سعر الماروتي 2014 في معرض الطارق مول العرب

[star mido]

في زيارة سريعة امس لمول العرب ب 6 أكتوبر قولت لنفسي اعدي علي معرض الطارق للسيارات ، لقيت عنده سيارات كتير لانه واسع من جوه وعنده موديلات سيارات سوزوكي كلها تقريبا ، المهم قولت اسأل علي السوزوكي الماروتي اللي ناوي اشتريها ان شاء الله ، قاللي هي موديل 2014 سعرها الان 46.000 جتيه مصري ، قولتله طيب ايه الاوبشن اللي نازل معاها ، قاللي عربيه هههه بيستظرف شويه معلشي ( تقريبا بيستهيف اللي بيسأل عليها ) هههههه قولتله يعني ايه مافيهاش اوبشن زي ( انذار والستتر والكاسيت ) قاللي من إمتي هو بينزل معاها حاجه ، قولتله يمكن ، قولتله طيب هو فين موديل 2015 قاللي مافيش ومانزلش لغاية دلوقتي ، قولتله الشركة وقفت انتاجها عشان كده مش هاينزل صح ، قاللي مش عارف ،
شكرته ومشيت ، قولت اقولكوا عشان تعرفوه .

[ashouhdy]

اية السخافة دى بتاعت البياع عالم بقر بصحيح

[midooo_119]

انت مش اول واحد يشتكى منهم

[reda elgohary]

أعمله له بلوك .

[reda elgohary]

ربنا ييسر وتشتريها من مكان أفضل وأرخص .

[merosss]

المعرض دة سمعتة سيئة جدا جرب حضرتك كدة هتلاقى مواضيع كتير فى المنتدى

[khalidawad]

على فكره الماروتى دي عربيه ميه ميه واللى بيتريق ده مش فاهم

[svneleven]

طبعا عربية عملية جدا و حمالة أسية.

[star mido]

فعلا عندكوا حق
وشكرا لردودكم جميعا

[S O P H O S]

برضوا عملوا مشكلة معانا
فنفس المكان