ألتو ولا باندينو

[ismail.dakrory]

السلام عليكم ورحمة الله وبركاته

الاتنين بنفس السعر تقريباً ... (الجيلي الأساسية أرخص شوية كمان) ، والصيني معروف طبعاً بالأوبشنز الكتير والامكانيات والدلع الكتير ، بس في الآخر صيني والناس بتقول ابعد عن الصيني .

قلت اسأل الخبراء اللي هنا رأيكم إيه ؟

[Ayman_Amer]

قارن ببن التو وسايبا برايد
واخرج باندينو من المعادلة تماما

[hamo81]

الألتو أفضل منتشرة أكتر من الباندينو

[shiko85]

السلام عليكم ورحمة الله وبركاته
وعليكم السلام ورحمة الله وبركاته
الاتنين بنفس السعر تقريباً ... (الجيلي الأساسية أرخص شوية كمان) ، والصيني معروف طبعاً بالأوبشنز الكتير والامكانيات والدلع الكتير ، بس في الآخر صيني والناس بتقول ابعد عن الصيني .
قلت اسأل الخبراء اللي هنا رأيكم إيه ؟
انا كان عندى عربيه جيلى فروته اخويا اشتراها زيرو 2006 و انا خدتها منه 2009 و بعتها 2012
عيوب العربيه الرئيسيه كان التوكيل لانه كان كسول جدا و تريقه الناس على اسم العربيه و على انها صينى لان الصينى كان مش منتشر زى دلوقتى (نفس اللى حصل زمان فبداية العربيات الكورى)
العربيه فالـ 6 سنين تعتبر بدون اعطال
اتغير فالـ 6 سنين مساعدين - بليه و اسطوانه و العيب كان عيب من سواقتى - كبالن
كل حاجه كانت شغاله بكفاءه لحد ما بعتها
صاج محترم و قوى بشهاده السمكرى
نرجع للمقارنه بين الــ ألتو وباندينو
اعتقد المقارنه هتكون فعده نقاط
الأنتشار - قوه الماتور - الكماليات - قطع الغيار - سعر اعاده البيع
لو حضرتك مش هتبيع قريب او متقبل ان فوقت البيع سعر العربيه الباندينو ممكن يقل عن سعر اعاده بيع الألتو (و ممكن لأ على حسب ظروف السوق فالوقت ده) و متقبل ان قطع الغيار ممكن تكون اغلى شويه (انا مش عارف اسعار قطع غيار الباندينو ايه بس بفرض انها اغلى) يبقى اشترى باندينو و استمتع بالكماليات اللى فيها و بالحجم الأكبر و الشكل الاحدث و فرق الفوس

[ismail.dakrory]

معرفش أي حاجة عن سايبا برايد دي ... أول مرة أسمع عنها أساساً ... دي غير كيا برايد ؟

[ismail.dakrory]

shiko85 ألف شكر ... كلام جميل .

[ismail.dakrory]

صحيح أنا كنت سمعت إن فيه مشاكل في موديل باندينو الجديد ... هل ده صحيح ؟

[S O P H O S]

الاحسن من الاثنين تجيب a113
استعمال نظيف

[J A G U A R]

التو افضل فى رأيي

[mirra]

الالتو افضل اكيد...ابعد عن الصينى و غبووور

[k@ri!i!m]

ألتو

[bassemali]

التوب بتاع الفئه دي هيا الاسبرانزا a113 ولا التو ولاباندينو ..

[ismail.dakrory]

والله ياباشا انا رسيت دلوقتي على اي ١٠ مستعملة او لانوس مستعملة.