الاقي فين سلك بوجيهات سوزكي التو

[m3taha]

الاقي فين سلك بوجيهات سوزكي التو 800 مو 2008
لفيت في صلاح الدين (الأسكندريه ) اكثر من عشره محلات معندهاش
محل واحد مش فاكر اسمه ايه قالي ب 285جنيه ؟؟؟؟؟؟!!!!!!!!
الاقيها فين وبكام في القاهره

[al_manara]

التوفيقية .
واول احمد حلمي شبرا مصر . من ناحية رمسيس كلها محلات سوزوكي .

[exact]

محلات ميدو للسوزوكي في أحمد حلمي... ده المستورد الأساسي لقطع غيار السوزوكي... وله جروب عالفيس كبيرة... وابحث عن (جروب ميدو للسوزوكي)... وانا من زباينه القدام لدرجة الناس فاكراني شغال معاهم
وله فرع في اسكندرية اسمه مركز اليوسف لقطع الغيار

[scientist9508]

بسم الله الرحمن الرحيم

أسلاك البوجيهات من قطع الغيار التى تؤثر على أداء الموتور كما أنها تؤثر سلبآ على الموبينا لو كانت خامتها سيئه لذلك لا أنصح إلا بالأصليه.

أنا عندى ماروتى منذ 5 سنوات و خلال هذه السنوات الخمسه لم أغير أسلاك البوجيهات سوى مره واحده و إستبدلت القديمه بالأصليه من التوكيل (منفذ بيع قطع الغيار الكائن فى شارع المساحه بالدقى).

ركب الأصليه و إنساها

وفقك الله لخير أمرك

السلام عليكم ورحمة الله و بركاته

[m3taha]

شكرا على الردود
بس محدش قالي السعر كام

[Abo_Mazen]

[color="rgb(255, 140, 0)"] أكيد لاقيتها في صلاح الدين عند ناصر عبد الجواد ..أو راشد سنتر ..بس نصيحه ..أسلاك البوجيهات يا تتجاب أصلي ..يا إما بلاش ..لإنها ممكن تهينلك العربية إهانة كبيره ..وتدخلك في متاهات عجيبه مريبه وممكن تكرهك في العربية وتبيعها ..هاتهم أصلي حتى لو إستيراد ..هاتهم أصلي حتى لو بستميت جنيه ..وبعدين الألتو من العربيات اللي خلقها ضيق قووووووووووووي ..ومتحبش حد يضحك عليها ..يعني من الآخر ..إديها حاجتها اللي هي عايزاها عشان متقلش معاك ..نصيحه من أخوك المجرب المتبهدل قبل كده..آه قبل ما أنسى ..شوف عند ياسين في فلمنج ..وفي الغالب هتلاقيه أغلى من ناصر ومن راشد ..أو ممكن تشوفهم عند محمد يوسف في العوايد وده هتلاقيهم عنده إستيراد ..لو عايز تليفونات أيا من ياسين أو محمد يوسف إبعتلي على الخاص[/color]