بطاريه الماروتي

[amrseiffares]

انا عارف ان بطاريه الماروتي 40 امبير هل ينفع اجبلها 55 امبير ولا لا وهل حيتحسن الأداء ويا تري ايه احسن نوع وياريت السعر ومكان التوكيل في الاسكندريه
و لكم جزيل الشكر

[exact]

ينفع عادي جدا... بس مش قصة تحسن الاداء... قصة انها نسبيا فيها شحنة اكبر فهتقعد وقت اطول على ما تفرغ تماما... بالاضافة لأن ده بيديها نسبيا عمر أطول

[snowskyland]

ينفع عادي جدا... بس مش قصة تحسن الاداء... قصة انها نسبيا فيها شحنة اكبر فهتقعد وقت اطول على ما تفرغ تماما... بالاضافة لأن ده بيديها نسبيا عمر أطول

السلام عليكم ورحمه الله تعالى وبركاته

اسمحلي اعلق على رد السيد الفاضل exact في 3 نقاط

1- البطاريه زي ما حضرتك قولت لو فيها شحنه اكبر ده معناه ان في خلل فـ شحن الدينامو والكتاوت بتكون تلفت تماما وده بيبان لما حضرتك تلاحظ ان النور بيعلى لما بتدوس بنزين حضرتك اكيد تقصد ان البطاريه بيكون امبيرها اكبر مش شحنتها اكبر
2- حضرتك بتتكلم على بطاريه عربيه مش بطاريه محمول امال الدينامو وظيفته ايه؟! مسأله ان البطاريه تفرغ تماما دي ده بيدل ان فيه حاجه غلط إما ان الدينامو فصل او الكتاوت اتحرق او البطاريه جابت ربع او مياه البطاريه فيها مشكله
3- مسأله ان ده بيديها عمر اطول دي بتعتمد على الصيانه الدوريه للبطاريه وقياس دوره الشحن من وقت لآخر وتجنب حدوث القفلات الكهربيه من ناحيه ومن ناحيه تانيه ان اللي بيخلي عمر البطاريه طويل او قصير هو جوده الخامات اللي بيتم تصنيع البطاريه منها والشركه المصنعه وده حضرتك وكلنا بنلاحظه مثلا فـ الفرق بين بطاريه المحمول الاصلي والصيني شوف الاصلي بتعيش معاك قد ايه والصيني بتقعد معاك كام شهر وبعدين بتبوظ


انا هجاوب حضرتك بشكل مفصل نسبيا وبطريقه سهله جدا

لنفرض ان حضرتك عندك سوبر ماركت ومشغل فيه واحد اسمه امبير وكان عندك زباين كتير لدرجه ان امبير مكنش ملاحق عليهم طلبات وكان آخره يمشي زبون واحد كل دقيقه فحضرتك عملت ايييييه؟؟؟!!!
حضرتك جيبت لأمبير واحد تاني يشتغل معاه اسمه بردو امبير علشان الاتنين امبير اللي شغالين عندك يلاحقو ع الزباين فالاتنين امبير بقو يمشو زبونين كل دقيقه بدل ما كان عندك امبير واحد بيمشيلك زبون واحد كل دقيقه
فمثلا لو حضرتك هتركب عده صوت ده بيطلب من البطاريه امبير اعلى لانها حمل جديد أضيف على عاتق البطاريه فحضرتك بتعمل ايه؟!
لو حضرتك حسيت بكسور في آداء البطاريه بمعنى ان عده الصوت مثلا مش بتعمل بكفاءه مع الانوار وخصوصا النور العالي فده بيدل ان حضرتك محتاج بطاريه امبيرها اعلى فتطر تغيرها وتشتري واحده امبيرها اعلى
وخلي بالك متغيرش البطاريه ابدا كده منك لنفسك إلا لازم الاول تكشف عند الكهربائي على الدينامو وتخليه يقيسلك الشحن بتاعه كويس ويشوف إذا كان الدينمو يتلائم مع البطاريه الجديده ذات الامبير الاعلى ودي إن وجدت فهتبقى حاله خاصه بدينامو الماروتي ومشوفتهاش قبل كده فـ موديلات تانيه الصراحه

كده اعتقد اني جاوبتك على سؤالك على الوجه المطلوب
أرجو ان اكون افدت الجميع وأعتذر عن الإطاله والسلام عليكم ورحمه الله تعالى وبركاته

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ...

