بحمد لله استلمت سوزوكي سويفت 2015 هاتشباك

[أبو سهيل]

ألف مبروك و بارك الله لك فيها و عوضك خيرا عما حدث في السيارة
ممكن سؤالين الاول التكييف أخباره ايه مع الهربيه 1200 سي سي
الثاني تكلفة الصدمه التي في السيارة يعني الاكصدام بكام
و وفقك الله لما يحب و يرضي

[D . a .\ AYMAN]

ألف مبروك و بارك الله لك فيها و عوضك خيرا عما حدث في السيارة
ممكن سؤالين الاول التكييف أخباره ايه مع الهربيه 1200 سي سي
الثاني تكلفة الصدمه التي في السيارة يعني الاكصدام بكام
و وفقك الله لما يحب و يرضي

أنا لغاية دلوقتي ماشي بالتكييف طول الوقت نظرا لحرارة الجو ... مشيت بيها مرة بالليل من غير تكييف ما حسيتش بفرق جامد ... وفي كلا الحالتين السحب بتاعها كويس جدا ... مع ملاحظة إني لسة مش بشد بيها وطلعتي دائما بتكون بالراحة .. بس لما الواحد بينسى ويدوس جامد من غير ما ياخد باله بتتطلع كويس جدا ... يمكن زي البروتون كمان ... وده المفروض المتوقع ... لأن العربية وزنها خفيف ومناسب جدا للموتور

بالنسبة للإكصدام لما سألت عليه في التوكيل قالي سعره 450 جنيه ... وطبعا أنا قلت كدة لسة من غير الرش ومن غير مصنعية التركيب ... لما سألته تاني فوجئت إنه كدة بالرش وبالتركيب وكل حاجة ... طبعا أنا لسة مش مصدق بس لو كدة فعلا يبقى سعره كدة ممتاز جدا على اعتبار إنه الأصلي

مع ملاحظة برضه إن على جروب ميدو سوزوكي على الفيس كان كاتب إن الإكصدام سعره 600 جنيه !!!!

[elsharkawy20]

أنا لغاية دلوقتي ماشي بالتكييف طول الوقت نظرا لحرارة الجو ... مشيت بيها مرة بالليل من غير تكييف ما حسيتش بفرق جامد ... وفي كلا الحالتين السحب بتاعها كويس جدا ... مع ملاحظة إني لسة مش بشد بيها وطلعتي دائما بتكون بالراحة .. بس لما الواحد بينسى ويدوس جامد من غير ما ياخد باله بتتطلع كويس جدا ... يمكن زي البروتون كمان ... وده المفروض المتوقع ... لأن العربية وزنها خفيف ومناسب جدا للموتور

بالنسبة للإكصدام لما سألت عليه في التوكيل قالي سعره 450 جنيه ... وطبعا أنا قلت كدة لسة من غير الرش ومن غير مصنعية التركيب ... لما سألته تاني فوجئت إنه كدة بالرش وبالتركيب وكل حاجة ... طبعا أنا لسة مش مصدق بس لو كدة فعلا يبقى سعره كدة ممتاز جدا على اعتبار إنه الأصلي

مع ملاحظة برضه إن على جروب ميدو سوزوكي على الفيس كان كاتب إن الإكصدام سعره 600 جنيه !!!!

450 بس !!! ده بجد ؟؟ ياريت لو حضرتك تتأكدلنا من اسعار قطع الغيار لو حضرتك روحت !

[Shiemaa]

هي مش في الضمان هو الضمان مش بيصلحها ؟

ولا التامين بس ؟

صحيح بالنسبة للتامين ايه نظامه لو حبيت اامن عليها

[أبو سهيل]

و الله يا دكتور أسلوب المحترم و سرعة ردك علي الطلبات و الأسئله خير إعلان للسيارة بارك الله فيكم المفروض التوكيل يعملك خصم كبير علي الصيانه و قطع الغيار
بارك الله فيك و أهلك و مالك و سيارتك و نصر الله المسلمين

[D . a .\ AYMAN]

هي مش في الضمان هو الضمان مش بيصلحها ؟

ولا التامين بس ؟

صحيح بالنسبة للتامين ايه نظامه لو حبيت اامن عليها

الضمان مالوش دعوة بالحوادث ... الحوادث يبقى تأمين ضد الحوادث .. ولو ناوية تأمني عليها يبقى محتاجة لفة على شركات التأمين وتشوفي إنهي الأفضل

وإن كان من خلال تعاملي مع كذا شركة تأمين كلهم زي بعض ... مقرفين ... وكان أفضل شركة مقرفة فيهم قناة السويس للتأمين

و الله يا دكتور أسلوب المحترم و سرعة ردك علي الطلبات و الأسئله خير إعلان للسيارة بارك الله فيكم المفروض التوكيل يعملك خصم كبير علي الصيانه و قطع الغيار
بارك الله فيك و أهلك و مالك و سيارتك و نصر الله المسلمين

