بحمد لله استلمت ورخصت سوزوكي سويفت 2015 ديزاير سيدان

[El Prince]

سؤال يا برنس انا غيرت فى الصيانه زيت توتال 5000 و فلتر و ناوى انزله بعد 4000 كيلو بس عايز احط زيت تخليقى فى المره الجايه ممكن شل بيور بلس الجديد او توتال نيو 5 دابليو 30 هل بيكون غلط على موتور العربيه و لا ما يضرش ما دام العربيه لسه جديده و هل لو غيرت الزيت بره التوكيل او ما رحتش مواعيد الصيانه فى مواعيدها دا ليه علاقه بالضمان 3 سنين او 100 الف كيلوا انا بعد ما غيرت الزيت حسيت ان استهلاك البنزين اتحسن اكتر عن الاول لان الزيت عندى كان اعلى من نقطة الماكس بشويه و لما قيسته بعد التغيير تانى يوم الصبح لاقيته عند نقطه الماكس بالظبط

بص يا باشا انا غيرت اول مرة زيت توتال 10000 التخليقى مع الفلتر
مش عارف ينفع تغير النوع (توتال) و لا لأ - هما اللى يفيدوك ف التوكيل لحن تحط شيل يؤلك العربية بره الضمان و لا حاجة
بس عموما انت تقدر تغير لتخليقى المرة اللى جاية و هو ده المستحسن و طبعا يستحسن تلتزم بمواعيد الصيانة فى التوكيل لأن العربية لسه جديدة

[wesam elmansy]

بص يا باشا انا غيرت اول مرة زيت توتال 10000 التخليقى مع الفلتر
مش عارف ينفع تغير النوع (توتال) و لا لأ - هما اللى يفيدوك ف التوكيل لحن تحط شيل يؤلك العربية بره الضمان و لا حاجة
بس عموما انت تقدر تغير لتخليقى المرة اللى جاية و هو ده المستحسن و طبعا يستحسن تلتزم بمواعيد الصيانة فى التوكيل لأن العربية لسه جديدة

انا بعد بحث كتير ع النت لقيت ان افضل زيت للعربيه و يلبى الحمايه المطلوبه هو زيت كاسترول ماجنيتك
A5 5w30 لان جزيئات الزيت بتلزق magnetic فى اجزاء الموتور من جوه بعد ما تبطل العربيه و تركنها ع البارد لان 75 % من الضرر اللى ممكن يحصل للموتور بيحصل عند احماء الموتور عند بدايه التشغيل لان الزيت بيكون مترسب تحت لسه ما اخدتش دورته فى الحمايه المطلوبه و الزيت ده بيتباع فى محطات بنزين طاقه و بيتغير بعد 10000 كيلو او سنه و هو زيت انجليزى و له شهره عالميه و بصراحه نفسى اشتريه و انا رايح التوكيل لان الزيت بتاعهم مش بيلبى المواصفات المطلوبه فى الحمايه و خصوصا ان العربيه و ما اعتقدش ان انا مجبر اشترى الزيت من عندهم لان هما الزيت ده بيعملهم مصلحه
مش كفايه حطولى زيت معدنى فى عربيه لسه جديده

[tarek zedan]

السوزوكى الديزير والا الميتسوبيشى اتراج ؟

[El Prince]

السوزوكى الديزير والا الميتسوبيشى اتراج ؟

الديزاير تزيد عن الاتراج :
عوامل الامان : 2 اير باجز + فرامل السويفت الجيل الثاني من الـ abs, ebd .. وفيها ba+
5 جنوط سبورت مقاس 15 انش
+ موتور اقوى 4 سليندر و ليس 3
و السعر ارخص
و الشكل أحلى ( اذواق)

و تقدر تسأل و تلف لفه ف المنتدى علشان تكون مقتنع ... اى خدمة

خولوص الكلام :)

[saedelghamry]

ألف مبروك ياباشا
ياريت السعر

[trado]

ألف مبروك ياباشا
ياريت السعر

سويفت ديزاير (السيدان) ب 107 فى التوكيل حجز حوالى 3 شهور
استلام فورى فى المعارض ب 108.5

[El Prince]

سويفت ديزاير (السيدان) ب 107 فى التوكيل حجز حوالى 3 شهور
استلام فورى فى المعارض ب 108.5

+11111111 تمام
الخط الساخن لمودرن موتورز: 16680

[Bemen]

كل عام وانت بخير انا سالت علي العربية فب المعرض اقل استلام فورى كان ١١٠ مش ١٠٨٥٠٠ ومش لاقي اللون الازرق منها لو حد يعرف مكان بسعر اقل واللون ازرق يبقي لكم جزيل الشكر

[El Prince]

كل عام وانت بخير انا سالت علي العربية فب المعرض اقل استلام فورى كان ١١٠ مش ١٠٨٥٠٠ ومش لاقي اللون الازرق منها لو حد يعرف مكان بسعر اقل واللون ازرق يبقي لكم جزيل الشكر

