مين افضل سوزوكي ماروتي 2007 ولا سويفت 93

[mgw2007]

انا محتار جداااا
معروض عليا سوزوكي 2007 حالتها كويسة جدااا و سوزكي سوفت 93 و حالتها بردو كويسة
نفس السعر 25000 و انا معيش غير 25000
انا محتار المروتي جديدة بس صغيرة و السوفت قديمة بس كبيرة
انا عجباني اكتر السويفت بس انا من اسكندرية و خايف من قطع الغيار بتاعت السويفت قليلة و سمعت ان ماتورها ملهوش قطع غيار
ممكن حد يقولي اعمل ايه

[lidosasa]

الفيصل فى الإختيار إنت عايز أيه من العربية
السويفت : شكل ومنظر وحجم معقول نسبياَ وتكييف ومش مشكلة عندك إنك تصلح العربية كل شوية وقطع غيار أغلى نسبياً من الماروتى .
الماروتى : مفيش رفاهية ولا منظرة وخش ع المهم عربية جديدة وشيلاك فى الزحمة وحمار شغل وب 3 صاغ تروقها ...
والماروتى فى إسكندرية عاملة شغل جامد وبدأت تملى كل المحافظات دلوقتى وخصوصاً بعد زيادة البنزين وغلاء المواصلات ............ أستخر الله وربنا يقدم اللى فيه الخير

[lidosasa]

وللعلم أنا كنت حبيع عربيتى الماروتى ولله الحمد متوفر فلوس أشترى حاجة أعلى ( لانوس أو أكسنت ) وكنت منزل إعلانات ليها على النت http://www.nilemotors.net/Nile/432538-a.html
وجالى ناس كتير جداً أتفقت مع واحد منهم وأستخرت الله أنا ومراتى ورحت تانى يوم أبيع وكتبنا العقد ورحت الشهر العقارى عشان أعمله توكيل موظف الشهر العقارى قالى لازم تعمل التوكيل فى نفس مكتب الشهر العقارى اللى أنا شارى بيه العربية ( المنتزه فى إسكندرية ) .......... مقولتش حتى ليه وفرحت وخرجت قطعت العقد والمشترى كان عايز يروح تانى يوم معايا نعمل التوكيل بس أعتذرت ليه وكان راجل محترم ومتفهم جداً لرغبتى فى الإحتفاظ بالعربية بعد صلاة الاستخارة وبعد ما حسيت بغلاوة العربية عندى وهى خلاص بتفارقنى ....

[mgw2007]

الفيصل فى الإختيار إنت عايز أيه من العربية
السويفت : شكل ومنظر وحجم معقول نسبياَ وتكييف ومش مشكلة عندك إنك تصلح العربية كل شوية وقطع غيار أغلى نسبياً من الماروتى .
الماروتى : مفيش رفاهية ولا منظرة وخش ع المهم عربية جديدة وشيلاك فى الزحمة وحمار شغل وب 3 صاغ تروقها ...
والماروتى فى إسكندرية عاملة شغل جامد وبدأت تملى كل المحافظات دلوقتى وخصوصاً بعد زيادة البنزين وغلاء المواصلات ............ أستخر الله وربنا يقدم اللى فيه الخير

شكرا يا باشا لردك
انا حستنى لما اشوف العربيتين و بعد كده اقرر

انا بس مشكلتي ان ليا ناس قريبي وزنهم تقيل شوية فا انا خايف المروتي متستحملش

[ahmedalaahosny]

دى مساله اذواق بس انا شايف ان طالما الحكايه فيها اوزان وكده يبقى خليك مع السويفت الماروتى لو حد مليان قعد جنبك وانت سايق كتفه هيبقى ﻻزق ف كتفك مش هتعرف تتحرك ده غير انها 800 سى سى يعنى ماتطلبش منها معجزات
المهم ان السويفت تكون نضيفه وركز اوى على الازاز اللى ورا مايكونش حوالين الازاز بارومه و لا السقف وارضيه الشنطه ويستحسن لو تاخد معاك سمكرى معرفه

[ahmedalaahosny]

.....

[mgw2007]

دى مساله اذواق بس انا شايف ان طالما الحكايه فيها اوزان وكده يبقى خليك مع السويفت الماروتى لو حد مليان قعد جنبك وانت سايق كتفه هيبقى ﻻزق ف كتفك مش هتعرف تتحرك ده غير انها 800 سى سى يعنى ماتطلبش منها معجزات
المهم ان السويفت تكون نضيفه وركز اوى على الازاز اللى ورا مايكونش حوالين الازاز بارومه و لا السقف وارضيه الشنطه ويستحسن لو تاخد معاك سمكرى معرفه

شكرا يا برنس لاهتمامك

[mgw2007]

دى مساله اذواق بس انا شايف ان طالما الحكايه فيها اوزان وكده يبقى خليك مع السويفت الماروتى لو حد مليان قعد جنبك وانت سايق كتفه هيبقى ﻻزق ف كتفك مش هتعرف تتحرك ده غير انها 800 سى سى يعنى ماتطلبش منها معجزات
المهم ان السويفت تكون نضيفه وركز اوى على الازاز اللى ورا مايكونش حوالين الازاز بارومه و لا السقف وارضيه الشنطه ويستحسن لو تاخد معاك سمكرى معرفه

شكرا يا برنس لاهتمامك

[J A G U A R]

اوزان يبقى استعبد الماروتى طبعا
بس الحاله تكون كويسه فى السويفت