الحمد لله استلمت الالتو

[mrghost]

السلام عليكم ورحمة الله وبركاته
الحمد لله استلمت الالتو 2015 النهاردة من اوتو سمير ريان ب 61000 جنيه
لون نبيتى
طبعا العربيه بالنسبه ليا مش حلوة زى الماروتى
اولا:
الدركسيون تقيل ومحتاجه ظبط زوايا
العربيه فاضيه خالص بطريقه مستفزة
لايوجد مساحه خلفيه ولا ولاعة لشحن الموبايل ولا كاسيت ولا سنتر ولمبه الصالون تعمل مع باب السائق فقط ولا يوجد دلايات والموتور بيتأثر بالتكييف لانه 800 سى سى وصوتها عالى عن الماروتى واخشن من الماروتى
بصراحه ندمان على الماروتى بس الحمد لله على كل شيئ
بقول كويس اوى انهم افتكروا وركبولها ابواب !!!!!!!!!!!!!
طبعا انا عارف ان التوكيل فى مصر هو اللى بيطلب المواصفات دى بس ده تهريج وحسبى الله ونعم الوكيل

[ibrahimahmed]

الف مبروك يا باشا وربنا يكفيك شرها ويعطيك خيرها
ياريت تقولنا هى الشكل الجديد ولا القديم

[bassemali]

أولا ألف مبروك .. ثانيا اعتقد إن صوت الموتور والسحب وإستهلاك البنزين عموما هيتحسنوا كتير بعد التليين وبعد صيانة الألف وهيتحسنوا أكتر بعد ال 5 الف كيلو الأولانيين .. وعموما إحنا متابعين معاك ونتمتى من الله إنه يباركلك فيها وتكون راضي عنها إن شاء الله .

[mrghost]

ربنا يبارك فيكوا ياجماعه العربية الشكل الجديد موديل 2015

[J A G U A R]

هيا فيها باور ولا لا ..
والف مبروك

[ibrahimahmed]

السلام عليكم ورحمة الله وبركاته
الحمد لله استلمت الالتو 2015 النهاردة من اوتو سمير ريان ب 61000 جنيه
لون نبيتى
طبعا العربيه بالنسبه ليا مش حلوة زى الماروتى
اولا:
الدركسيون تقيل ومحتاجه ظبط زوايا
العربيه فاضيه خالص بطريقه مستفزة
لايوجد مساحه خلفيه ولا ولاعة لشحن الموبايل ولا كاسيت ولا سنتر ولمبه الصالون تعمل مع باب السائق فقط ولا يوجد دلايات والموتور بيتأثر بالتكييف لانه 800 سى سى وصوتها عالى عن الماروتى واخشن من الماروتى
بصراحه ندمان على الماروتى بس الحمد لله على كل شيئ
بقول كويس اوى انهم افتكروا وركبولها ابواب !!!!!!!!!!!!!
طبعا انا عارف ان التوكيل فى مصر هو اللى بيطلب المواصفات دى بس ده تهريج وحسبى الله ونعم الوكيل

غربية موضوع ظبط الزوايا ... انا لسه برضو مستلم اختها ونبيتى برضو بس مش محتاجة ظبط ولا حاجة ... وبالنسبة لمقارنتك بالماروتى فالماروتى برضو بتنزل فاضية لا كاسيت ولا سنتر ولا اى حاجة .... اعتقد انك بس صعبان عليك الماروتى عشان العشرة ... ... انما المقارنة العادلة هاتبقى لصالح الالتو ... ربنا يباركلك فيها يا باشا ويكفيك شرها باذن الله

[مصطفى عمر]

انا عندى بس سؤال صغير طيب انت لما مش طايقها كدا اشتريتها ليه لما فيها كل العيوب دى مش اتفرجت عليها قبل ما تدفع الفلوس او تطلب تشتريها اصلا ولا حد غصبك على الجوازه اصدى البيعه

[bondokk]

انا عندى بس سؤال صغير طيب انت لما مش طايقها كدا اشتريتها ليه لما فيها كل العيوب دى مش اتفرجت عليها قبل ما تدفع الفلوس او تطلب تشتريها اصلا ولا حد غصبك على الجوازه اصدى البيعه

كنت هاقول نفس السؤال :) :)

[mrghost]

ياجماعه دى عربية والدى انا معايا شاهين ووالدى باع الماروتي وجاب الالتو علشان التكييف فقط لاغير
حاولت اقنعه يجيب لانوس مارضيش
انا بس بقول عيوبها علشان لو حد مقبل علي شرائها يفكر كويس ويشوف حاجه افضل منها
انا كدة كدة مش فارقه معايا انا بقول رأيي علشان الناس اللي بتفكر تشترى

[mrghost]

وبعدين حكاية تقل الدركسيون بانت بعد الشراء لان المعرض مش هيخليك تجرب العربية بالتأكيد قبل ماتشترى

[مصطفى عمر]

لونها ايه .... تبيع ؟

[mrghost]

لونها نبيتى وياريت قرار البيع فى ايدى دى بتاعة والدى