تقرير تركيب بعض الاكسسوارات للماروتي

[elpilot]

السلام عليكم
قمت مؤخرا بتركيب بعض الاكسسوارات للعربية وحبيت اشاركم التجربة
واحد قريبي لحسن الحظ فاتح محل اكسسوارات ظبطني في الحوار ده وجبلي الحاجه لحد الزقازيق من غير ما اضطر انزل القاهره
المهم كنت موصية علي طاسات 12 ولفيت الزقازيق مش لاقيها وبعد شهر الحمد لله قدر يوفرها وكمان ماشاء الله شكلها اجمل من الطاسات العادية

وكنت برضو مكلمه علي الاعمده اللي بتتحط علي السقف اللي زي بتاعة الماتريكس دي وملقاش حاجه علي مقاسها فجابلي بتوع الماتريكس وقصيت منهم وشكلهم اشيك من الرفيعين يتوعها
ولقيت عنده علامة الديل بتاعة الBMW فاشتريت واحده كأني BM يعني




الموضوع كله كلفني حوالي 200 جنية بس الحمد لله فرق في المنظر جامد
وان شاء الله اي حاجه هعملها جديدة هشاركم بيها باذن الله

[أبو بلال]

ما شاء الله، جميلة، ولون العربية الفضي لايق عليه الأعمدة، والطاسات، مبروك عليك.
بس سؤالين، هل الأعمدة دي للشكل فقط؟ ولا ممكن تحمّل عليها في السفر؟، وهل انت بتخرم في السقف عشان تركب الأعمدة دي؟ وكل الشبك بيركب بتخريم السقف؟

[ramyraby]

مبروك ياباشا الف مبروك

[elpilot]

ما شاء الله، جميلة، ولون العربية الفضي لايق عليه الأعمدة، والطاسات، مبروك عليك.
بس سؤالين، هل الأعمدة دي للشكل فقط؟ ولا ممكن تحمّل عليها في السفر؟، وهل انت بتخرم في السقف عشان تركب الأعمدة دي؟ وكل الشبك بيركب بتخريم السقف؟

الاعمده دي انا جايبها للمنظر فقط مش هفكر احمل عليها عشان حتي ما احملش علي العربية اخري بشيل فيها3 افراد فقط اللي ملوش مكان يتصرف بقي عشان ميكونش حمل عليها بس هي جامده لو حبيت تحمل عليها بس نصيحه متحملش العربية فوق طاقتها
بالنسبة للتخريم فانا رافض المبدأ ده دلوقتي خصوصا ان العربية لسه جديدة الاعمده دي بتركب بلزق القاعده بتاعتها دي فيها لزق قوي جدا يمسك كويس الحمد لله

[elpilot]

مبروك ياباشا الف مبروك

ربنا يبارك فيك وشكرا علي مرورك الجميل

[shiko85]

السلام عليكم
وعليكم السلام ورحمة الله وبركاته
لو حضرتك تقدر ترش الجنوط (الجزء المعدن) اسود هتفرق جامد و الطاسات هتبقى زى الجنوط سبور

[elpilot]

شكرا ياباشا علي الاضافة الجميلة دي
بس انا هرشها اسود فين وهتتكلف قد اية؟
ولا انا هشتري البوهية وادهنها بالفورشة؟
انا بشوفها فعلا في عربيات كتير لونها اسود بس انا مفكر انها بتنزل كده بيها مكنتش اعرف انها بتترش

[motto]

شكرا ياباشا علي الاضافة الجميلة دي
بس انا هرشها اسود فين وهتتكلف قد اية؟
ولا انا هشتري البوهية وادهنها بالفورشة؟
انا بشوفها فعلا في عربيات كتير لونها اسود بس انا مفكر انها بتنزل كده بيها مكنتش اعرف انها بتترش

بترشها سبراي اسود عادي

[shiko85]

شكرا ياباشا علي الاضافة الجميلة دي
بس انا هرشها اسود فين وهتتكلف قد اية؟
ولا انا هشتري البوهية وادهنها بالفورشة؟
انا بشوفها فعلا في عربيات كتير لونها اسود بس انا مفكر انها بتنزل كده بيها مكنتش اعرف انها بتترش

بترشها سبراي اسود عادي

بالظبط كده سبراى اسود (الأفضل اسود مط مش بيلمع) و هتحتاج صنفره ناعمه علشان تصنفر الجنوط (صنفره بسيطه مجرد انك تمشى الصنفره على الجنط) علشان اللون يمسك فيها
الموضوع سهل و النتيجه هتكون ممتازه ان شاء الله و الشكل هيختلف تماما

[Amr Axel]

الف مبروك يا كبيير
و تسلم ايديك ع التقرير :)

[dr.hazem]

شغل على مية بيضا ما شاء الله
ربنا يباركلك فيها...
تحياتي

Sent from my mobile using Forum Runner

[snowskyland]

بصراحه العربيه شكلها جميل وربنا يباركلك فيها بس حكايه رش الجنوط دي انا شايفها افتكاسه واالسلام ومن الوهله الاولى بيبان انك مركب طاسات خصوصا لما بتتراكم الاتربه على اللون الاسود اللي انت رشيت بيه الجنوط... الجنوط الاسبور بردو مهما كانت ليها رونقها...
وربنا يهديك لما فيه الخير

[S O P H O S]

ما شاء الله
شغل جميل