العربيه بتبطل لوحدها

[waelgam2005]

كانت عندي مشكله في يوم وهيا لقيت فجأة صوت العربيه عالي زي مايكون رجلي محمله علي البنزين او رافع الشفاط مع اني ولا محمل رجلي ولا الشفاط مرفوع المهم خلصت مشواري في اليوم ده وروحت وقولت تاني يوم ابقي اشوفها جيت تاني يوم اشوفها لقيتها بتدور عادي وبتبطل لوحدها حتي بعد ماسخنت اضطريت اعلي الكهربا علي الاخر لقيتها مبطتلتش قولت يمكن بوجيهات كانت عندي بوجيهات قديمه ركبتها وقللت الكهربا تاني لقيتها بتبطل برضه وديتها لميكانيكي اشتغل شويه في مسمار الهوا وضبط الكهربا والعربيه رجعت زي الاول بس حاسس انها مش مظبوطه يعني لما بديها الاول بحس انها بتنط مني ولازم احمل علي الدبرياج جامد علشان متنطتش فا مش عارف هوا اللي فيها ده عيب ايه
العربيه 2012 وعامله 36 الف وبحطلها بنزين 80

[waelgam2005]

نسيت اقول اني غيرت فلتر البنزين بالمرة لاني كنت شاكك فيه

[motto]

ابلاتين وكوندنسر

[waelgam2005]

اكيد يعني ابلاتين وكوندنسر؟

[exact]

بتعلى وبتعلق... شوف الواير البنزين فيه جلدة لحجز التراب في اخره بتقع وبتخليه مشدود

[waelgam2005]

واير البنزين ده اللي عند الكاربتير في الحوض اللي بنزود منه ولا بيبقي في دواسه البنزين؟

[dr.hazem]

فعلاً جلدة التراب فآخر واير البنزين او ساعات واير الشفاط...
وممكن الابلاتين و الكوندنسر. ..
تحياتي

Sent from my mobile using Forum Runner

[waelgam2005]

فعلاً جلدة التراب فآخر واير البنزين او ساعات واير الشفاط...
وممكن الابلاتين و الكوندنسر. ..
تحياتي

sent from my mobile using forum runner

طيب محدش قالى واير البنزين ده اللى فى جمب الكرابتير ولا فين وفين مكان واير الشفاط ده ؟

[dr.hazem]

طيب محدش قالى واير البنزين ده اللى فى جمب الكرابتير ولا فين وفين مكان واير الشفاط ده ؟

الاتنين شابكين عالكربيراتير جنب بعض وهما اللي بيفتحو بوابه الكربيراتير ومن عندهم بتزود البنزين من الكبوت...

Sent from my mobile using Forum Runner

[waelgam2005]

شكرا ليك دكتور حازم

[aymanay32]

نفس اللى حصل لى بالظبط
و وقفت الصبح و انا رايح الشغل فوق الدائرى و مكنتش عارف اعمل ايه
قمت غيرت الكوندنسر و بصيت على الابلاتين و غيرت شوية سلوك و كان اصعب حاجة عملتها انى غيرت فلتر البنزين فوق الدائرى و بردوا العيب زى ما هوه
و بصراحة قعد معايا كام يوم بس انا عرفت السبب
و هو
ان بنزين 80 احيانا البنزينه تضيف الى تركيبته بعض الماء
و بالتالى الماء لا يشتعل مثل البنزين
و ما اثبت لى هذا انى قمت بتسخين السيارة الى العلامة فى النصف و تحركت بها
فتحركت و كانها شفيت تماما

[محمود السيد]

شييك على البكات