Tweet
السلام عليكم ورحمة الله وبركاته
انا روحت من كام يوم كده غسلت العربية من جوي كيماوي في البنزينة
فقلت انقل ليكم التجربة علشان الكل يستفيد
انا اشتريت العربية مستعملة من كام شهر كده ولقيت بعيد عنكم الفرش بتاع الكراسي كانه كان بيتمسح بيه العربية من بره
مدلوق عليه عصائر على اكل على حاجات غريبة ربنا وحده اعلم بيها
المهم بعد ما سألت قررت اني اغسلها كيماوي
روحت رايح على بنزينة توتال في شارع البحر الاعظم قلت اظبط زوايا واغسلها وابقى قضيت مشوارين في مشوار واحد
بكام يا عم الحج الغسيل الكيماوي قاللي 140 جنيه علشان عربية صغيرة (طبعا انتو عارفين ان الماروتي اكبر من التوك توك بحاجة بسيطة)
قلتلوا توكل على الله ودخلتها مكان الغسيل
دخل الراجل وقعد يرش ميه جواها ويحط حاجات زي الصابون ومواد تانية ويدعك الفرش بالليفة رايح جاي
والسقف بنفس الطريقة وفرش الارضية
حسيت انه ناوي يطنش الشنطة روحت فاتحها ومفضيها من جوة وسايبهاله مفتوحة
فضل الراجل شغال شوية حلوين يدعك في كل حتة فيها لحد ما خلص وطبعا كروت الشنطة بس خليته يعيد عليها تاني
خلص وراح راشش ملمع جواها على كل ماهو بلاستيك او جلد او كاوتش بما فيهم الكاوتشات والاكصدامات
وطبعا من حظي الجميل ان الكهرباء قطعت قبل ما يغسلها من بره فمسدس المية وقف
استنينا شوية بعدين لقينا الموضوع هيطول راح غاسلها بالخرطوم العادي بلدي كده مع شوية طلسقة وكروته
وطبعا الكراسي والقف كانوا غارقانيين مية فحطيت كرتونة علشان اعرف اروح وطبعا الكرتونة اتبلت وانا لسة ما ركبتش اصلا
راح مغيرها وروحت انا حاطط عليها كيس وقعدت عليه وانا ماشي والسقف عمال يشر مية عليا طول الطريق
بعد ما روحت سيبت الازاز مفتوح للنصف لحد الصبح علشان تنشف والصبح لقيتها لسة ما نشفتش روحت سايبها في الشمس تاكل فيها ونازل الشغل مواصلات وتاني يوم لقيتها نشفت والحمد لله
ده ملخص الموضوع
ندخل بقى على اهم جزء في الموضوع وهو المميزات والعيوب
المميزات
العربية طبعا من جوة فرقت جامد خصوصا السقف اللي كنت فاكر لونه بيج طلع لونه رصاصي زي فرش الارضية
تقديري للخدمة كالتالي
غسيل السقف 95%
غسيل الكراسي 85%
غسيل الارضية والشنطة 70%
العيوب والاخطاء الواجب مراعاتها
اولا: فرش ارضية الماروتي موكيت ومافيش تحتيه مشمع غير ان زي مانتو عارفين تقفيل الماروتي زبالة من جوة فتباعا المية دي كلها نزلت على الجسم الحديد بتاع العربية وده طبعا ممكن يعمل صدأ وبارومة ربنا يكفيكو الشر
ثانيا: الراج الجميل بتاع البنزينة بعد ما خلص راح حاطط الدواسات الكاوتش في اماكنها ورا وقدام وانا ما اخدتش بالي واكتشفت المصيبة دي الصبح وشيلت الواسات لقيت تحتيها مية بايتة على الفرش وعلى الحديد بتاع الارضية من امبارح وطبعا في اجزاء عملت عفن على الموكيت وربنا يكفيكو شر عفن الموكيت وريحته اللي مش بتطلع ولا بالطبل البلدي
روحت مطلع الدواسات برة وسيبت العربية الشمس تاكل فيها والشبابيك مفتحة وروحت الشغل ولما رجعت لقيت الدنيا اتحسنت كتير بس طبعا لسة فيه ريحة وفيه رطوبة على اجزاء من الموكيت
