرق ابقى اجيب واحد جديد واركبه
بس من يومها العربية بقت تمام واروح مشاوير وارجع والمؤشر مايعديش النص وقليل جدا في اشارة وفي الحر المروحة تشتغل على نص المؤشر
ده بيكون في الكوع اللي قبل الخرطوم اللي راجع على الردياتير من فوق
جرب مش هاتخسر حاجة

مش صح إننا نشيل ترموستات الكوعة دا فتى من الصنايعية ترموستات الكوعة مهم جداً فى بداية الدوارة وخصوصاً فى فصل الشتاء وحتلاقى فى المنتدى هنا مقالات كتير عن ترموستات الكوعة.

[A@S]

اولا انا متشكر على ردود الاخوه بس انا اشتريت العربيه مستعمله و مكنش فيها ترومستات الكوعه طبعا انا كشفت عليها بعد ما حصلت معايا المشكله ديه على طول و على فكره المشكله ديه كانت موجوده معايا فى الشتاء كمان

[waelgam2005]

طيب مستوي المياه في القربه مظبوط؟ اصل عملتها مره معايا كنت مزود مرة القربه شويه فوق الماكس والمروحه مشتغلتش وكان مؤشر الحرار عدا النص ووصل للشرطه اللي قبل ال h ولما نقصت الميه من القربه محصلتش تاني

[A@S]

هو على طول عند الماكس او تحت الماكس بشويه بسيطه بس لو فوق الماكس ايه علاقته بتأخير تشغل المروحه

[دكتور خالد]

طيب جرب تبص على طرمبة المياه

[دكتور خالد]

انا مشكلة الحرارة دى كانت موجودة عندى فى ال 128 و عملت كل حاجة برضه ... لم تحل غير لما غيرت الردياتير خالص مع انى كنت سلكته كذا مره والصنايعى يقولى تمام .... لكن مواسير الردياتير احيانا بتكون مسدودة بشدة ومش نافع فيها تسليك ... ولو هتغير ردياتير هات ردياتير نحاس مش حديد