بكام و منين جديد او مستعمل فانوس ماروتي خلفي شمال

[amr_bekhit]

السلام عليكم يا شباب
مطلوب مساعدة انهاردة الحمد لله ربنا قدر و لطف و واحد دخل فى الفانوس الشمال الخلفي بتاع العربية
المنطقة البيضا الشفافة هي اللى اتكسرت و الحمد لله فقط لكن محتاج بالتأكيد اغير الفانوس كله
هو الفانوس بيتباع الوش بتاعه بس لوحده
ام الوش و الشاسيه بالكامل بتاع الفانوس و معرش اصلا اذا كان اسمه شاسيه و لا لأه
يعني و منكم نستفيد
و جديد يعمل كام ؟ و هو فيه منه مستعمل ؟ و فين الاقيه ؟
و متشكرين على المرور

و ربنا يسترها معاكم و معانا

[mesaharaty]

الحمد لله قدر الله وما شاء فعل
بالنسبة لوش الفانوس بيتباع لوحده لكن لا أنصح بيه لأنه بيبقى فيه مشاكل أبعاد ومقاس لما تيجى تركبه يعنى بيبقى فيه فروقات تخليك ماتعرفش تربطه وممكن الوش ينكسر كمان (هذا الكلام عن تجربه) فأنا أفضل أن يتم شراء فانوس كامل وتركيبه .
والفانوس متوفر وموجود عند بتوع قطع الغيار .

[amr_bekhit]

أكرمك الله على الأفادة
انا قولت لازم اعدي على المنتدي قبل ما اروح انفذ في اى حاجة بخصوص الفانوس
هنزل اسأل عليه ان شاء الله و ابقى ابلغكم .. بس اقبض الأول ان شاء الله :-)

الحمد لله قدر الله وما شاء فعل
بالنسبة لوش الفانوس بيتباع لوحده لكن لا أنصح بيه لأنه بيبقى فيه مشاكل أبعاد ومقاس لما تيجى تركبه يعنى بيبقى فيه فروقات تخليك ماتعرفش تربطه وممكن الوش ينكسر كمان (هذا الكلام عن تجربه) فأنا أفضل أن يتم شراء فانوس كامل وتركيبه .
والفانوس متوفر وموجود عند بتوع قطع الغيار .

[Ahmed Yousry]

الفانوس الخلفى كامل بحوالى 45 جنيه

[J A G U A R]

الفانوس الخلفى كامل بحوالى 45 جنيه

بتتكلم بجد ؟

[S O P H O S]

اكيد مش الاصلي

[amr_bekhit]

سألت فى المعادي عند شارع 77 فى واحد بيشتغل فى الأصلي هناك و كنت بجيب منه احتياجات العربية
قالي الفانوس كامل ب 70 جنيه للماروتي الجديدة ده بعد ما قولتلوه انها موديل 2009
و ممكن الوش بس اصلي برضه و مطبع ميه ميه ( زي ما قالي برضه) ب 35 جنيه
لكن مشترتش لغاية دلوقتي صراحة ليه معرفش
الله المستعان

[mesaharaty]

سألت فى المعادي عند شارع 77 فى واحد بيشتغل فى الأصلي هناك و كنت بجيب منه احتياجات العربية
قالي الفانوس كامل ب 70 جنيه للماروتي الجديدة ده بعد ما قولتلوه انها موديل 2009
و ممكن الوش بس اصلي برضه و مطبع ميه ميه ( زي ما قالي برضه) ب 35 جنيه
لكن مشترتش لغاية دلوقتي صراحة ليه معرفش
الله المستعان

ممكن تليفون وعنوان الراجل ده بالتفصيل لو سمحت

[amr_bekhit]

ممكن تليفون وعنوان الراجل ده بالتفصيل لو سمحت

صراحة مش عارف اسم المحل ايه هو صغير اوي مدخله بتاع متر و ربع
و هو فى شارع 77 قبل ما يلتقي بشارع احمد ذكي بحوالي 15 متر فى عمق شارع 77
بجواره محل بيبع ادوات صحية و سباكة و امامه سور نادي المعادي
انا عملت صورة علشان تبقى واضحة



بالتوفيق ان شاء الله

[micromoud]

مشى حالك وهات فانوس مش اصلى عشان انت فى مصر ووارد انه يتخبط تانى :)

[ganash]

معندوش حاجات سوزوكى فان ؟ اصل الفانوس برده الوش مكسور وجبت وش صينى باهت فى الاضاءه وشكله مش كويس