ماروتي ساعات بتبقي مفرفشة وساعات بتبقي مخنوقة ايه السبب؟

[elpilot]

بسم الله الرحمن الرحيم
السلام عليكم ورحمة الله وبركاتة
كل عام وانتم بخير بمناسبة شهر رمضان ويارب يكون الجميع بخير
عندي حاجه ساعات بلاحظها في العربية اني ابقي ماشي مثلا والاقيها بس عايزة تجري مفرفشة ومزاجها عنب اوي باقل دوسة بنزين الاقيها سريعه واخر حلاوة في المشي لدرجه اني ببقي مبسوط جدا من سواقتها في الوقت ده ساعات ببقي محمل ناس معايا وساعات ببقي لوحدي بس مش عارف ايه السبب
انا عارف مقدار دوسة بنزين بيمشيني علي70كيلو في الوضع العادي بدوس عنده الاقيها80 او100وعايزة تجري اكتر
وعندي ساعات بحس انها مش عايزة تمشي وزهقانة ادوس بنزين ماتجريش ولا حتي بتمشي طبيعي بحسها زي مايكون حاجه مكتفاها او زي ميكون رافع سنة فرامل اليد زي مثلا اللي بيجري وهو هفتان كده انا عارف مقدار دوسة بنزين بيمشيني علي70كيلو بدوس عنده الاقيها50 او60بالكتير لو دوست اكتر بتذيد عادي
مع ملاحظة اني بحطلها بنزين92 ديما ومثبت البنزينة بقالي فترة بنزينة معندهاش الا92 بس عشان اضمن ميغشوش في البنزين والعربية2014 وعامله2100كيلو حاليا الحمد لله
فياتري ايه السبب في البطئ اللي بحسة احيانا ده وهل ده حاجه طبيعيه ولا فيه مشكله عندي؟؟؟
وسؤال تاني هي العربية لما تبقي محمله طبيعي انها تبقي ابطئ شوية من وهي انا لوحدي اللي فيها ولا مبتفرقش معاها الموضوع ده؟؟
وشكرا ليكم

[HHALAWANY]

نفس الموضوع ده بيحصل معايا كتييييييييييير .. العربية موديل 2013 ... ومش عارف ده من ايه برضو :(

[lidosasa]

نقطة واحدة بس اللى أقدر أفيدك فيها إنه طبيعى جداً إن العربية كل ما تكون محملة تكون أبطىء

[Amr Axel]

ههههههههههه لا متقلقش يا باشا كل عربياتنا السوزوكي هنا كده عربية مزاجية و حسب مزاجك لو نزلت يوم قرفان هتلاقيها بطة و لو نزلت مفرفش هتلاقيها طيارة نازل مستعجل هتلاقيها نفاثة
راجع بس ع ضغط الكاوتش و ظبط الصيانات دايما فلاتر و طقم كهربا خاصة البوجيهات و تنضيف الكربراتير
بالنسبة التحميل ده طبيعي كل ما الوزن بيزيد بيبقي حمل ع الموتور و ده في اي عربية بس بتفرق

[Esraa_tarek]

أنا كمان معايا ماروتي 2008 و كتير أوي بحس انها ضعيفة و كأنها بتشد حاجة وراها ... ساعات تانية أدور و أطلع أحسن من العربيات اللي حواليا !!
المشكلة بتحصل بالذات أما يكون مؤشر البنزين قرب للمنتصف و تفضل كده لحد ما أمونها تبقى كويسة جدا أول 100 كيلو
حاجة كمان.. فيها رجة في الدركسيون و التابلوه خاصة في الطلعة و أما أسيب دواسة البنزين بسمع تكتكة حتى لو سخنتها كويس
أما بجيب 80 بلاقيها بتعوم و مش مسيطرة عليها كويس
ياريت لو حد عنده تفسير منطقي يفيدنا :)

[elpilot]

