حد يفيدني في كماليات الماروتي ؟

[naglaa mohamed]

انا لسه شاريه العربيه زيرو وعاوزه اركبلها شويه كماليات ومحتاره اعملهم في التوكيل ولا خارج التوكيل وهل ده هيخرجني من الضمان ؟ انا سألت علي الانذار والسنتر لوك في التوكيل ب 770 جنيه والكاسيت 450 جنيه بس معرفش ده بالسماعات ولا من غير والزجاج الكهرباء مش موجود في التوكيل ولو عملتوا خارج التوكيل يخرج ضفيره الكهرباء من الضمان

فياريت تفيدوني عاوزه اعرف ( انواعها / اسعارها / اماكن بيعها ) لو خارج التوكيل (الانذار / السنتر لوك / زجاج كهرباء / تسجيل وسماعات )

[ahmedalaahosny]

في الحقيقه حضرتك مش هتحتاجي ضمان ضفيره الكهربا ف حاجة اساسا التوكيل مستواه ف الشغل مش قد كده بالنسبه لشغل الكهربا (تركيب سنتر لوك او انذار او غيره ) عشان له الواحد بيشتري دماغه وحتي يعني ايه سنتر لوك وانذار ب ٧٠٠ جنية ليه هو هيخلي العربية تطير ؟؟ انا شايف ان لو حضرتك هتركبي بره فعندك من اماكن الشراء وتركيب الكماليات شارع دمشق مليان محلات السجان وغيرة وفية محل مرسى أسأل علية سعرة حنين شوية الشارع مليان محلات و فى ميدان الحجاز امام عمر افندى مجدى كلاريون محل كبير و برده محل أدريان مدينة نصر وهو فى شارع النصر بعد دالر الامداد والتموين وعلى شمالك الناحية الاخرى بنك عودة ناصية مكرم عبيد

[naglaa mohamed]

ahmed alaa hosny
متشكره جدا لاهتمام حضرتك بالرد عليا ( انا خلاص قررت اركب الانذار - السنتر لوك - الكاسيت و السماعات ) خارج التوكيل بس محتاجه اعرف الانواع والماركات الكويسه للحاجات دي .

[ahmedalaahosny]

لا شكر علي واجب يافندم تحت امرك بالنسبه لموضوع الانواع السنتر والانذار عن تجربه انضف نوعين ال spy 2 way ونوع تاني مجربه اسمه walf ده ممتاز وسعره بيبتدي من ٢٠٠ جنية وطبعا سعره بيختلف باختلاف الامكانيات والموديل وانا فضلته قبل مااركبه لان عليه ضمان ٥ سنين والسنتر في نوع تايواني انا فاكر انه تقريبا كان فرده السنتر ب ٢٥ جنية يعني كده العربية كلها ب١٢٥ جنية بس غالبا السعر هيبقي ازيد من كده حاجة بسيطه اما الكاسيت والسماعات وده برده راجع لحضرتك من حيث الميزانية مع حضرتك كام ؟ وحضرتك عايزة الصوت عادي ولا طالبه مواصفات معينة للصوت اللي طالع ؟

[naglaa mohamed]

انا خلاص قررت بأذن الله اجيب انذار وسنتر لوك من وولف انا جبت نمرتهم واتصلت بيهم قالولي الانذار 215 ج والسنترلوك 100 ج وضمان خمس سنوات وسمعت ناس بتشكر في تسجيل وسماعات ( كينوود او سوني ) بس مش عارفه اماكن شرائهم وتركيبهم ؟ هوه بالنسبه للميزانيه فهيه كده كده وسعت مني علي الاخر فبالمره الواحد يجيب احسن حاجه وسمعت ناس في المنتدي بتتكلم عن انه لازم يتعمل رف للسماعات ويتنجد لان الرف اللي في الشنطه مش هيستحمل السماعات وده كمان مش عارفه بيتعمل فين ؟ وهل ينفع اعمله عند اللي هيعملي فرش العربيه ولا ايه ؟ وسؤال اخير هوه انا هطر اشيل الرف اللي في العربيه ولا هيتركب فوقيه ؟
انا اسفه اسئلتي كتير بس اصلي معنديش خبره في الحاجات دي لانها اول عربيه ليا ومعنديش حد بيفهم في الحاجات دي

[Amr Axel]

اي حاجة هتعمليها برة التوكيل هتخرج العربية من الضمان
بالنسبة الكماليات خارج التوكيل
ازاز كهربا هيكلفك حوالي 400 ج
انذار و سنتر مفيش غير وولف و وكيلهم في اخر ش جسر السويس ورا اسواق القنال السنتر 80-100 و الانذار في حدود 200
بالنسبة الساوند سيستم هيد يونت سوني او بايونيير و السماعات يا بايونيير او كينوود 400 وات اي واحد نوع منهم الهيد يونت يفضل سي دي و فيه وصلة و فلاشة و ده مش هيقل عن 400-500 ج و السماعات بتكم في 200-300 ج
و يفضل تغيري الرف الخلفي برف mdf هيكلف حوالي 80 ج لأنه اقوي من الحالي و ينفع يبقي متحرك مع باب الشنطة اما الرف الحالي ضعيف شوية

[naglaa mohamed]

الاول شكرا لك يا استاذ Amr Axel بس انا مش فاهمه يعني ايه ( هيد يونت ) ؟ والتسجيل والسماعات ( كينوود و سوني ) الاقيها بتتباع فين بتركيبهم ؟ طيب وبالنسبه للرف ال mdf ده بيتعمل فين ؟ وهل ينفع اعمله عند اللي هيعملي فرش العربيه ولا بيتعمل في اماكن تانيه ؟

[dadofranz]

انا خلاص قررت بأذن الله اجيب انذار وسنتر لوك من وولف :m_yes[1]: انا جبت نمرتهم واتصلت بيهم قالولي الانذار 215 ج والسنترلوك 100 ج وضمان خمس سنوات وسمعت ناس بتشكر في تسجيل وسماعات ( كينوود او سوني ) بس مش عارفه اماكن شرائهم وتركيبهم ؟ هوه بالنسبه للميزانيه فهيه كده كده وسعت مني علي الاخر فبالمره الواحد يجيب احسن حاجه وسمعت ناس في المنتدي بتتكلم عن انه لازم يتعمل رف للسماعات ويتنجد لان الرف اللي في الشنطه مش هيستحمل السماعات وده كمان مش عارفه بيتعمل فين ؟ وهل ينفع اعمله عند اللي هيعملي فرش العربيه ولا ايه ؟ وسؤال اخير هوه انا هطر اشيل الرف اللي في العربيه ولا هيتركب فوقيه ؟
انا اسفه اسئلتي كتير بس اصلي معنديش خبره في الحاجات دي لانها اول عربيه ليا ومعنديش حد بيفهم في الحاجات دي

ياريت لو تقدري تديني تليفون وولف علشان عايز اسأل على حاجات في السنتر عندي

[naglaa mohamed]

ده الموقع بتاعهم :: Wolf Egypt ::
ودي ارقام تليفوناتهم 26234729 , 26239571

[dadofranz]

ده الموقع بتاعهم :: Wolf Egypt ::
ودي ارقام تليفوناتهم 26234729 , 26239571

جزاك الله خيرا