ماروتي بتسخن مع السرعة

[ismail.dakrory]

السلام عليكم

انا كنت عملت حادثة بالعربية غيرت بسببها الرادياتير ، بعد فترة لاحظت ان العربية بتسخن لما امشي على سرعة فوق الثمانين ، يعني لو تسعين او مية تفضل تسخن لغاية ما توصل للخط بتاع الخطر ده ، المية بتبقى مظبوطة مدام معديتش التمانين بس طبعاً لما بتسخن البخر بيزيد والمسة بتنقص.

زمان كانت مظبوطة وعمرها ما عدت نص المؤشر بتاع السخونة ، هل ده عيب في الريدياتير الجديد ولا ثرموستات ولا مروحة ولا ايه بالظبط ؟؟

[na3m977]

نفس المشكلة معاية بس الفارق ان عربيتى 128 متابع معاك حل المشكلة

[egyptiandiver]

عربيتك خايفة عليك يا أستاذ... بمعنى آخر رادار أوتوماتيك :)) ربنا يبعتلك إلي يحليلك المشكل دة إن شاء الله.

[amagroup]

ممكن يكون الكلام اللي هقوله ده مش دقيق لكن جرب ورد عليا
كلامك ببساطه معناه انك لما بتحمل علي الماكنه بسرعة عاليه دورة المياة مبتقدرش توفر تبريد للماكنه وهي علي السرعه دي

يعني مثلا طول ما الrpm علي 3 هي كويسه
اول لما يوصل ل 4 تسخن

اذن في حاجه في خنقه في دورة التبريد او مشكلة في الطرمبة

لازم تراجع الدورة ممكن يكون في صدأ او حاجه اتحركت من مكانها بسبب الخبطه او الراديتير اللي انت جبته معندنه مش مناسب لتبريد العربيه او فيه عيب

[ismail.dakrory]

شكراً ياباشا ، فيه ميكانيكي قال انه ممكن يكون ثرموستات بس عندي شعور ان كلامه مش مظبوط .. ايه رأيك اشيل الثرموستات خالص فعلاً ؟؟

[memoo305]

غالبا الريداتير فيه مشكلة

[dadofranz]

شكراً ياباشا ، فيه ميكانيكي قال انه ممكن يكون ثرموستات بس عندي شعور ان كلامه مش مظبوط .. ايه رأيك اشيل الثرموستات خالص فعلاً ؟؟

ممكن يكون الردياتير الجديد فيه عيب

او ممكن فعلا ترموستات الكوع فيه مشكلة وعايز يتغير

لو الترموستات انصحك تغيره وما تشيلوش علشان احنا داخلين على الشتاء ولو شيلته العربية هتتعبك على ما تسخن الصبح وهتاخد وقت وهتبرد منك في الطريق لو البرد شديد

[dr.hazem]

جرت العادة ان مشكلتك دي اما المروحه تعبانه او الراديتير في سدد وده الغالب لو بتستخدم مية حنفية
نصيحه لو بتستخدم مية حنفيه تروح تعمل تنظيف للدورة بالكامل...
تحياتي

Sent from my mobile using Forum Runner

[ismail.dakrory]

الميكانيكي شال الترموستات خالص وقالي نرجعه في الشتا ، والعربية بتسخن برضه ، متهيألي كدة هشوف الحلول بتاعة دكتور حازم.

[hesham fawzy h]

ابقى قول لنا الحل بقى يا اسلام بية

[Abo_Mazen]

ريداتير ..ثرموستات كوع ..سدد في أحد مجاري البلوك ..كل ده حله ..التأكد من الريداتير كويس ..وحضرتك شلت الثرموستات يبقى الإحتمال ده إنتفى ..يبقى مش باقي غير سدد في أحد مجاري البلوك ..وده إحتمال معدوم لإن حضرتك ما أستخدمتش مواد ممكن تعملك سدد في أحد مجاري البلوك ..يبقى علطول نقول الريداتير ..هو الريداتير اللي حضرتك جبته إستيراد ولا جديد ..لإن أنا أصلا ما بقتنعش بالريداتير الإستيراد ده أساسا

[scientist9508]

بسم الله الرحمن الرحيم

الأخ الفاضل إسلام

حتى لا تفقد بوصلة الطريق و حتى تتفادى إنفاق الهالك من المال. من فضلك إلجأ إلى خبير مخضرم ليراجع مجموعة التبريد كامله و تأكد أن كل قطعه مستخدمه أصليه و جديده و إن شاء الله ستختفى هذه المشكله لأن سيارات سوزوكى بشكل عام تمتاز بأنها سيارات الخدمه الشاقه إرتفاع كفاءة دائرة التبريد بها.

هداك الله لأرشد أمرك و أقومه

السلام عليكم و رحمة الله و بركاته