سخونة فى الماروتى

[mesaharaty]

امبارح وأنا ماشى بالعربية لقيت مؤشر الحرارة عمال يتحرك والحرارة بتعلى ودى أول مرة تحصل معايا فتوقفت لغاية ما العربية بردت وفتحت الرادياتير لقيت المياه مالية الرادياتير بس لاحظت ان فيه تعليقة فى المروحة بمعنى انها مرة تشتغل ومرة لا . فضلت أمشى بيها شوية وأريح شوية لغاية ما توجهت لكهربائى جنب البيت فقام بتجربة المروحة على البطارية مباشرة فلاقاها شغالة فقام حاطط لى كتاوت صغير كده كان خالعه من عربية تويوتا ماركته دنسو وقاللى حنجرب لو ماظبطتش يبقى نشوف الترموستات ووصله بالمروحة وجربنا كذا مرة والحمد لله الحرارة ماعليتش ورجعت لمستواها الطبيعى وبتشتغل وتفصل فى ميعاده .
بس أنا برضه لسه متخوف ليكون عيب ترموستات والموضوع يتكرر تانى وكمان برضه انا مش فاهم دور الكتاوت ده ايه فى تقويم المروحة وفصلها ؟
بافكر اجيب ترموستات استيراد أخليه معايا لأى ظروف .

إيه رأيكم

[mesaharaty]

إيه مافيش مشاركات ليه ؟
مافيش ماروتى بتسخن غير بتاعتى ؟

طيب والله شىء جميل

[dr.hazem]

مبحبش ازود حاجه للعربيه منزلتش بيها...
الكتاوت مش حل للمشكلة لان العربية بتنزل بدونه ومبتسخنش..
وبالتالي محتاجه فحص هل العيب من المروحه نفسها ولا ايه..
تحياتي

Sent from my mobile using Forum Runner

[khalidawad]

اليومين دول الجو نار. ساعات بتوصل درجه حرارة الجو٥٥. فانا رايي. طالمارالمروحه بتشتغل و يتفصل. يبقي لا عيب مروح ولا ثرموستات. انا عندي. بلاقي المؤشر بيعدي النصف بحوالي ٣. ملي في الجو النار ده. وبعدين المروحه بتشتغل ترجعه قبل النص. بحوالي ٤ملي وانا علي قكره بغير الميه الخضرا. كل سنتين وبنظف الريدياتير. وبغير ابلتين. بانتظام.
فاعتقد انه طبيعي ان المؤشر يوصل لبعد النصف بحبه في الجو ده

[mesaharaty]

اشكر ردودكم التى اقدرها بشدة .
دى اول مرة اشوف المؤشر بيتحرك بعد علامة المنتصف علما بأن المروحة كانت متوقفة وماشتغلتش بصورة طبيعية الا بعد تركيب الكتاوت وجربت العربية اكتر من مرة فى الحر ده والحمد لله المروحة بتشتغل وتفصل كالمعتاد .
وعلى فكرة برضه اشتريت ترموستات استيراد وخليته معايا فى العربية علشان اى حركة معيلة منها تانى اقوم مركب الترموستات على طول .

[edeson]

كانت بتعمل ركبت ترموستات كيا فى الريداتير وما بتعديش الربع دلوقتى