مروحة الماروتي

[Esraa_tarek]

أحب أسأل هي المروحة اللي في الماروتي حل فعال قي الحر ؟؟ هيا مش بتجيب غير هواء سخن ..
غير كده ياريت أي شرح للخيارات بتاعتها سواء دورة تجديد الهواء من الداخل أو الخارج.. بمعنى أخر ايه هوا أفضل اختيار يخلي الهواء بارد مش سخن طالع من الموتور
حاجة كمان .. لو مفيش أمل ان المروحة دي تجيب هواء بارد هل ممكن أركب مروحة صغيرة على التابلوه وللا هتخلي شكل العربية وحش ؟؟ و اذا كان كده هل يمكن تثبيتها جنب السماعات عشان مقطعش في التابلوه ؟؟
برجاء الإفادة جازاكم الله كل خير

[aw2100]

الحل مروحه صغيرة او مروحتين وتحطيها فى الخلف واحدة فى كل جنب وتتربط فى الرف الخلفى لكن مروحه التابلوة هواء سخن بتراب وبس وربنا يقويكم على الحر السنه دى فى القاهرة !!

[ابو لؤى]

ركبى تكيف ساندان

[lidosasa]

ملهاش حل غير تركبى تكييف للعربية غير كده أى مروحة موجودة أو تتركب حتبقى زى قلتها وكل اللى حتعمله إنها تقلب الهوا السخن اللى جوه العربية وتضربه فى وش الركاب كأنها مروحة فرن

[Esraa_tarek]

أنا سمعت ان تركيب التكيف بيأثر على السحب و على الموتور بالمدى البعيد
ايه تكيف ساندان ؟؟؟ و المروحة سعرها بكام و أجيبها منين ؟؟ و التركيب فين ؟؟
من فضلكم لو حد عنده أي معلومة يوضحها لأني فعلا بتضايق من الحر جوة العربية

[ابو لؤى]

أنا سمعت ان تركيب التكيف بيأثر على السحب و على الموتور بالمدى البعيد
ايه تكيف ساندان ؟؟؟ و المروحة سعرها بكام و أجيبها منين ؟؟ و التركيب فين ؟؟
من فضلكم لو حد عنده أي معلومة يوضحها لأني فعلا بتضايق من الحر جوة العربية

نصحت حضرتك كتير بلاش ماروتى

[ابو لؤى]

فى ناس بتقول فى تكيف بيركب مش بيحمل على الماتور خالص بيحمل على الدينمو تقريبا شغال بالكهرباء بس

[Esraa_tarek]

أستاذ أبو لؤي متشكرة لرأي حضرتك
الماروتي كانت الأفضل لميزانيتي عشان أجيب موديل حديث و يريحني من الأعطال في فترة التعليم
كنت هاعمل ايه طيب معظم الأعضاء هنا نصحوني بيها :)
دلوقتي أنا محتارة في موضوع المروحة و التكيف و محتاجة حل كويس مش مكلف

[J A G U A R]

التكييف الساندن افضل حل بس على ماتور 800 cc العربيه هاتبقى عايزه اللى يزقها علشان تمشى

[lidosasa]

التكييف السندان حيتكلف 3200 جنيه وأعتقد إن سحب العربية مش حيتأثر بالشكل المبالغ فيه اللى الناس بتقول عليه وعامة أى تكييف لآى عربية فى الدنيا بيأثر على أداء وعمر الموتور فى حدود 20 % إلى 25 % ... وطبعاً حيكون ملحوظ بكشل أكبر فى الماروتى لآن الموتور ضعيف أصلاً وبيولد قوة قصوى 37 حصان

[lidosasa]

عنوان الشركة فى القاهرة
62 ش النصر المعادي الجديده امام مسجد عباد الرحمن
ورقم التليفون
01000009751

[Esraa_tarek]

متشكرة لردود حضراتكم
أستاذ lidosasa متشكرة جدا لاهتمامك و مساعدتك بجد .. بس واضح ان التكيف هيأثر على العربية و يسبب مشاكل
في الحالة دي هاحاول أركب مروحة في الرف الخلفي
يا ترى ممكن ألاقيها فين و بكام و مين يركبها ؟؟

[lidosasa]

متشكرة لردود حضراتكم
أستاذ lidosasa متشكرة جدا لاهتمامك و مساعدتك بجد .. بس واضح ان التكيف هيأثر على العربية و يسبب مشاكل
في الحالة دي هاحاول أركب مروحة في الرف الخلفي
يا ترى ممكن ألاقيها فين و بكام و مين يركبها ؟؟

محتاجة لفة على محلات الإكسسوارات وتشوفى الأسعار والأحجام واللى يركبها الكهربائى وممكن يركبها على سلك السخان بتاع الإزاز الخلفى عشان تقدرى تتحكمى فيها عن طريق زرار تشغيل سخان الإزاز ( وده مجرد إقتراح مش عارف إذا كان حينفع ولا لاء بس أنا شايف إنه لو أتظبط حيبقى مناسب جداً )

[scientist9508]

بسم الله الرحمن الرحيم

الأخت الفاضله إسراء

معلومه صحيحه أن المكيف يزيد من إستهلاك الوقود و معلومه صحيحه أيضآ أنه حمل جديد يضاف إلى الأحمال التى على المحرك

ورغم كل ما سبق. . . لا يوجد أى مانع من تركيب مكيف.

لماذا؟

1 - هل تركيب المكيف سيؤثر على سحب المحرك؟
الإجابه نعم و لكن ليس بالقدر المخيف أو الذى يتصوره الناس. محرك هذه السياره ليس كبير و لكنه ممتاز فى حدود قدرته. و أود أن أخبر حضرتك أننى سافرت بسيارتى الماروتى على سرعة 115 كم/ساعه و هى تحمل 7 أفراد غير الحقائب من القاهره و حتى إحدى القرى السياحيه المجاوره لميناء العين السخنه. و كانت رحلة العوده بنفس العدد من الأفراد و تقريبآ نفس الحقائب

لم أشعر بأى قصور فى آداء المحرك (مع العلم بأننى أملك الماروتى منذ 5 سنوات وهذا يعطينى إحساس دقيق بأى تغيير فى أدائها ) فى الوقت الذى كنت فيه قلق على الإطارات من خطر الإنفجار لثقل الوزن الجاثم فوقها

فلا أتصور أبدآ ان يكون حمل المكيف على المحرك أكبر من ذلك مثلآ أو حتى موازى له

2 - هل يؤثر المكيف على عمر المحرك؟

الإجابه هى نعم إن لم يكن هناك أمران:
1 - إستخدام صحيح للسياره (الإستخدام الخاطىء أو القياده الخاطئة التى لا تتناسب مع إمكانيات السياره تسبب تلف سريع للسياره)
2 - صيانه أول بأول

لايوجد محرك يعيش للأبد. و هناك أمور أخرى كثيره تسبب تلف المحرك أسرع بكثير من المكيف. فلا أرى أى داعى من تضخيم خطر المكيف على المحرك

الأخت إسراء

أرى أن تقومى بتركيب المكيف إن إستطعتى تحقيق الشرطين الآتيين:

1 - ألا يسبب زيادة إستهلاك الوقود بنسبة 20% مشكلة بالنسبة لك
2 - أن توفرى صيانه منتظمه للمكيف الجديد

هداك الله لأرشد أمرك

و السلام عليكم و رحمة الله و بركاته