والله قلتلهم فعلا إني عملهم دعاية كبيرة جدا على النت والمفروض آخد خصم على العربية بس عملوا ودن من طين وودن من عجين

[Shiemaa]

ههههههههه ايوه فعلا المفروض كانو يظبطوك انشالله بفردك كاوتش حتي هههههه

[dr_samora]

لو العربيه تقسيط يبقي لازم تامين
التامين بيتكلف كام ؟

[D . a .\ AYMAN]

لو العربيه تقسيط يبقي لازم تامين
التامين بيتكلف كام ؟

التأمين بيتحدد حسب الشركة

بس الشركات الرخيصة ممكن تقول بتتكلم في 2.5 % سنويا من القيمة التأمينية .. سعر السيارة مثلا في اغلب الأحوال

والشركات الغالية ممكن تتكلف في حدود 4 % في قيمة السيارة

التفاصيل بتفرق بقى حسب العقد والشروط بتاعة كل شركة

[Adnfalcon]

ما شاء الله عربيه مباركه عليك وربنا يحميك من العين

[Shiemaa]

علي فكرة التامين ع العربية مهم جداااا

من تجربة لينا شخصيا من فترة عملنا حادثة بالعربية وكانت سيراتو وكان لسه التامين خلصان للاسف الحمد لله

الحادثة كانت كبيرة وكان صعب تصليحها بره التوكيل وفي التوكيل كانت هتكلف كتير جدا اصلا بره التوكيل كانت محتاجة ٤٠ الف ع الاقل

فمابالكم جوه التوكيل والكلام ده كان من سنتين تقريبا !!

علشان كده انا عندي عقد من حاجات زي ان العربيه لازم يكون فيها ايرباجز وabs واامن عليها ان شاء الله قبل مركبها فلوس التامين مش خسارة

فيها وفي شركة واحدة صحبتي اشتركت فيها بتامن ع العربيه ١٠٠٪ في حالة السرقه بعد الشر المنتشرة طبعا

وربنا يستر ويكفينا شر الطرق

[ahmed_mabroukk]

السلام عليكم و رحمة الله و بركاته

اولا الف مبروك و ربنا يباركلك فيها انشاء الله
ثانيا : انا دفعت حجز امبارح 5000 جنيه و قالى الاستلام خلال 6 شهور بس فى ف الايصال ملحوظة ان السعر قابل للزيادة او النقص هل ممكن لحد ماجى استلم الاقى سعرها زاااد
و هل معرض القرش منزلها بنفس السعر بدون زيادة و هو 98.500 جنيه
و شكرا

[D . a .\ AYMAN]

اولا الف مبروك و ربنا يباركلك فيها إن شاء الله
ثانيا : انا دفعت حجز امبارح 5000 جنيه و قالى الاستلام خلال 6 شهور بس فى ف الايصال ملحوظة ان السعر قابل للزيادة او النقص هل ممكن لحد ماجى استلم الاقى سعرها زاااد
و هل معرض القرش منزلها بنفس السعر بدون زيادة و هو 98.500 جنيه
و شكرا

بالنسبة للشرط بتاع زيادة السعر دلوقتي كل التوكيلات بتحط الشرط ده ... لأن قبل كدة كان بيترفع عليهم قضايا إنهم زودوا السعر دون الرجوع للعميل بعد تحديد السعر معه وكان عدم وجود الشرط ده بيعملهم مشاكل لما يحبوا يرفعوا السعر في أي وقت

بس لا أعتقد سعرها ممكن يزيد في الفترة اللى جاية دي إلا لما العربية تسمع في السوق وتعمل معدل انتشار كويس ... ويبقى الناس عايزينها حتى لو سعرها زاد ... لو عمل غير كدة يبقى غبي ... لأنه لو رفع السعر دلوقتي يبقى بيخاطر بخسارة جزء كبير جدا من الناس اللى كانت هاتشتري العربية لمجرد إن سعرها أقل من اللى حواليها لكن هما ولا يعرفوها ولا يعرفوا عنها حاجة ... لأن العربية للأسف لسة في ناس كتير مقلقة منها عشان عدم الانتشار

بالنسبة لسعر العربية في القرش ... معرفش بصراحة بس أعتقد صعب قوي يكون منزلها بنفس سعر الوكيل أكيد بيبيعها بأوفر برايس ... لازم تنزل تسأل عليها عنده عموما عشان تتأكد

[sam_777]

مفيش حد سأل عن الكماليات واسعارها اللي ممكن تركب في التوكيل زي الباركنج سنسور ، الكاميرا ، الشاشة ، جهاز الانذار والحاجات دي ؟؟؟

[ahmed_mabroukk]

سالت فى القرش قالى 108.000 و الاستلام خلال اسبوع
انا خايف بعد ما استنى شهوور الاقيها غليت و بقت بنفس السعر دا
ايه رايك اروح اسحب الفلوس و اجبها من القرش ولا اخليها على الل و اخلينى مع مودرن ؟
وشكرا جزيلا