بخصوص الكاوتش والبلف !

[دينا]

السلام عليكم ورحمة الله وبركاته

ياجماعه من فضلكم انا رحت عند بتاع الكاوتش ازود هواء راح قالى ان

البلف اللى ورا للفردتين محتاج يتغير انا طبعا اول مره اعرف الحجات دى

العربيه لسه جديده ومعرفش المهم قعد يقولى اسعار وفى الاخر استقريت

انى هغيرهم الاتنين ب 30 جنيه وظبطلى الهواء على 30 انا قريت هنا ان المفروض 27

وقولتله وهو قاوح معايا ومصمم ع انو التغير على 30 اعمل ايه دلوقتى وسعر البلف كدا

صح ولا لا هو قالى انو معدنى وبيتركب بصاموله المهم ان بابا ميعرفش ان غيرته

وقالى دول كدابين وهما بيحبوا يستغلوا البلف بتاعك لسه بدرى عليه لان العربيه مكملتش سنه

ياريت حد يفدنى العربيه عامله 2800 كيلو ومكملتش لسه سنه انصحونى بقا اعمل ايه

ولو فى صيانه كمان وكدا ربنا يكرمكم

[windofchange]

بالنسبة لضغط الهواء المفروض تظبط زي مالكتالوج بيقول او زي مامكتوب في قائم العربية او باب تانك البنزين...اما البلف اعتقد سعره مقبول الكاوتش العادي يعمله 10 ج بيحصل فيه غش او استغلال..ايوه استغلك ولا لأ بتاع الكاوتش الله اعلم ممكن كان محتاج تغيير فعلا

[shiko85]

السلام عليكم ورحمة الله وبركاته
وعليكم السلام ورحمة الله وبركاته
ياجماعه من فضلكم انا رحت عند بتاع الكاوتش ازود هواء راح قالى ان البلف اللى ورا للفردتين محتاج يتغير انا طبعا اول مره اعرف الحجات دى
العربيه لسه جديده ومعرفش المهم قعد يقولى اسعار وفى الاخر استقريت
انى هغيرهم الاتنين ب 30 جنيه وظبطلى الهواء على 30 انا قريت هنا ان المفروض 27
مش اتغيروا خلاص ؟؟ مش مشكله لو هو نصاب حسابه عند الله بس بلاش سوء الظن
المشكله ان ضغط الهواء كده كتير لان الضغط هيزيد تانى من الحر

[دينا]

ازيك ياشيكووووو

اه انا غيرتهم خلاص بس يعنى كنت بطمن

ليكون القديم نضيف يلا عند ربنا

يعنى انا اروح دلوقتى عند حد تانى واظبط الهوا

[shiko85]

ازيك ياشيكووووو
الحمد لله تمام, انتى اخبارك ايه ؟؟
اه انا غيرتهم خلاص بس يعنى كنت بطمن
ليكون القديم نضيف يلا عند ربنا

يعنى انا اروح دلوقتى عند حد تانى واظبط الهوا
كلهم زى بعد, مفيش بنزينه فيها مقياس هواء ديجتال قريب منك ؟؟
ممكن تقولى لبابا يقلل شويه هواء من الكاوتش و خلاص

[دينا]

الحمدلله تمام زى الفل

خلاص هنزل اشوف موضوع بنزينه ديجتال دا

[shiko85]

الحمدلله تمام زى الفل

خلاص هنزل اشوف موضوع بنزينه ديجتال دا

تمام, و بعد كده اتعاملى مع بتاع كاوتش اللى فاتح فالبنزينه مش اللى فاتح محل و لو عندك بنزينه وطنيه اتعمالى معاهم احسن فكل حاجه

[A.Saad]

http://www.nilemotors.net/Nile/412430-a.html

http://www.nilemotors.net/Nile/246025-a.html

http://www.nilemotors.net/Nile/322536-100.html

[A.Saad]

لو مشيت اكتر من 2 كم
الهواء فى الاطار بيسخن ويتمدد
وبالتالى بيكون القياس غير مظبوط
بتوع البنزينات اغلبهم حرامية
الافضل انه يكون محل ثقة قريب من البيت

[lidosasa]