روحت الشغل تاني يوم بيها وسيبتها في الشمس بس مقفولة طبعا علشان ما تتسرقش
النتيجة ان الحرارة بخرت المية وخليتها جوة العربية والريحة زادت لان العربية مقفلة
المهم سيبتها تتهوى يومين وبقت معقولة الحمد لله والريحة خفت جدا
روحت جاي في يوم الاجازة وجايب المكنسة وفرشة بلاط وروحت داعك الموكيت من اثار التراب والمية ومنضفة وشيلته ونضفت الصاج بتاع الارضية تحته بالفرشة ونشفت اي اثار لمية او رطوبة باستخدام سشوار الشعر وفوطة ناشفة
الدروس المستفادة
1- بلاش بنزينة توتال من الاساس سواء غسيل او بنزين او تصليح كاوتش بنزينة وطنية احسن او ممكن محطة موبيل معتمدة
2- ما تحطش الدواسات في العربية الا بعد ما تتأكد انها نشفت تماما
3- اتأكد ان موكيت الارضية نشف كويس وان الحديد تحتيه ناشف تماما
4- اتأكد ان الصنايعي غسل كل حاجة كويس وراجع وراه وخليك على دماغه لحد ما يخلص
5- حاول تشوف بنزينة في مكان الكهربا فيه مش بتقطع
6- يفضل ان العملية دي تكون قبل يوم الاجازة بتاعك واوعى تغسلها اول الاسبوع علشان تعرف تتابع العربية وتسيبها تنشف براحتها يوم او اتنين
انا عارف اني طولت عليكم بس حبيت احكي بالتفاصيل علشان الناس تستفيد اكبر استفادة وما تقعش في الاخطاء بتاعتي
مش لازم كل واحد يغلط علشان يتعلم ممكن نتعلم من اخطاء غيرنا من غير ما نغلط
مش كل واحد لازم يخترع العجلة من الاول
انا روحت من كام يوم كده غسلت العربية من جوي كيماوي في البنزينة
فقلت انقل ليكم التجربة علشان الكل يستفيد
انا اشتريت العربية مستعملة من كام شهر كده ولقيت بعيد عنكم الفرش بتاع الكراسي كانه كان بيتمسح بيه العربية من بره
مدلوق عليه عصائر على اكل على حاجات غريبة ربنا وحده اعلم بيها
المهم بعد ما سألت قررت اني اغسلها كيماوي
روحت رايح على بنزينة توتال في شارع البحر الاعظم قلت اظبط زوايا واغسلها وابقى قضيت مشوارين في مشوار واحد
بكام يا عم الحج الغسيل الكيماوي قاللي 140 جنيه علشان عربية صغيرة (طبعا انتو عارفين ان الماروتي اكبر من التوك توك بحاجة بسيطة)
قلتلوا توكل على الله ودخلتها مكان الغسيل
دخل الراجل وقعد يرش ميه جواها ويحط حاجات زي الصابون ومواد تانية ويدعك الفرش بالليفة رايح جاي
والسقف بنفس الطريقة وفرش الارضية
حسيت انه ناوي يطنش الشنطة روحت فاتحها ومفضيها من جوة وسايبهاله مفتوحة
فضل الراجل شغال شوية حلوين يدعك في كل حتة فيها لحد ما خلص وطبعا كروت الشنطة بس خليته يعيد عليها تاني
خلص وراح راشش ملمع جواها على كل ماهو بلاستيك او جلد او كاوتش بما فيهم الكاوتشات والاكصدامات
وطبعا من حظي الجميل ان الكهرباء قطعت قبل ما يغسلها من بره فمسدس المية وقف
استنينا شوية بعدين لقينا الموضوع هيطول راح غاسلها بالخرطوم العادي بلدي كده مع شوية طلسقة وكروته
وطبعا الكراسي والقف كانوا غارقانيين مية فحطيت كرتونة علشان اعرف اروح وطبعا الكرتونة اتبلت وانا لسة ما ركبتش اصلا
