صوت رجرجة فى الماروتى !

[Eng\Islam]

السلام عليكم..
كان عندى استفسار عن الماروتى .. فى المطبات او الشوارع المكسرة بسمع صوت رجرجة بحسة جى من الدركسيون ومش عارف ايه ده ؟
الحاجة التانية انا عامل 31 الف بالعربية موديل 2009 غيرت زيت وفلتر زيت وبنزين وطقم كهرباء ( بوجيهات و ابلاتين وكوندنسر فى اخر صيانة ليا للعربية .. هل فيه حاجات تانى المفروض تتغير فى الفترة ديه ؟ مع العلم ان العربية ماشية معايا كويس بدون مشاكل ماعدا صوت الرجرجة.

[lidosasa]

الرجة دى موجودة لما بتيجى تطلع بالعربية على السلانسية كمان ولا فى المطبات بس

[Eng\Islam]

الرجة دى موجودة لما بتيجى تطلع بالعربية على السلانسية كمان ولا فى المطبات بس

لا فى المطبات بس

[dr.hazem]

شيك على قواعد الماتور غالبا محتاجين تربيط وراجع عالعفشه....
تحياتي

Sent from my mobile using Forum Runner

[Amr Axel]

يا ريت توضح امتي الرجة بتحصل و ايه اللي بيحصل
بالنسبة الصيانات لو هو ده بس اللي غيرته من ساعة ما جبت العربية يبقي انت محتاج تغير زيت فتيس كمان و العربية بتاخد لترين بالظبط لا اكتر و لا اقل و تغير زيت الفرامل و مية الريداتير و ممكن تنضف بالمرة الكربراتير

و المفروض سير الكاتينة كفاية اوي عليه كده 5 سنين و ممكن حد يبصلك ع سير الدينامو و تيل الفرامل بالمرة لو محتاجين يتغيروا و الكاوتش لو مغيرتوش فغالبا هتلاقيه انتاج 2008 و الكاوتش اساسا صلاحيته بدون استخدام و مخزن بشكل سليم 5-6 سنين

[Eng\Islam]

يا ريت توضح امتي الرجة بتحصل و ايه اللي بيحصل
بالنسبة الصيانات لو هو ده بس اللي غيرته من ساعة ما جبت العربية يبقي انت محتاج تغير زيت فتيس كمان و العربية بتاخد لترين بالظبط لا اكتر و لا اقل و تغير زيت الفرامل و مية الريداتير و ممكن تنضف بالمرة الكربراتير

و المفروض سير الكاتينة كفاية اوي عليه كده 5 سنين و ممكن حد يبصلك ع سير الدينامو و تيل الفرامل بالمرة لو محتاجين يتغيروا و الكاوتش لو مغيرتوش فغالبا هتلاقيه انتاج 2008 و الكاوتش اساسا صلاحيته بدون استخدام و مخزن بشكل سليم 5-6 سنين

اولا اشكرك على اهتمامك وردك..
بيانسبة للرجة هية غالبا مبتظهرش مع بداية ما امشى بالعرببة .. يعنى بتظهر بعد شوية من السواقة .. وباكد انه صوت بس وبيظهر الصوت مه اى هزة للعربية فى اى حفرة او مطب حتى لو صغير والصوت كانه جى من الدركسيون .. بسمعه من جوة العربية !!

اما يالنسبة للحاجات اللى غيرتها .. انا كده محتاج اغير زيت فتيس و مياه راداتير وتنضيف كربراتير
وسير كاتينة اما بالنسبة للحاجات اللى غيرتها فهى تيل وكاوتش وسير دينامو.
بتلنسبة للبطارية انا مغرتهاش وهيه شغالة كويس بس انا عايز اغيرها هية كمان ببطارية جافة .. ايه رايك ؟
خصوصا انها عاملة املاح كتير فى الحوض وافتكر انى زودتلها مية مرة.

[Eng\Islam]

تم تغير البطارية بواحدة جافة و رحت لميكانيكى علشان موضوع الرجة بعد ما كشف على العربية قاللى انه من علبة الدركسيون وانه لازم يحلها علشان يعرف المشكلة فين وقاللى اجيله يوم بدرى علشان يشتغل فيها

[lidosasa]

اولا اشكرك على اهتمامك وردك..
بيانسبة للرجة هية غالبا مبتظهرش مع بداية ما امشى بالعرببة .. يعنى بتظهر بعد شوية من السواقة .. وباكد انه صوت بس وبيظهر الصوت مه اى هزة للعربية فى اى حفرة او مطب حتى لو صغير والصوت كانه جى من الدركسيون .. بسمعه من جوة العربية !!

اما يالنسبة للحاجات اللى غيرتها .. انا كده محتاج اغير زيت فتيس و مياه راداتير وتنضيف كربراتير
وسير كاتينة اما بالنسبة للحاجات اللى غيرتها فهى تيل وكاوتش وسير دينامو.
بتلنسبة للبطارية انا مغرتهاش وهيه شغالة كويس بس انا عايز اغيرها هية كمان ببطارية جافة .. ايه رايك ؟
خصوصا انها عاملة املاح كتير فى الحوض وافتكر انى زودتلها مية مرة.

الرجة دى من الشكمان ممكن تكون واخد خبطة فيه روح لفنى شكمان يظبطه وبإذن الله العربية تتظبط