حيرة فى الكاوتش إزاى أحلها

[mesaharaty]

أحبائى كل عام وأنتم جميعا بخير وربنا مايحرمنيش منكم أبدا

لو كنت مكانى تختار إيه ؟؟
الوضع حاليا (وأنا كنت مجبر عليه)

قدام شمال فردة هانكوك جديدة لانج بمعنى الكلمة مامشيتش 500 كيلو ومافيهاش ولا خرم حتى ويمين مركب الإستبن جوديير فردة إنتاج 2008.
ورا فردتين جوديير إنتاج 2010 .
لا يوجد إستبن حاليا .
السؤال :
هل أشترى فردة واحدة هانكوك وأحطها قدام بجوار الهانكوك الأخرى وأطلع الإستبن تتحط إستبن كما هى .
ولا أشترى إتنين جوديير جداد وأطلع الفردة الهانكوك الجديدة لانج وأعملها إستبن وأرمى الجوديير اللى هى إنتاج 2008 ؟

حد فهم حاجة؟
طب إقتراحاتكم بقى وياريت بسرعة

[gadoo30]

[color="darkgreen"]أ[color="green"]
السؤال :
هل أشترى فردة واحدة هانكوك وأحطها قدام بجوار الهانكوك الأخرى وأطلع الإستبن تتحط إستبن كما هى .
كدة الاستبن قديمة ولا يعتمد عليها ممكن تقبل الحل دة لو معاك كمبروسر
ولا أشترى إتنين جوديير جداد وأطلع الفردة الهانكوك الجديدة لانج وأعملها إستبن وأرمى الجوديير اللى هى إنتاج 2008 ؟
انا شايف ان الحل دة افضل لان كدة الاربع فرد نفس النوع ونفس النقشة واللى اعرفة ان دة احسن حاجة للعربية

[mohammad isdf]

الخيار الاول ووفر فلوسك .. والإستبن أصلا مش المفروض ان بنمشى عليه كتير، فقط فى الإضطرار، فمش محتاج حاجه جديدة لنج يعنى، لكن محتاج حاجه سليمة ,, والله أعلم

[Sameh samy]

طبعا واحدة جديدة هانكوك وبسرعة علشان لازم تكون حالة الفردتين زي بعض
والجود يير اللي قدام تبقي استبن ودايما تخلي كل جوز كاوتش نفس الماركة ونفس الحالة علشان التماسك مع الفرامل يبقي واحد

[أبو بلال]

رجع الاستبن مكانها
ولا اقولك، بيعها واشتري حاجة مستعملة اكتر 2005 ولا حاجة، لان كده كده ده استبن، ووفر 50 جنيه ههههههههه

[carrier]

يبقى الوضع على ما هو عليه هيا 2008 عيب ولا حرام

طالما لا لوحة ولا وخده هوا ولا بتنام كل شوية ولا متكله من ناحية ونحية لأ ... خلاص

واشترى فرده مستعمله حلوة تيقى استبن

[dr.hazem]

أحبائى كل عام وأنتم جميعا بخير وربنا مايحرمنيش منكم أبدا

لو كنت مكانى تختار إيه ؟؟
الوضع حاليا (وأنا كنت مجبر عليه)

قدام شمال فردة هانكوك جديدة لانج بمعنى الكلمة مامشيتش 500 كيلو ومافيهاش ولا خرم حتى ويمين مركب الإستبن جوديير فردة إنتاج 2008.
ورا فردتين جوديير إنتاج 2010 .
لا يوجد إستبن حاليا .
السؤال :
هل أشترى فردة واحدة هانكوك وأحطها قدام بجوار الهانكوك الأخرى وأطلع الإستبن تتحط إستبن كما هى .
ولا أشترى إتنين جوديير جداد وأطلع الفردة الهانكوك الجديدة لانج وأعملها إستبن وأرمى الجوديير اللى هى إنتاج 2008 ؟

حد فهم حاجة؟
طب إقتراحاتكم بقى وياريت بسرعة

انا لو مكانك...
هجيب فرده جديده هانكوك
وهحط الاتنين الجداد الهانكوك دول ورا( مش قدام زي منت فاكر) وهحط قدام الاتنين الچوديير ال2010
وهشيل الچوديير ال2008 استبن...
صحيح ان العمر الافتراضي ليها انتهى لكنها استبن مش مطلوب منها غير انها تسلك...
تحياتي

Sent from my mobile using Forum Runner

[Amr Axel]

اشتري واحدة هانكوك جديدة مع التانية و ارميهم ورا و الجوود الـ2010 طلعهم قدام
و شيل الاستبن مع العلم انه لا يعتمد عليها اوي لأن صلاحيتها تعتبرها انتهت و خلي بالك لأن الـ2010 يعتبروا كده بيودعوا فحاول تغيرهم في اقرب فرصة و لو بالاستبن يبقي أفضل

[mesaharaty]

يا أهلا وسهلا بحبايبى الدكتور حازم والكبير عمرو أكسل
واحشنى جدا جدا ومن غيركم حاسس انى تايه والمنتدى قرب ينام
الحمد لله تم شراء وتركيب عدد 2 كاوتش هنكوك بسعر الواحدة 280 جنيه انتاج ابريل 2013 .
الفردة 2008 جيت ابيعها بتاع الكاوتش رفض يشتريها لأنه لقى فيها سلك مقطع من الداخل .
يبقى الحالة كده اتنين هانكوك جداد + 2 جوديير 2010 .