سوزوكى سويفت 2015 ( للى بيفهم فى المكانيكة )

[Sherifafifygal]

عربيتى لسة جديدة و مش رخصت لسة و المفروض انى ارخص بكرة و انا اكتشفت فيها مشكلة بس لضعف خبرتى فى المكانيكا مش قادر احدد هل هى مشكلة تستوجب انى اغير العربية خصوصا انا لسة فى مهلة 14 يوم و اللى اعديها و ارخص و بعدين اروح للتوكيل

المشكلة باختصار ان العربية ساعات بتقف فاجئة و مش تشتغل بعدها كما لو البطارية مش موجودة فى العربية و النور و الاشارات فى التابلوة بيقفل و بعد شوية اجرب تشتغل

حصلت معاية مرتين امبارح و من يومين حصلت معاية بردة


منتظرك تفاعلكم ضرورىىىىىىىىىىى

[mohamed hussei]

اطلع علي توكيل في الغالب ممكن تبئا بطارية او قطاش مش مربوط كويس

[mohammed_m]

يا ريت تقولنا رايك فى العربية ولو رحت التوكيل تقولنا درجة اهتمامهم بالمشكلة و التعامل
و الف مبروك

[mohamed ez]

استاذ شريف يارب تكون مشكلتك اتحلت .. حضرتك اشتريتها منين؟ معرض وﻻ التوكيل ولو ممكن تفيدنى بارقام تليفون

[Sherifafifygal]

ألحمد لله يا شباب المشكلة اتحلت هى فعلا اشاط بطارية كانت ملمسة و لما قفلتها كويس كل شئ بقى تمام

بس بردة هاعمل عبيط و اروح التوكيل علشان اشوف خدمتهم شكلها اية و افيد الجميع بعد العيد ان شاء المولى عز و جل

و العربية و الله محترمة جدا و فعلا صفقة رابحة

[bondokk]

الحمد لله المشكله طلعت بسيطه .. في انتظار تقييمك لاداء السياره ,, والف مبروك

[scientist9508]

بسم الله الرحمن الرحيم

الأخ الفاضل شريف

أنا متشوق جدآ لمعرفة تقييم حضرتك فى هذه السياره التى أخذت أنظار الجميع منذ لحظه وصولها مصر. و أريد أن أطلب من حضرتك على إستحياءأن ترفق صور حيه لسيارتك

السلام عليكم و رحمة الله و بركاته

[S O P H O S]

ياريت يا باشا تعملنا تقيم للعربية
لان في ناس كتير متحمسة للشراء

[Sherifafifygal]

أنا شايف ان فعلا فى ناس مهتمة بيها جدا ووعد منى شخصى انى هاستغل اربع ساعات من وقتى علشان اصور كل جزئ من العربية يوم السبت حتى الماتور و الكاتالوج و الشكل الخارجى و الداخلى و هاقيمها وفقا لمفهومى الضيق فى المكانيكا و هارجع لمعاليكم فيها

و انا ارحب باى حد حابب يشرفنى فى اكتوبر و يتفضل يجربها و انا تحت امر الجميع لان بصراحة انا قابلت ناس محترمة جدااااااااااااااااااااااااااااااااااااااااا فى المنتدى دة و انا اشكرهم بجد على حسن معاملتهم معاية

انتظروا ان شاء الله التقيم الكامل يوم السبت المقبل

[شريف]

أنا اشترتها من معرض الطارق قى السادس من اكتوبر و معرض زبالة و معفن و ملوش اى قيمة و مش انصح اى حد يشترى من هناك

لمعلومات الجميع انا حاجز واحد عند القرش بالسعر الرسمى و استلامى فورى لو حد بجد عاوزة يبلغنى و انا اتواصل معاة و انقل الحجز باسمة ان شاء الله و من غير اوفر بريز

السعر الرسمى 98900 و انا اشتريتها ب 99000 و حاجز فى القرش ب 98500

ان شاء الله ناوى الغى الحجز و اسحب 1000 جنية يوم السبت القادم ياريت اللى عاوزها يلحقتنى

لو القرش هيسلمهالك فوري انا ممكن اخد الحجز بتاع حضرتك
بس لو هيسلمها علي طول مش هستني شهرين مثلا

[Ahmed Shams]

استاذ شريف انا مستعد لو حضرتك ممكن تنقل الحجز و ممكن و كيف نتواصل مع حضرتك

[A.Saad]

مبروك العربية
انا جارك فى اكتوبر
واى خدمة تحت امرك

[Ahmed Shams]

استاذ شريف انا جاد جدا في موضوع نقل الحجز و مش عارف اتواصل مع حصرتك ازاي ده رقمئ لو حضرتك تكلمني او ابعتلي رقمك للتواصل و التنسيق و شكرا 01227981415

[mohammed_m]

استاذ Sherifafifygal
الف مبروك
انا كمان بفكر فى العربية دى بس المشكله اللى قلقنى ان عربيات سوزوكى مش منتشرة زى الماركات الاخرى
كمان لو العربية دى لو مش حققت انتشار كويس هل حيبقى صعب بعد كده صيانتها و قطع غيارها
منتظر التقرير اللى سيادتك قولت عليه حول العربية
وبعد تجربتك للسيارة هل هى تستحق

[shedoz]

أنا شايف ان فعلا فى ناس مهتمة بيها جدا ووعد منى شخصى انى هاستغل اربع ساعات من وقتى علشان اصور كل جزئ من العربية يوم السبت حتى الماتور و الكاتالوج و الشكل الخارجى و الداخلى و هاقيمها وفقا لمفهومى الضيق فى المكانيكا و هارجع لمعاليكم فيها

و انا ارحب باى حد حابب يشرفنى فى اكتوبر و يتفضل يجربها و انا تحت امر الجميع لان بصراحة انا قابلت ناس محترمة جدااااااااااااااااااااااااااااااااااااااااا فى المنتدى دة و انا اشكرهم بجد على حسن معاملتهم معاية

انتظروا ان شاء الله التقيم الكامل يوم السبت المقبل

فى انتظاااااااااااااااااار التقرير المصور لحضرتك عشان كلنا نستفيد وشكرا على ذوقك ربنا يباركلك فيها ويديك خيرها ويكفيك شرها يارب