تقرير صيانة ال5000 ماروتي فرع الهايكستيب واخرة لعبهم في العربيات

[elpilot]

السلام عليكم
اليوم اقدم لكم تقرير صيانة ال5000 الخاص بماروتتي الحبيبة حيث تم الحجز من اسبوع وكان الموعد اليوم الساعه9ونص في الهايكستيب
خرجت من بيتي الساعه7ص ومسكت طريق بلبيس وخدت شوية زحمة وطلعت من بلبيس ماشي 100ل110 وصلت علي الساعة9ص كان لسه محدش من المهندسين جه المهم بعد شوية جه مهندس وسلمته العربية وقولتلة الملاحظات صوت خرفشة لما حد بيركب ورة علي العجلة اليمين اشارة شمال مش بتنور اللي جنب الباب فانوس صغير مكسور وانا لاحمة وعايز غيرة تشحيم الابواب عشان بتزيق وعضة في المارشدير وتشحيم الدواسات عشان بتصفر قالي انت كده هتحتاج تغسل الماتور عشان متوسخ ب40ج قولتلة ماشي
قعدت بتاع ساعه عبال ما العربية دخلت وبتاع ساعتين عبال ما خرجت والسيستم كان واقع وكانوا ملخبطين اوامر الشغل وكاتبين اسمي علي عربية فان وبتاع الفان علي عربيتي وقعدوا بتاع ساعه يظبطوا في الورق كمل ده والعربية مركونة وروحت ادفع في الخزنة لقيت امم هناك بتدفع وواقفين بقالهم مده عشان السيستم واقع قعدتلي بتاع نص ساعه ودفعت ومشيت
انطباعي المبدأي عن الصيانة
الصيانة اتكلفت 75مصنعية+40غسيل ماتور+40غسيل سيارة+125 تغيير زيت+55فلتر تقريبا كله ب375ج مش عارف ازاي
كان هناك بوفية مفتوح تعمل شاي زي مانت عايز دلوقتي بقي بيديك بون ضيافة تاخد بيه مشروب واحد فقط الشركة افتقرت باين
كان فيه موظفين كتير بيساعدوك دلوقتي بقي موظف واحد ماسك كل الشغل فحت وردم والباقي بيتفرج عليه عشان كده الشغل بيتأخر جدا جدا
بالنسبة للاشارة اللي مش كانت شغاله شغلوها بفضل الله
بالنسبة للفانوس معندهمش اي فوانيس وقالي سيب اللي فيها احنا معندناش
بالنسبة لصوت الخربطةمن العجلة الخلفية يمين لسة زي ماهو محدش عمل فيه حاجه
بالنسبة لمستوي الغسيل للسيارة وللماتور مرضي بالنسبالي العربية ماشاء الله بتبرق
بالنسبة للنواحي الفنية انا حاسس انهم خربوا العربية
اصبح صوتها عالي وهي واقفة اعلي من الأول
مابين الغيارات بقي فيه نتشة مش عارف سببها ايه
الغيار معدش بيجيب زي الاول والصوت بيعلي بسرعه يعني التاني كنت بجيب بية30مستريح وممكن لو هتضغط توصل لل40دلوقتي بقي صوتها بيعلي ولازم تنقل بدري
بقت سريعه جدا علي السلانسية يعني اكون ماشي علي الاول ومش دايس بنزين الاقيها بتجري مني
بقت بتعمل رجه وهي بتبطل حتي لو المروحه مش شغاله برضو بتترج
مش عارف هم خربوا ايه ولاد الهرمة دول شقلب كيان العربية كده منهم لله ارجو افادتي عن السبب اللي شقلب حال العربية كده ولو عايز اصلح الخراب اللي عملوة ده اروح لميكانيكي ولا كهربائي ولا عفشجي مع الاخذ في الاعتبار اني صعب جدا جدا ارجعلهم عشان يصلحوا العطل لعدمك ثقتي فيهم ولان المشوار بيتكلف بتاع100جنية عليا غير يوم اجازة من الشغل
وانا راجع تهت معرفتش ادخل النفق واضطريت اروح العاشر ومنها للزقازيق ومنها لبلدي وكان مشوار طويل شوية راجع ماشي110ل120 بس حاسس العربية صوتها علي عن الاول
وسأوافيكم باي جديد بعد تجربة العربية كذا يوم

[ARKOON]

ربنا يديك خيرها ويكفيك شرها . لو في ميكانيكي بتثق فيه برا التوكيل هيكون أفضل بكتير فكرة التوكيل والضمان لو العربية اصلا فيها عيب تصنيع هم الى يتحملوه بس دا برا اما في بلدنا الحبيب اثبت انه عيب صناعة واستنى دورك والروتين الممل انا نصيحتى ليك انك تعمل عربيتك برا التوكيل بدون علمهم متغيرش فيها حاجة بس اكشف عليها وخلى بالك من اشتغالات الميكانيكية . وبالنسبة للرجة بتكون بعد تغير الزيت فترة وبتروح مع الاستهلاك .