[amrseiffares]

يعني اعمل ايه بالضبط اجيب 40 ولا 55

[elpilot]

يعني اعمل ايه بالضبط اجيب 40 ولا 55

وجهة نظري هات بتاعها ومتحاولش تعدل وتجيب اكبر لان اللي مصممها عارف هو بيعمل ايه وبعدين40 امبر كويس جدا جدا مش وحش خالص واوفر ليك في الفلوس كمان ومش هتعمل اي تعديلات
دي وجهة نظري والقرار ليك

[snowskyland]

يعني اعمل ايه بالضبط اجيب 40 ولا 55

انت محير نفسك ليه بس؟! عموما حاول توضح ايه هو الآداء اللي انت عاوزه يتحسن وليه عاوز تغير البطاريه بواحده تانيه امبيرها عالي علشان نقدر نساعدك. وانا كنت وضحتلك انه ينفع ومفيش اي مشكله فـ تغيير البطاريه وانا شخصيا عملت كده فـ عربيتي بس مكانيتش ماروتي والبطاريه الجديده اشتغلت كويس وناس تانيه كتير جدا بردو عملت كده فـ عربياتها وفـ موديلات وماركات كتيره ومختلفه بس اهم حاجه تخلي الكهربائي يقيسلك شحن الدينامو ويشوف إذا كان الدينامو هيكفي البطاريه الجديده شحن بدون أي تقصير وده اهم ما في الموضوع

[aymanay32]

اذا كانت البطارية ال 40 مضايقاك و تعباك و محتاج اعلى ركب و خلص نفسك
و ان كانت مريحاك و مفيش مشاكل يبقى ركب 40 امبير و تبقى ريحت نفسك من مشاكل قص الكابلات و تركيب قواطيش جديدة تتناسب مع الكبيرة

[Mohamed abdelm]

انا عندى مشكله ان النور بيعلى لما أدوس بنزين ده ممكن يكون من ايه

[amrseiffares]

انا عندى مشكله ان النور بيعلى لما أدوس بنزين ده ممكن يكون من ايه

ونا كمان

[lidosasa]

هات ال 40 لآن حوض العربية اساساً ضيق ويدوب واخد ال 40 أمبير فأنا شايف إن ال 55 مش حتكون مناسبة للعربية والمكان مش حيقضيها

[snowskyland]

انا عندى مشكله ان النور بيعلى لما أدوس بنزين ده ممكن يكون من ايه

ده كده معناه ان الكتاوت عمل اوبن يعني اصبح عندك مفيش حاجه بتثبت الفولت اللي خارج من الدينامو وده خطر شديد جدا على البطاريه وبيتلفها فـ وقت صغير جدا ولو جافه هتتنفخ وممكن تفرقع وكهربه العربيه بشكل عام اصبحت معرضه للتلف ونصيحه اخويه متحاولش تمشي بيها كتير اطلاااااقا وروح للكهربائي فـ اقرب فرصه

[snowskyland]

هات ال 40 لآن حوض العربية اساساً ضيق ويدوب واخد ال 40 أمبير فأنا شايف إن ال 55 مش حتكون مناسبة للعربية والمكان مش حيقضيها

الفرق بيكون فـ الامبير وليس فـ الحجم

[exact]

