صوت الماروتي بيعلي لوحده

[waelgam2005]

ياجماعه عندي مشكله مش لاقي ليها حل وهيا اني كل ما اسافى بالعربيه او امشي بيها مشوار طويل القي العرببه صوتها بيعلي لوحده علي الصلانسيه زي مايكون دايس علي دواسه البنزين او رافع الشفاط والمشكله دي كانت عندي قبل كدا ووديتها لميكانيكي وظبط مسمار الهوا واتعدلت جيت النهارده عملت نفس المشكله والصوت كان عالي جدا وانا علشان انقذ الموقف شويه فكيت مسمار اللي هوا جمب مسمار الهوا بتاع البنزين والصوت قل شويه بس العرببه مش مظبوطه وكل ما امشي بيها صوتها يعلي تاني وانا مش فاهم ده من ايه
علي فكره انا لسه مغير طقم الكهربا كله وفلتر الهوا وعربيتي ماروتي 2012 وعامله 39 الف

[lidosasa]

الصوت بس هو اللى بيعلى ولا كأنك دايس بنزين والعربية بتجرى وتنط منك

[waelgam2005]

الاتنين الصوت بيعلي اكني بالظبط دايس بنزين

[lidosasa]

حصلت معايا قبل كده من أثر شد الشفاط اثناء تدوير العربية
السلك بتاع بوابة البنزين بيعلق ويفضل فاتح البوابة سنة صغيرة كأنك شادد الشفاط ... رحت لميكانيكى مد إيده تحت عمة الموتور وقفل البوابة كويس وحط زيت على السلك عشان ميعلقش تانى وأخد 10 جنيه

[waelgam2005]

ماهو انا شكيت برضه في الشفاط وقولت اجرب ارفع الشفاط كدا شويه اشوف صوت العربيه هيعلي ولا لا لقيته علي يبقي معني كدا الشفاط مش معلق وعلي العموم لو تقولي فين مكان واير الشفاط فين بالظبط وارش عليه سبراي wd لان انا بشوف اكتر من واير ورا العمه ومش عارف انو واحد اللي اعرفه هوا السوسته اللي متوصله بواير لما اعوز ازود بنزين بزود منها

[dr.hazem]

في جلده سوده بتبقى في آخر واير البنزين ساعات بتفك لوحدها وتعمل كده بالظبط وبتترد بالايد في ثانيه وبتنتهي المشكلة...
كنت زمان مصورها هحاول اشوفبكم الفيديو....
تحياتي

Sent from my mobile using Forum Runner