راح مغيرها وروحت انا حاطط عليها كيس وقعدت عليه وانا ماشي والسقف عمال يشر مية عليا طول الطريق
بعد ما روحت سيبت الازاز مفتوح للنصف لحد الصبح علشان تنشف والصبح لقيتها لسة ما نشفتش روحت سايبها في الشمس تاكل فيها ونازل الشغل مواصلات وتاني يوم لقيتها نشفت والحمد لله
ده ملخص الموضوع
ندخل بقى على اهم جزء في الموضوع وهو المميزات والعيوب
المميزات
العربية طبعا من جوة فرقت جامد خصوصا السقف اللي كنت فاكر لونه بيج طلع لونه رصاصي زي فرش الارضية
تقديري للخدمة كالتالي
غسيل السقف 95%
غسيل الكراسي 85%
غسيل الارضية والشنطة 70%
العيوب والاخطاء الواجب مراعاتها
اولا: فرش ارضية الماروتي موكيت ومافيش تحتيه مشمع غير ان زي مانتو عارفين تقفيل الماروتي زبالة من جوة فتباعا المية دي كلها نزلت على الجسم الحديد بتاع العربية وده طبعا ممكن يعمل صدأ وبارومة ربنا يكفيكو الشر
ثانيا: الراج الجميل بتاع البنزينة بعد ما خلص راح حاطط الدواسات الكاوتش في اماكنها ورا وقدام وانا ما اخدتش بالي واكتشفت المصيبة دي الصبح وشيلت الواسات لقيت تحتيها مية بايتة على الفرش وعلى الحديد بتاع الارضية من امبارح وطبعا في اجزاء عملت عفن على الموكيت وربنا يكفيكو شر عفن الموكيت وريحته اللي مش بتطلع ولا بالطبل البلدي
روحت مطلع الدواسات برة وسيبت العربية الشمس تاكل فيها والشبابيك مفتحة وروحت الشغل ولما رجعت لقيت الدنيا اتحسنت كتير بس طبعا لسة فيه ريحة وفيه رطوبة على اجزاء من الموكيت
روحت الشغل تاني يوم بيها وسيبتها في الشمس بس مقفولة طبعا علشان ما تتسرقش
النتيجة ان الحرارة بخرت المية وخليتها جوة العربية والريحة زادت لان العربية مقفلة
المهم سيبتها تتهوى يومين وبقت معقولة الحمد لله والريحة خفت جدا
روحت جاي في يوم الاجازة وجايب المكنسة وفرشة بلاط وروحت داعك الموكيت من اثار التراب والمية ومنضفة وشيلته ونضفت الصاج بتاع الارضية تحته بالفرشة ونشفت اي اثار لمية او رطوبة باستخدام سشوار الشعر وفوطة ناشفة
الدروس المستفادة
1- بلاش بنزينة توتال من الاساس سواء غسيل او بنزين او تصليح كاوتش بنزينة وطنية احسن او ممكن محطة موبيل معتمدة
2- ما تحطش الدواسات في العربية الا بعد ما تتأكد انها نشفت تماما
3- اتأكد ان موكيت الارضية نشف كويس وان الحديد تحتيه ناشف تماما
4- اتأكد ان الصنايعي غسل كل حاجة كويس وراجع وراه وخليك على دماغه لحد ما يخلص
5- حاول تشوف بنزينة في مكان الكهربا فيه مش بتقطع
6- يفضل ان العملية دي تكون قبل يوم الاجازة بتاعك واوعى تغسلها اول الاسبوع علشان تعرف تتابع العربية وتسيبها تنشف براحتها يوم او اتنين
انا عارف اني طولت عليكم بس حبيت احكي بالتفاصيل علشان الناس تستفيد اكبر استفادة وما تقعش في الاخطاء بتاعتي
مش لازم كل واحد يغلط علشان يتعلم ممكن نتعلم من اخطاء غيرنا من غير ما نغلط
مش كل واحد لازم يخترع العجلة من الاول
على فكرة احنا نعتبر جيران (على حد علمي)
Comment