أنا كمان معايا ماروتي 2008 و كتير أوي بحس انها ضعيفة و كأنها بتشد حاجة وراها ... ساعات تانية أدور و أطلع أحسن من العربيات اللي حواليا !!
المشكلة بتحصل بالذات أما يكون مؤشر البنزين قرب للمنتصف و تفضل كده لحد ما أمونها تبقى كويسة جدا أول 100 كيلو
حاجة كمان.. فيها رجة في الدركسيون و التابلوه خاصة في الطلعة و أما أسيب دواسة البنزين بسمع تكتكة حتى لو سخنتها كويس
أما بجيب 80 بلاقيها بتعوم و مش مسيطرة عليها كويس
ياريت لو حد عنده تفسير منطقي يفيدنا :)

اللي اقدر افيدك فيه
انها فعلا عندي معظم الاوقات الوحشة بعد150كيلو من التفويله لما يقرب من النص وينزل تحته دي لاحظتها ولما تكون مش مسخنها كويس ممكن تعمل حركة زي دي او لو ماشي في حر جامد بتبقي مخنوقة
بالنسبة لما توصل80 الدركسيون يرج دي بتبقي عايزة ترصيص وغالبا بيحصل بعد ما يتم تغيير كاوتش عند صنايعي علي قدة فبيبوظ الترصيص ولو وانتي ماشية بتحدف يمين او شمال بتبقي عايزة ضبط زوايا
والمهندسين الافاضل يفيدوكي في الباقي

[lidosasa]

أنا كمان معايا ماروتي 2008 و كتير أوي بحس انها ضعيفة و كأنها بتشد حاجة وراها ... ساعات تانية أدور و أطلع أحسن من العربيات اللي حواليا !!
المشكلة بتحصل بالذات أما يكون مؤشر البنزين قرب للمنتصف و تفضل كده لحد ما أمونها تبقى كويسة جدا أول 100 كيلو
حاجة كمان.. فيها رجة في الدركسيون و التابلوه خاصة في الطلعة و أما أسيب دواسة البنزين بسمع تكتكة حتى لو سخنتها كويس
أما بجيب 80 بلاقيها بتعوم و مش مسيطرة عليها كويس
ياريت لو حد عنده تفسير منطقي يفيدنا :)

لو فيه صوت تكتكة بيحصل بعد ما تسيبى بنزين وبتحسى بيه جاى من تحت العربية ( من تحت الموتور بالذات ) يبقى الشكمان واخد طوبة أو خبطة ومحتاج يتلحم عند أى فنى شكمانات وإنتى واقفة ب10 أو 20 جنيه .... بس خدى بالك وإنت داخلة عنده عشان الفتحة اللى بتبقى معمولة فى الآرض يشتغل منها متقعيش فيها ولو حسيتى إنك مش حتعرفى تضبطيها خلى الفنى هو اللى يدخلها ويطلعها ( مش عيب خالص ) كنت بعملها لحد ما اتمكنت من السواقة كويس

[scientist9508]

بسم الله الرحمن الرحيم

الإخوه الأفاضل جميعآ

لقد إنتظرت حتى أقرأ جميع كتابات و شكاوى و ردود الجميع. و أحب قبل أن أبدأ أن أخبر الجميع أننى عندى ماروتى (إشتريتها على الزيرو) منذ 5 سنوات و عداد الكيلومتر تجاوز ال 90000 كم و متجه إلى 95000 كم وكذلك مررت بكل تجارب الصيانه من التوكيل و الصنايعيه فى الورش.

مع كل إحترمى للجميع إليكم الأسباب التى تجعل الماروتى قد تتباطأ أحيانآ

1 - السياره محمله
2 - الكاوتش يعمل بضغط هواء منخفض
3 - البنزين المغشوش (مثل خلط بنزين 80 مع بنزين 92)
4 - ماسورة تغذية المحرك بالوقود أو فوانى الكاربوراتير مسدوده جزئيآ
5 - عدم وصول المحرك إلى درحة حرارة التشغيل (التسخين الغير جيد للسياره)
6 - تأخير تغيير طقم الكهرباء
7 - تأخير تغيير فلتر البنزين
8 - فلتر الهواء المتسخ
9 - إنخفاض كفاءة الموبينا
10 - إستخدام شموع إحتراق غير الموصى بإستخدامها (يحدث هذا مع بعض الأنواع و ليس كلها)
11- أن تكون فرامل اليد مشدوده جزئيآ
12 - خلط بنزين 80 مع بنزين 90 أو 92 داخل خزان الوقود
13 - إنخفاض كفاءة الدبرياج
14 - إنخفاض كفاءة كابلات الباور (من الموبينا و حتى البوجيهات)
15 - إستخدام طقم كهرباء غير الأصلى

