مشكلة فى الموبينة - ماروتى 2014

[Ahmed Metwally]

فى حوار كده حصل معايا مرتين لغاية دلوئتى
اول مرة كنت فى مشوار وبعد حوالى نص ساعة سواقة وانا ماشى على سرعة 60 تقريباً
لاقيت العربية بطلت فجأة وبدون ماتعمل اى صوت او ى حاجة
فجأة لاقيت العربية بتبطأ لوحدها .. وبعد لحظة كده خدت بالى إنها بطلت
قلت عادى ادورها .. بدور مابتدورش ... يمين شمال .. مافيش اى استجابة
المارش شغال بس حالفة ماتدور
الحمد لله كنت جنب بنزينة
جبت الميكانيكي اللى فيها (وشكله اول مرة يشتغل فى الماروتى)
قعد يقلب فى الكابلات اللى فى الماتور ويفك ويركب
المهم فى الأخر توصل الى انه فك الكابلين (اللى متعلم عليهم فى الصورة) والعربية دارت
بطلت العربية وراح مركبهم تانى .. ودورت .. دارت عادى مافيش اى حاجة
هو قالى انا مش فاهم فى ايه بالظبط.
المهم
انا عديت الموقف وقلت ربنا يستر ويطلع حوار هايف
بعد حوالى 3 اسابيع عملتها تانى معايا
المرة دى انا رحت فاكك الكابلين بنفسي وعملت زى ما الميكانيكى ما عمل ومشيت عادى.

انا عايز افهم بئى فى ايه بالظبط!!
الكابلين دول بتوع ايه؟
وهل كده الموبينة فيها مشكلة ؟
وليه اساساً العربية بطلت؟؟

[ايمن فهمى]

هى كدة شكلها ان الموبينه " بدأت النهاية " والدليل انها لما بتبرد بتدور تانى ودى سهله

ولو عايز تتأكد انها الموبينه هما حاجتين الاولة لون الشرار بتعها اية لو احمر يبقى شكرا والثانيه السحب عامل ايه ولما تيجى تكبس على غيار بتسحب على طول ولا بعد شوية ؟

[dr.hazem]

راجع التوكيل لانك لسا ف الضمان وغالبا الموبينا هتتبدل وحصلت قبل كده مع كذا حد ان الموبينا تموت....
تحياتي

Sent from my mobile using Forum Runner

[scientist9508]

الموبينا الإلكترونى الجديده ب 85 جنيه . . . لا تحتاج لوجع قلب من جهة التوكيل

[Ahmed Metwally]

العربية لسه ماعملتش 650 كيلو
ولما عملت الحركة دى اول مرة كانت يادوب 150 كيلو

حاجة خنيقة انك تبى جايب عربية زيرو علشان تريح دماغك من اعطال المستعمل
وتلاقى الزيرو محتاج تغير فيه حاجات

[Ahmed Metwally]

هى كدة شكلها ان الموبينه " بدأت النهاية " والدليل انها لما بتبرد بتدور تانى ودى سهله

ولو عايز تتأكد انها الموبينه هما حاجتين الاولة لون الشرار بتعها اية لو احمر يبقى شكرا والثانيه السحب عامل ايه ولما تيجى تكبس على غيار بتسحب على طول ولا بعد شوية ؟

موضوع السحب ده بحالات
ساعات تبئى عادى .. وساعات احس انها مكتومة وبتقوم بالعافية لدرجة انى بجيب اخر البنزين.
هو انا مش مستريح للسحب بتاعها بس مقدرش احكم اذا كان ده عيب ولا هى الماروتى كدة اساساً

[ايمن فهمى]

موضوع السحب ده بحالات
ساعات تبئى عادى .. وساعات احس انها مكتومة وبتقوم بالعافية لدرجة انى بجيب اخر البنزين.
هو انا مش مستريح للسحب بتاعها بس مقدرش احكم اذا كان ده عيب ولا هى الماروتى كدة اساساً

بص ياباشا
هقولك نصيحه انا عملتها بعد شهرين عذاب
غير الموبينه ودى ثمنها مش غالى من غير توكيل ولا ديولو
لو العربيه اتصلحت خير وبركه
لو لاقدر الله ماتصلحتش بقا معاك موبينه اسبير للظروف
بس والله انا خدت القرار دة قبلك وفعلا العربيه فرقت معايا كتييييييييييييييييييييييييييييييييير
وياريت تجيب الموبينه الجافه ( الالكترونى ) هى الافضل

[دينا]

هى ايه الموبينا دى ياجماعه