صداع إسمه قطع الغيار

[lidosasa]

السلام عليكم
كبالن عربيتى الماروتى كانت عايزة تتغير كلها لإنها كانت جابت أخرها وبتطقطق على الطوالى وخاصة فى المطالع .. وعلى الرغم إنى قررت أبيع العربية والمسألة مسألة وقت مش أكتر لحد ما أجمع فلوس الفرق لكن مقدرش أسيب العربية لسبيبن 1- خطر جداً أمشى بالعربية بالشكل ده .. 2- والأهم إنى مقدرش أبيع العربية وفيها عيب ( ربنا مش حيبارك فى الفلوس ) فكنت إما أصلح العيب أو بعد ما أتفق على السعر النهائى للبيع أنزل 1000 جنيه من تمن العربية للمشترى عشان يصلحها هو ولقيت الأسهل والأفضل إنى أصلح
المهم أشتريت 4 رؤوس كبالن 2 داخلى و 2 خارجى وإمبارح بالليل وبعد يومين من التصليح لقيت زيت تحت العربية وبالكشف لقيته زيت فتيس وكان الوقت متأخر فركنت ورحت الشغل النهاردة مواصلات ورجعت بدرى شوية رحت للميكانيكى وفى الطريق بدأت أسمع صوت طقطقة بسيطة فى الكوبلن اليمين مشيت على مهلى خالص وركنت فك الكوبلن ولقى الفتيل ( حاجة كده زى الوردة بتركب فى نص الطرف المسنن لدراع الكوبلن الداخلى ) بتاع الكوبلن الجديد مكسور .... حسبى الله ونعم الوكيل
المهم غيره وجاب فتيل تانى من عنده محمل شوية وركبه وجربت العربية كله تمام ولسه جاى ومنتظر بقى كمان كام ساعة أشوف فيه تسريب ولا لاء واقيس الزيت وأزود زيت فتيس بدل الشوية اللى أتسربوا من العربية

[Amr Axel]

يا باشا القطع المنتشرة تعبانة
و تلاقي كل واحد يقولك ديه درجة اول و درجة تانية
و احنا اللي عارفين اللي فيها اساسا ده غير السعر المبالغ فيه مقارنة بالخامة هو انا هطفش من العربية من شوية مهو بسببهم

[snowskyland]

انتو هتقلقوني من قطع الغيار ليه بس يا رجاله !
منا كنت لسه واخد مقلب فـ قطع غيار الـ 128 وما ادراك ما الـ 128 وما صدقت بعتها وخلصت منها ومن دوشتها وقطع غيارها المضروبه وبفكر بشكل جدي فـ الماروتي.
انا دلوقت بعد ما قرأت كلامكو ده عن قطع الغيار بدأت اتردد ودماغي بتضرب أخماس فـ اسدااااس
وبقيت محتار اشتري الماروتي ولا مشتريهاااااااااااااش

[lidosasa]

انتو هتقلقوني من قطع الغيار ليه بس يا رجاله !
منا كنت لسه واخد مقلب فـ قطع غيار الـ 128 وما ادراك ما الـ 128 وما صدقت بعتها وخلصت منها ومن دوشتها وقطع غيارها المضروبه وبفكر بشكل جدي فـ الماروتي.
انا دلوقت بعد ما قرأت كلامكو ده عن قطع الغيار بدأت اتردد ودماغي بتضرب أخماس فـ اسدااااس
وبقيت محتار اشتري الماروتي ولا مشتريهاااااااااااااش

لاء حضرتك مترددش ولا حاجة مشكلتى إنى مش ساكن فى القاهرة والعربية لسه مش منتشرة قوى عندى واللى بيبيع قطع الغيار محل واحد أو أتنين بالكتير ومفيش خيارات كتير لكن حضرتك فى القاهرة فيه تجار كتير فيه منهم الأمين وعنده قطع غيار أصلية وفيه اللى بيروح يجيب قطع غيار من الصين ويتصور وهو هناك وينزل الصور على الفيس بوك ويرجع مصر يقولك قطع غيار أصلية هندى وربنا يوفقك لما فيه الخير

[super_haitham]

يا جماعة حد يساعدني ف موضوع عربيتي
انا معايا سوزوكي سوفت 94 ياباني
حصلت معايا مشكلة ف الطرمبه وغيرتها وجبت واحده جديدة بــ 200 ج وركبتها قدم فى صدر العربية قريبة من الكربراتير والدنيا مشيت مع ان اول ما بفتح الكونتك بسمع تكتكت الكرمبه وده عادي المهم انا كنت بحط 80 وبعد كده بقيت بحط 92 عشان الشوائب والكلام ده
من كام يوم بدأ يحصل حاجة غريبة ان العربية بتفصل مني وانا ماشي وده بسبب مطب باخده او اي مزلقان بعيده المهم رحت للكهربائي قام خبط على الطرمبه فاشتغلت والدنيا مشيت ومن ساعتها الموضوع بقيت بعمله بنفسي كل ما العربية تبطل انزل اخبط ع الطرمبه تشتغل المشكله ان الموضوع بقا متكرر مرتين ف اليوم او اكتر فيا تري المشكله في الطرمبه ولا الكربراتير ولا ايه افيدووووووووووووووووني

[snowskyland]

لاء حضرتك مترددش ولا حاجة مشكلتى إنى مش ساكن فى القاهرة والعربية لسه مش منتشرة قوى عندى واللى بيبيع قطع الغيار محل واحد أو أتنين بالكتير ومفيش خيارات كتير لكن حضرتك فى القاهرة فيه تجار كتير فيه منهم الأمين وعنده قطع غيار أصلية وفيه اللى بيروح يجيب قطع غيار من الصين ويتصور وهو هناك وينزل الصور على الفيس بوك ويرجع مصر يقولك قطع غيار أصلية هندى وربنا يوفقك لما فيه الخير

طمنتني انا اتخضيت لدرجه ان النوم طار من عيني
اهو كده الواحد يعرف ينام