خلاصة الكلام لو عايزة تظبطى الكاوتش الظبطة التمام
عند أى بنزينة فيها نيتروجين ... يفضى ليكى الكاوتش تماماً ويملى نيتروجين بدل الهوا العادى والفردة بتتكلف من 3 إلى 5 جنيه ...
ليه مميزات كتير جداً ومنها 1- ضغطه ثابت بغض النظر عن حرارة الجو لأنه غاز خامل لا يتأثر بالحرارة 2- مفيش فيه بخار ميه فمش حيخلى الجنوط يصدى 3- الفردة بتحتاج تتزود كل فترة طويلة نسبياً ممكن 3 اسابيع أو شهر أو أكتر حسب جودة الكاوتش غير الهوا العادى اللى عايز يتزود كل يومين 4- دايماً ميزان ضغط الهوا بتاع النيتروجين مظبوط غير بتاع الهوا العادى اللى يقرا 30 والفردة فيها 33 أو 35 ..... لكن عيبه الوحيد إنك مينفعش تزودى هوا عادى على النيتروجين فلازم يكون فيه حد بتاع نيتروجين قريب منك عشان لو حبيتى تزودى هو يكون قريب منك والفردة بعد كده بتتزود ب 75 قرش أو بجنيه

[دينا]

خلاصة الكلام لو عايزة تظبطى الكاوتش الظبطة التمام
عند أى بنزينة فيها نيتروجين ... يفضى ليكى الكاوتش تماماً ويملى نيتروجين بدل الهوا العادى والفردة بتتكلف من 3 إلى 5 جنيه ...
ليه مميزات كتير جداً ومنها 1- ضغطه ثابت بغض النظر عن حرارة الجو لأنه غاز خامل لا يتأثر بالحرارة 2- مفيش فيه بخار ميه فمش حيخلى الجنوط يصدى 3- الفردة بتحتاج تتزود كل فترة طويلة نسبياً ممكن 3 اسابيع أو شهر أو أكتر حسب جودة الكاوتش غير الهوا العادى اللى عايز يتزود كل يومين 4- دايماً ميزان ضغط الهوا بتاع النيتروجين مظبوط غير بتاع الهوا العادى اللى يقرا 30 والفردة فيها 33 أو 35 ..... لكن عيبه الوحيد إنك مينفعش تزودى هوا عادى على النيتروجين فلازم يكون فيه حد بتاع نيتروجين قريب منك عشان لو حبيتى تزودى هو يكون قريب منك والفردة بعد كده بتتزود ب 75 قرش أو بجنيه

انا فعلا رحت لواحد والحمدلله طلع معرفه

وقلتله على كل اللى حصل وفعلا لقيت الهوا على ٣٥

ظبطهولى على ٢٧ وقالى لما تبقى فاضيه تعالى

واعملك نيتروجين وهيبقى ب ٢٠ زى مقولت

باذن الله هروح عشان ارتاح من المشكله دى

[دينا]

متشكرة اوى لكل الناس اللى ردت عليا

ربنا يبارك فيكو ويجازيكو خير متحرمش يارب

[A.Saad]

27 ليه ؟؟؟؟

اظبطى على الموجود فى القايم
او كتالوج العربية
انا صيف وشتا بظبط عليه

الصنايعية ديما تقول ان الصيف اقل
بس ما دام الكلام ده مش موجود فى اى كتالوج او موقع لشركة اطارات
وكمان فيه مدى معقول بين الضغط اللى بستعمله واقصى ضغط للاطار
يبقى اظبط على الموصى به
تقليل الضغط بيؤثر على العمر الافتراضى للكاوتش من ناحية الاكتاف - جنب الاطار -

[دينا]

27 ليه ؟؟؟؟

اظبطى على الموجود فى القايم
او كتالوج العربية
انا صيف وشتا بظبط عليه

الصنايعية ديما تقول ان الصيف اقل
بس ما دام الكلام ده مش موجود فى اى كتالوج او موقع لشركة اطارات
وكمان فيه مدى معقول بين الضغط اللى بستعمله واقصى ضغط للاطار
يبقى اظبط على الموصى به
تقليل الضغط بيؤثر على العمر الافتراضى للكاوتش من ناحية الاكتاف - جنب الاطار -

بس كل اللى معاهم ماروتى قالو ٢٧

[A.Saad]

لو مكتوب كدة فى الكتالوج او على قايم العربية يبقى ده الصح

لو مكتوب رقم تانى يبقى الافضل تلتزمى بيه