و انت طيب وبخير يا باشا

( فيه سويفت زرقاء في المعادي ... معرض توفيق محمد "اللي بعد مكتبة المعادي".... انا وصلت السعر معاه ل 109 للي حابب ... بس انا مكنتش عاوز اللون دا. هو حيبدأ معاك ب 115 وحينزل ل 109. وكل سنة وانتو طيبين )

" منقول من صفحة جروب سوزوكى على الفيس بوك https://www.facebook.com/groups/SWIFTCLUBINEGYPT/ "

اى خدمة

[trado]

انا اشتريت ديزاير حمراء ب 108.5 من فرع المصرية للسيارات فى طلعت حرب

[El Prince]

انا اشتريت ديزاير حمراء ب 108.5 من فرع المصرية للسيارات فى طلعت حرب

الف الف مبروك يا باشا
الاحمر بتاعها حكاية مع شكل العربية المميز

[a7medsmt]

سؤال: هو ممكن اغير كاسيت السويفت هاتشباك بواحد فيه gps زي الديزلير؟

[Mahmoud.Fathy]

الكاسيت اللى بينزل في ال2 واحد على فكرة مفيش فرق

وممكن طبعا تغيره ... والتوكيل بيجهز كاسيت اندرويد بشاشة 7 بوصة وفيه بلوتوث وجي بي اس ... وده اللى اللنك بتاعه لكن لسة مش عارف هيكون بكام

http://ar.aliexpress.com/item/Pure-Android-4-2-2-Capacitive-Car-DVD-Player-Suzuki-Swift-2011-2013-Dual-Core-1/1809116038.html?s=p

[Mohamed Awny91]

عن السوزوكى السيدان أتحدث

رحت اتفرجت عليها وقارنت بينها و بين الهاتشباك - فرق باين فى وسع الشنطه و الارتفاع العام و فرق بسيط فى الصالون وارتفاع السقف لصالح الديزاير
على طول قدمت المشيئة و من غير تردد حجزت بمبلغ 5000
و استلمت بعد 15 يوم من مودرن موتورز م. نصر

العربية كان عدادها 53 كم و سألت ليه قالولى بتيجى سواقه من ابو رواش

الترخيص كلفنى يوم و حوالى 1350 ج
شامل كل الحاجات من طفاية و مثلث و شنطة اسعافات وضريبة 3 سنين ( 835 ج) و تأمين اجبارى (275ج )
و فيه حوالى 105 جنيه ض.رفاهية مالكوش دعوى بيها الا اذا كنتوا بعتوا عربية و لم تسجل للان زى حالاتى

انا سوقتها حوالى 150 كم فقط و مبدئيا قدرت احكم على التالى :

- وسع العربية معقول جدا - تاخد 4 افراد ناضجين مستريح
- الموتور ناعم جدا و لا تسمعله صوت و سحبته جميلة حتى مع التكييف
- العربية عالية و لا تؤثر عليها الجبال ( قصدى مطباتنا و شوارعنا الجميلة :copy of majd(4): )
- العغشه مش بنعومة الفيرنا طبعا ( اللى كانت معيا و اللى تعتبر من انعم العفشات)
لكن ده مقابل الارتفاع الرائع و الثبات الجيد - الامان ليه افضلية هنا من وجهة نظرى
- استهلاك البنزين 14.8 كم / لتر حاليا مع وجود فردين معايا و بالتكييف - ممتاز و لاحظوا انى لسه بلين و اعتقد هايتحسن بعد ال5000 كم زى كل العربيات لأنهم بره بيشتكوا ان معدلاتهم فى حدود 17 كم /لتر :_alshmokh15[1]: عقبالنا يا رب :)
- النظام الصوتى بالنسبة لى رائع بمعنى الكلمة
- الصالون و التقفيل و العزل جيد جدا - مافيش اصوات طول الطريق (قافل الازاز و مشغل التكييف ومن غير كاسيت حاليا علشان انا ودنى حساسة شوية و مع اى عربية اركبها من ناحية الصالون و الموتور و الطريق )

و طبعا جزيل الشكر لـ د / ايمن اللى لم يبخل باى معلومة و دقته فى الطرح و الشكر ايضا لكل الزملاء الذين ذكروا ارائهم بكل حيادية
دى انطباعات مبدأية و اى جديد سوف اواليكم بيه
باركولى بأه يا أحلى اخوة فى أحلى منتدى و ادعولى بالخير
و اللى عنده سؤال يتفضل و انا تحت امره
خالص تحياتى

الف الف الف مبروووك ياباشا العربية وبعد اذنك محتاج اتواصل مع حضرتك عشان عايز استفسر منك على حاجة ضروري (ممكن ايميل ياهو او فيس بوك اي حاجة) .. شكرا

[El Prince]

الف الف الف مبروووك ياباشا العربية وبعد اذنك محتاج اتواصل مع حضرتك عشان عايز استفسر منك على حاجة ضروري (ممكن ايميل ياهو او فيس بوك اي حاجة) .. شكرا

الله يبارك فيك يا باشا
تقدر تتواصل معايا من خلال المنتدى هنا او على الخاص تحت امرك