ليس ضروريآ أن يجتمع عندك ال15 سبب لتتباطأ السوزوكى و إنما يكفى أن يكون عندك إحتمال واحد فقط من ال15 إحتمال السابق ذكرهم

أتمنى أن يكون فى كلماتى إجابه أو مساعده لكل من يبحث عن حل

هداكم الله جميعآ لأرشد أمركم

السلام عليكم و رحمة الله و بركاته

[elpilot]

بسم الله الرحمن الرحيم

الإخوه الأفاضل جميعآ

لقد إنتظرت حتى أقرأ جميع كتابات و شكاوى و ردود الجميع. و أحب قبل أن أبدأ أن أخبر الجميع أننى عندى ماروتى (إشتريتها على الزيرو) منذ 5 سنوات و عداد الكيلومتر تجاوز ال 90000 كم و متجه إلى 95000 كم وكذلك مررت بكل تجارب الصيانه من التوكيل و الصنايعيه فى الورش.

مع كل إحترمى للجميع إليكم الأسباب التى تجعل الماروتى قد تتباطأ أحيانآ

1 - السياره محمله
2 - الكاوتش يعمل بضغط هواء منخفض
3 - البنزين المغشوش (مثل خلط بنزين 80 مع بنزين 92)
4 - ماسورة تغذية المحرك بالوقود أو فوانى الكاربوراتير مسدوده جزئيآ
5 - عدم وصول المحرك إلى درحة حرارة التشغيل (التسخين الغير جيد للسياره)
6 - تأخير تغيير طقم الكهرباء
7 - تأخير تغيير فلتر البنزين
8 - فلتر الهواء المتسخ
9 - إنخفاض كفاءة الموبينا
10 - إستخدام شموع إحتراق غير الموصى بإستخدامها (يحدث هذا مع بعض الأنواع و ليس كلها)
11- أن تكون فرامل اليد مشدوده جزئيآ
12 - خلط بنزين 80 مع بنزين 90 أو 92 داخل خزان الوقود
13 - إنخفاض كفاءة الدبرياج
14 - إنخفاض كفاءة كابلات الباور (من الموبينا و حتى البوجيهات)
15 - إستخدام طقم كهرباء غير الأصلى

ليس ضروريآ أن يجتمع عندك ال15 سبب لتتباطأ السوزوكى و إنما يكفى أن يكون عندك إحتمال واحد فقط من ال15 إحتمال السابق ذكرهم

أتمنى أن يكون فى كلماتى إجابه أو مساعده لكل من يبحث عن حل

هداكم الله جميعآ لأرشد أمركم

السلام عليكم و رحمة الله و بركاته

ماشاء الله رد جميل وشامل كل حاجه شكرا جيزلا لك علي هذا التعب

[دينا]

ههههههههههه لا متقلقش يا باشا كل عربياتنا السوزوكي هنا كده عربية مزاجية و حسب مزاجك لو نزلت يوم قرفان هتلاقيها بطة و لو نزلت مفرفش هتلاقيها طيارة نازل مستعجل هتلاقيها نفاثة
راجع بس ع ضغط الكاوتش و ظبط الصيانات دايما فلاتر و طقم كهربا خاصة البوجيهات و تنضيف الكربراتير
بالنسبة التحميل ده طبيعي كل ما الوزن بيزيد بيبقي حمل ع الموتور و ده في اي عربية بس بتفرق

يعنى لو العربيه لسه مكملتش سنه واستهلاكى ليها محدود اوى

هتحتاج بردوا تنظيف للكربيراتير وطقم كهربا وبوجيهات ؟

وانضف ازاى الكربيراتير دا

[waelgam2005]

كل ده كلام جميل بس نسيتو عوامل الطريق والجو بمعني انك لو ماشي والهوا مقابلك هتحس ان عزم العربيه ضعيف نسبيا وطبعا لو ماشي في طريق كله مطالع هتأثر اوي في سحب العربيه وسرعتها