[J A G U A R]

توكيلات فاشله صحيح

روح لميكانيكى كويس يعملك كل حاجه بنفسه وفكك من التوكيلات دى خالص

[elpilot]

شكرا ليكم اظاهر فعلا ان كل الناس عندها حق انهم يقاطعوا التوكيلات دي
بس محدش فسرلي السبب في الاعطال اللي ظهرت فجأة دي
اصبح صوتها عالي وهي واقفة اعلي من الأول
مابين الغيارات بقي فيه نتشة مش عارف سببها ايه
الغيار معدش بيجيب زي الاول والصوت بيعلي بسرعه يعني التاني كنت بجيب بية30مستريح وممكن لو هتضغط توصل لل40دلوقتي بقي صوتها بيعلي ولازم تنقل بدري
بقت سريعه جدا علي السلانسية يعني اكون ماشي علي الاول ومش دايس بنزين الاقيها بتجري مني
بقت بتعمل رجه وهي بتبطل حتي لو المروحه مش شغاله برضو بتترج

[dadofranz]

واضح انه لخبط الكربراتير وزود السلانسيه والكهرباء
شوف ميكانيكي يظبطهوملك بس يكون كويس

[lidosasa]

هما علو المكنة عشان كده إنت حاسس إنها متلخبطة حتروح لميكانيكى يوطى المكنة شوية صغيرين مش كتير عشان متفصلش منك على السلانسية
وبالنسبة للخبط اللى فى العجلة اليمين ( لو فى العجلة نفسها وبتسمع صوت رفة فى العجلة بتزيد مع زيادة السرعة ) تروح لفنى فرامل كويس وتقوله على اللى فيها هو بقى حيفك العجلة ويسنفر الطنبور ويرجلش الفرامل حتلاقى العجلة إتظبطت بإذن الله

[elpilot]

رحت النهارده للميكانيكي وشرحتلة الوضع بالتفصيل قعد يقولي بتوع التوكيل دول اغبياء كل ده حصل من تغيير زيت تغيير الزيت ملوش علاقة اصلا بالشغل ده
المهم فتح الكبوت وشاف وقالي الابلاتين لاسع قولتلة ازاي اجدع يلسع من اول5000كيلو قالي انت بتسيب الكونتاك مفتوح قولتله مستحيل دانا يادوب ببطل العربية بشيل المفتاح علي طول ويا دوب بحطة بشغلها علي طول قالي يبقي اكيد حد هناك سابه مفتوح لحد ما لسع الابلاتين وبعتني علي الشركة اليابانية عند شارع فاروق جبت ابلاتين غيرة مكتوب صنع في اليابان ومكتوب عليه تويوتا من الجنب زي ما يكون بتاع عربية تويوتا ب20 جنية وركبهولي وقعد يلعب في بتاعه ناحية اليمين كده لحد ما صوت العربية هدي خالص قالي كده تمام وركب العربية يجربها عفرتها وحسيت انها رجعت طبيعيه بفضل الله كام ياعم قالي 10جنية ومكنش راضي ياخد فلوس عشان صاحب ابن عمتي وقالي نزل الزيت اللي حطينهولك ده شكله تعبان مش عارف بقي هو كان بيتكلم جد ولا بيهزر عشان قولتله رحت غيرت زيت في التوكيل الناس كلها بتستعجب اني بروح التوكيل عشان اغير زيت وكل الشعب اجمع اني اخلع من التوكيل واي حاجه في العربية اعملها برة لحسن شكلهم كفتجية تبع عبعاطي

[dadofranz]

لو الزيت سليم ومش عامل مشكلة خليه شغال على الاقل 3000
وما فيش داعي انك تنزله

[elpilot]