السلام عليكم ورحمه الله تعالى وبركاته

اسمحلي اعلق على رد السيد الفاضل exact في 3 نقاط

1- البطاريه زي ما حضرتك قولت لو فيها شحنه اكبر ده معناه ان في خلل فـ شحن الدينامو والكتاوت بتكون تلفت تماما وده بيبان لما حضرتك تلاحظ ان النور بيعلى لما بتدوس بنزين حضرتك اكيد تقصد ان البطاريه بيكون امبيرها اكبر مش شحنتها اكبر
2- حضرتك بتتكلم على بطاريه عربيه مش بطاريه محمول امال الدينامو وظيفته ايه؟! مسأله ان البطاريه تفرغ تماما دي ده بيدل ان فيه حاجه غلط إما ان الدينامو فصل او الكتاوت اتحرق او البطاريه جابت ربع او مياه البطاريه فيها مشكله
3- مسأله ان ده بيديها عمر اطول دي بتعتمد على الصيانه الدوريه للبطاريه وقياس دوره الشحن من وقت لآخر وتجنب حدوث القفلات الكهربيه من ناحيه ومن ناحيه تانيه ان اللي بيخلي عمر البطاريه طويل او قصير هو جوده الخامات اللي بيتم تصنيع البطاريه منها والشركه المصنعه وده حضرتك وكلنا بنلاحظه مثلا فـ الفرق بين بطاريه المحمول الاصلي والصيني شوف الاصلي بتعيش معاك قد ايه والصيني بتقعد معاك كام شهر وبعدين بتبوظ


انا هجاوب حضرتك بشكل مفصل نسبيا وبطريقه سهله جدا

لنفرض ان حضرتك عندك سوبر ماركت ومشغل فيه واحد اسمه امبير وكان عندك زباين كتير لدرجه ان امبير مكنش ملاحق عليهم طلبات وكان آخره يمشي زبون واحد كل دقيقه فحضرتك عملت ايييييه؟؟؟!!!
حضرتك جيبت لأمبير واحد تاني يشتغل معاه اسمه بردو امبير علشان الاتنين امبير اللي شغالين عندك يلاحقو ع الزباين فالاتنين امبير بقو يمشو زبونين كل دقيقه بدل ما كان عندك امبير واحد بيمشيلك زبون واحد كل دقيقه
فمثلا لو حضرتك هتركب عده صوت ده بيطلب من البطاريه امبير اعلى لانها حمل جديد أضيف على عاتق البطاريه فحضرتك بتعمل ايه؟!
لو حضرتك حسيت بكسور في آداء البطاريه بمعنى ان عده الصوت مثلا مش بتعمل بكفاءه مع الانوار وخصوصا النور العالي فده بيدل ان حضرتك محتاج بطاريه امبيرها اعلى فتطر تغيرها وتشتري واحده امبيرها اعلى
وخلي بالك متغيرش البطاريه ابدا كده منك لنفسك إلا لازم الاول تكشف عند الكهربائي على الدينامو وتخليه يقيسلك الشحن بتاعه كويس ويشوف إذا كان الدينمو يتلائم مع البطاريه الجديده ذات الامبير الاعلى ودي إن وجدت فهتبقى حاله خاصه بدينامو الماروتي ومشوفتهاش قبل كده فـ موديلات تانيه الصراحه

كده اعتقد اني جاوبتك على سؤالك على الوجه المطلوب
أرجو ان اكون افدت الجميع وأعتذر عن الإطاله والسلام عليكم ورحمه الله تعالى وبركاته

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ...

اولا....حضرتك لو تعرف فالبطاريات... الامبير الشائع ده اسمه امبير في الساعه وده بيرمز للسعه او الشحنة المخزنة داخل البطارية
ثانيا... كلامي فالبطاريات ناتج عن خبرة تعامل اكتر من 15 سنة ومع اكتر من 30 بطارية سيارة اكتر من نصهم في العربيات وبالبقي في حاجات اخرى زي الانفرترات واليو بي اس... وبطاريات Deep Cycle
ثالثا بالنسبة لرقم 2 اعتقد اني انسان راشد وعندي تمييز وادراك وفاهم انا باتكلم عن ايه ؟؟ وحضرتك اللي مخدتش بالك انا اقصد ايه بالتفريغ التام

بالنسبة لرقم 3 أنا معاك فيها

بخصوص البطاريات عموما فشركات السيارات تضع اقل سعه مناسبه للسيارة... الزياده لن تضرك واحتمال ضعيف انها ما تنفعكش... ولكن مع ظروف التشغيل العنيفة من حرارة واحمال زي تقويات النور والكلام ده هتبقى محتاجها

[Mohamed abdelm]

الكهرباءى بيقولى مفيش مشكله وده عادى جدا وده رأى كذا واحد والتوكيل برده

[S O P H O S]

عملت كده فالفيات ومحستش بتغير
ده يمكن العكس