مشكلة في الماروتي

[ibrahimmcse]

ارجو المساعدة من الخبراء
و انا سايق الماروتي على اخر التاني واول الثالث بسمع صوت تكتكة جاي من قدام لما بسيب البنزين يسكت ومايظهرش قبل سرعة 40 روحت للعفشجي قالي بلية امام وغيرنا البلية ولا كأن حاجة حصلت الصوت زي ما هوا . قالي روح زود زيت الفتيس
زيت الفتيس لسه مغيره من اسبوعين رجعت للراجل بتاع الزيت قالي الزيت تمام مش محتاج يتزود
هل ممكن يكون اما غيرت زيت الفتيس بزيت موبيل 90 عمل كده . انا كنت حاطط قبل كده شل من اللي في الجركن الكبير. يمكن مش واخده على النضافة ؟

[Amr Axel]

بلية ؟؟؟!!!! ما شاء الله عليه
العربية موديل كام و ماشية كام الف ؟؟ و اخر مرة غيرت سير الدينامو امتي ؟؟
و بص في نقشة الكاوتش لو فيه اي زلط او حصي داخل فيه شيله

[ibrahimmcse]

بلية ؟؟؟!!!! ما شاء الله عليه
العربية موديل كام و ماشية كام الف ؟؟ و اخر مرة غيرت سير الدينامو امتي ؟؟
و بعص في نقشة الكاوتش لو فيه اي زلط او حصي داخل فيه شيله

عمرو باشا . العربية موديل 2008 ماشية 60الف
غيرت سير الدينامو من حوالي سنة او حوالي 10الاف
بصيت في الكاوتش مافيش حاجة
الغريب ان الصوت بيبان على سرعة 40 كده لحد 60 وبعدها مابسمعوش يمكن عشان السرعة
حتى لما ببقى ماشي 50 وبشيل رجلي من البنزين مابسمعش الصوت
واحد زميل بيقولي روح لميكانيكي يبص لك على تروس الفتيس

[Mohamed abdelm]

كهرباء روح اكشف على العمه بتاعت البوجيهات وألبوجيهات ممكن يكون واحد بيهرب كهرباء