صور المرحوم ابلاتين الفبريكة اللي التوكيل بوظة بدري بدري


صور الابلاتين الجديد ربنا يطول في عمرة ويديله الصحة




هل النوع الجديد ده كويس ولا فيه اي مشاكل؟؟؟

[D . a .\ AYMAN]

رحت النهارده للميكانيكي وشرحتلة الوضع بالتفصيل قعد يقولي بتوع التوكيل دول اغبياء كل ده حصل من تغيير زيت تغيير الزيت ملوش علاقة اصلا بالشغل ده
المهم فتح الكبوت وشاف وقالي الابلاتين لاسع قولتلة ازاي اجدع يلسع من اول5000كيلو قالي انت بتسيب الكونتاك مفتوح قولتله مستحيل دانا يادوب ببطل العربية بشيل المفتاح علي طول ويا دوب بحطة بشغلها علي طول قالي يبقي اكيد حد هناك سابه مفتوح لحد ما لسع الابلاتين وبعتني علي الشركة اليابانية عند شارع فاروق جبت ابلاتين غيرة مكتوب صنع في اليابان ومكتوب عليه تويوتا من الجنب زي ما يكون بتاع عربية تويوتا ب20 جنية وركبهولي وقعد يلعب في بتاعه ناحية اليمين كده لحد ما صوت العربية هدي خالص قالي كده تمام وركب العربية يجربها عفرتها وحسيت انها رجعت طبيعيه بفضل الله كام ياعم قالي 10جنية ومكنش راضي ياخد فلوس عشان صاحب ابن عمتي وقالي نزل الزيت اللي حطينهولك ده شكله تعبان مش عارف بقي هو كان بيتكلم جد ولا بيهزر عشان قولتله رحت غيرت زيت في التوكيل الناس كلها بتستعجب اني بروح التوكيل عشان اغير زيت وكل الشعب اجمع اني اخلع من التوكيل واي حاجه في العربية اعملها برة لحسن شكلهم كفتجية تبع عبعاطي

هي ما كانتش محتاجة أبلاتين جديد على ما أعتقد ... كل اللى كانت محتاجاه ضبط الكهرباء اللى طول عمرهم في التوكيل ما بيعرفوش يضبطوها .. وده اللى الميكانيكي عمله بعد ما ركب الأبلاتين الجديد

من ساعة ما التوكيل ده فتح ما بيعرفش يضبط كهرباء الماروتي .. ليه ما أعرفش ... بيعليها قوي زيادة عن اللزوم وخلاص بدون أي فهم

مشي نفسك بالزيت عادي مش وحش ولا حاجة .. بس بعد كدة زيت شل أفضل من توتال اللى بيحطوه في التوكيل

[elpilot]

هي ما كانتش محتاجة أبلاتين جديد على ما أعتقد ... كل اللى كانت محتاجاه ضبط الكهرباء اللى طول عمرهم في التوكيل ما بيعرفوش يضبطوها .. وده اللى الميكانيكي عمله بعد ما ركب الأبلاتين الجديد

من ساعة ما التوكيل ده فتح ما بيعرفش يضبط كهرباء الماروتي .. ليه ما أعرفش ... بيعليها قوي زيادة عن اللزوم وخلاص بدون أي فهم

مشي نفسك بالزيت عادي مش وحش ولا حاجة .. بس بعد كدة زيت شل أفضل من توتال اللى بيحطوه في التوكيل

شكرا علي الاهتمام والرد انا برضو عنت الابلاتين القديم قولت يمكن نحتاجة واظاهر برضو كده ان الميكانيكي اتكسف يظبط الكهرباء بس فقالك اغيرله اي حاجه عشان يبقي اسمي عملت حاجه في العربية الصنايعية اظاهر كده ان نصهم نصابين :0002014a:

[ahmed_moeaz]

متقطع الشك باليقين واختبر لزوجة ومقاس الزيت وحاول تظبت صيانتك بنفسك بعد كده مش مستاهلة توكيل ومصاريف سفر وخلافه

[dr.hazem]

روح اظبط الكهرباء قبل ما تعدم الاسطوانه من علو الكهربا ده

Sent from my mobile using Forum Runner

[dr.hazem]

الابلاتين القديم غالبا مفهوش حاجه ومن شكله زي الجديد
الجديد بقا ربنا يسترها منه لانه مجهول الهوية
افضل الانواع دينسو
تحياتي

Sent from my mobile using Forum Runner