قطع الغيار المضروبة

[lidosasa]

إمبارح كنت على الطريق الزراعى مشوار حوالى 30 كيلو وزيهم راجع وطبعاً قلت فرصة أقرص على العربية شوية عشان الموتور يفوق شوية ويطلع من حالة الكسل اللى هو فيه من زحمة الشوارع ...
وقبل ما أوصل ب 4 كيلو العربية بدأت تنتش على خفيف وطبعاً وصلت مشوارى فتحت الكبوت ملحظتش حاجة غريبة بدور العربية كله تمام خلصت شغلى وراجع ويدوب مسكت الطريق والعربية بدأت تنتش جامد والمشكلة إن فيه إصلاحات فى الطريق لمسافة 3 كيلو والطريق يعتبر حارة واحدة ومليان تريلات يعنى لو العربية وقفت كارثة مفيش أى مجال أو مكان العربية تقف فيه ... قرصت على العربية شوية والحمد لله ( كعادة الماروتى عمرها ما عملت معايا دقة نقص ) وصلت بالسلامة رحت محل قطع غيار أشتريت بوجيهات لأنى عارف إن المشكلة منهم ( العربية متلتة ) طلعت على ميكانيكى لقيت بوجيه ضارب وطالع من مكانه خالص والباقيين عليهم هباب على الرغم إنهم مكملوش 7000 كيلو ...ركبت الطقم الجديد كله .... حسبى الله ونعم الوكيل فى التجار اللى بيكسبوا من حرام على حساب أروحنا وعربيتنا
وللعلم قطع الغيار المضروبة لقت هى الأصل والإستثناء إنك تلاقى قطع أصلية وطبعاً بما إنى مش ساكن فى القاهرة مفش بقدر أشترى قطع الغيار من التوكيل وبضطر إنى أشترى من التجار

[mesaharaty]

معلش يا باشا ..
قدر الله وما شاء فعل
ممكن نعرف نوع البوجيهات اللى كنت مركبها وعملت معاك المشكلة ولو ممكن كمان صورة علشان الكل يتعرف عليها؟

[mesaharaty]

معلش يا باشا ..
قدر الله وما شاء فعل
ممكن نعرف نوع البوجيهات اللى كنت مركبها وعملت معاك المشكلة ولو ممكن كمان صورة علشان الكل يتعرف عليها؟

[star mido]

الحمد الله علي سلامتك
ربنا يستر طريقك

[lidosasa]

معلش يا باشا ..
قدر الله وما شاء فعل
ممكن نعرف نوع البوجيهات اللى كنت مركبها وعملت معاك المشكلة ولو ممكن كمان صورة علشان الكل يتعرف عليها؟

للأسف مش فاكر النوع ولا صورت العلبة ............. لكن الجداد اللى ركبتهم الفرنساوى بيقولوا أنضف حاجة العلبة فيها 4 بوجيهات على بعض ..... النكتة بقى إن الميكانيكى وهو بيركبهم لفى واحد منهم مشطوف منه حته صغيرة قوى من الخزفة اللى عند السن ( عيب تصنيع ) والحمد لله إن أخد باله وركبنا واحد غيره

[lidosasa]

الحمد الله علي سلامتك
ربنا يستر طريقك

الله يسلمك وربنا يستر طريقنا جميعاً

[dadofranz]

انا لقيت الفيديو ده هنا في المنتدى (مش فاكر فين) بيتكلم على الفرق بين الاصلي والمضروب في NGK

https://www.youtube.com/watch?v=cD1rgG8-1e8#t=19

[dr.hazem]

للأسف مش فاكر النوع ولا صورت العلبة ............. لكن الجداد اللى ركبتهم الفرنساوى بيقولوا أنضف حاجة العلبة فيها 4 بوجيهات على بعض ..... النكتة بقى إن الميكانيكى وهو بيركبهم لفى واحد منهم مشطوف منه حته صغيرة قوى من الخزفة اللى عند السن ( عيب تصنيع ) والحمد لله إن أخد باله وركبنا واحد غيره

افضل بوجيهات في العالم كله هي الNGK بلا منازع والانسب للماروتي هي التي تحمل الكود
BP6EY
بشرط ظبط خلوصها على 0.8ملم
اي نوع يقولك روسي يقولولك فرنسي اعرف انه لا راح روسيا ولا فرنسا ولا شافها
نصيحة لله الان جي كيه مفيش منه اتنين
تحياتي

Sent from my mobile using Forum Runner

[mesaharaty]

افضل بوجيهات في العالم كله هي الngk بلا منازع والانسب للماروتي هي التي تحمل الكود
bp6ey
بشرط ظبط خلوصها على 0.8ملم
اي نوع يقولك روسي يقولولك فرنسي اعرف انه لا راح روسيا ولا فرنسا ولا شافها
نصيحة لله الان جي كيه مفيش منه اتنين
تحياتي

sent from my mobile using forum runner

أنا مركب بوجيهات الكود بتاعها : Bp5ey والرأى فيها ممتازة ومافيش مشكلة منها ولم يتم ضبط الخلوص عند تركيبها .

[dr.hazem]

أنا مركب بوجيهات الكود بتاعها : Bp5ey والرأى فيها ممتازة ومافيش مشكلة منها ولم يتم ضبط الخلوص عند تركيبها .

الاتنين زي بعض اللهم حرارة واحد اعلى مش هيفرق كتير
ظبط الخلوص متقدرش تحكم عليه غير لما فعلا تظبطه وتجرب :-)
تحياتي

Sent from my mobile using Forum Runner