تغيير تيل الفرامل

[lidosasa]

طبعاً الموضوع مش جديد ومكرر وكلنا حفظناه
لأن كان فيه صفارة مزعجة مع كل فرملة والفرامل حاسسها ضعيفة النهاردة غيرت التيل وغسلت القربة وغيرت زيت الفرامل وأخدت الهوا من الفرامل .... النتيجة مش مبسوط الفرامل بقت من غير صوت والعربية بتقف سكيتى من غير دوشة زى الأول الواحد كان بيحس بونس ( مجرد هزار )
لكن الجديد واللى لاحظته إن قطع الغيار سعرها زاد بشكل كبير والمصنعيات كمان حتطير وراها وحسبنا الله ونعم الوكيل

[dadofranz]

احمد ربنا على الماروتي
دي لو تيريوس مثلا كنت دفعت ولا الف جنيه في المشوار ده

ربنا يسترها علينا
والف مبروك على التيل والزيت الجداد

[lidosasa]

احمد ربنا على الماروتي
دي لو تيريوس مثلا كنت دفعت ولا الف جنيه في المشوار ده

ربنا يسترها علينا
والف مبروك على التيل والزيت الجداد

الحمد لله على الماروتى
والموضوع نسبة وتناسب مع دخل الفرد .... ورخص قطع غيار الماروتى من الحاجات اللى خلتنى أتمسك بيها فى أخر لحظة بعد ما كنت خلاص حبيع عشان أشترى حاجة أعلى

[Amr Axel]

الف مبروك الصيانة
ده حقيقي كل الاسعار زادت اقرب حاجة عندي طقم الدبرياج الالتو فاليو الكوري بقي بيعمل 550 ج بعد ما كان 350 ج -_^

[lidosasa]

فعلاً زيادة رهيبة وصلت لأكتر من 50 %
التيل كنت شاريه نفس النوع من فترة كان ب 50 جنيه إمبارح شاريه ب 80 جنيه ... ألطف بينا يارب

[khaled_yassin]

مبروك عليك يا باشا
انا كنت جايب التيل من يومين من عند رامى ب40 جنيه

[lidosasa]

مبروك عليك يا باشا
انا كنت جايب التيل من يومين من عند رامى ب40 جنيه

التيل اللى أنا جايبه بتاع هوندا سيفك 88 وهو نفس التيل اللى كنت مركبه قبل كده فوارد إن يكون تيل الماروتى زى ما هو من غير زيادة وإن تيل الهوندا هو اللى زاد

[dr.hazem]

التيل اللى أنا جايبه بتاع هوندا سيفك 88 وهو نفس التيل اللى كنت مركبه قبل كده فوارد إن يكون تيل الماروتى زى ما هو من غير زيادة وإن تيل الهوندا هو اللى زاد

بالمناسبه
لما فكرت اني ادور على تيل الهوندا كانو بيطلعولي تيل ماروتي صيني حقير ب 80 جنيه في الزمانات ولو بعتت عالمحل حد غيرك طلب تيل ماروتي هيطلعله نفس التيل ب 35 جنيه
ههههههههههه
الكلام ده كان في شارع دمشق
تحياتي

Sent from my mobile using Forum Runner