استفسار بعد تغيير مياه الرداتير

[waelgam2005]

انا غيرت مية الرداتير امبارح وطبعا نضفتها وحطيت سائل لونه ذهبي كدا علشان يحمي من الصدا وحطيت ميه موبيل اللي انا جايبها مع العلم انها مطلعتش خضرا حسيت انها مديه علي ازرق غامق كدا وغسلت العربيه من جوا وكله زي الفل
بس استفساري بخصوص شغل المروحه لما العربيه تسخن انا الاول كنت متعود المروحه تشتغل اول لما مؤشر الحرارة يجي النص دلوقتي بتشتغل قبل النص بشويه صغيريين والحاجه التانيه العربيه في الفتره الاخيره كنت بحس ان المروحه بتشتغل كتير دلوقتي مؤشر الحرارة بيرفع بعد وقت كبير وانا ماشي بالعربيه مع اني ساعتها ماشي علي التاني
فهل ده طبيعي وحاجه كويسه ولا فيه مشكله؟

[eiad_naser]

لا متقلقش ده طليعي جدا وبيحصل عندي وده معناه ان دايرة التبريد مظبوطه والميه بتبرد تلماتور باستمرار والريداتير بيبرد الميه بسرعه

[lidosasa]

يا باشا مبروك دا كده دليل إن دورة التبريد عندك اداءها إتحسن أكتر من الأول

[waelgam2005]

الف شكر ليكم