هاااام جدا --تغيير كاوتش التو 800 2013

[omar_saad]

السلام عليكم
كنت في التوكيل امبارح و قلت لهم ان فيه حدفه كده صغيرة للعربية ناحية الشمال --عشان يظبطوا الزوايا
دخلت الصيانة و عملوا كل حاجة بس ما ظبطوش الزوايا و قالي المفاجأة 0--- الاربع كاوتشات عايزين يتغيروا - انا عملت 40000 كيلوا في خلال سنة و 8 شهور -- و قالي بالكتير امشي عليها 5000 كيلو كمان لحد ما اغير....
و لان مشاويري كلها علي الدائري و سرعة عالية --- ربنا يسهل و غير بسرعة
قلت الحمد لله و منتظر مبلغ يكمل معايا
المهم -- طبعا الكاوتشات اللي فيها هي جوديير:
145/70/r13
انا عايز اغير النوع ده لان هو ليه صوت كده علي الطريق و كمان ناشف شوية في المطبات -- ايه راي حضراتكم يا اصحاب الخبرة في الكاوتش مع "الالتو"
-و هل لو جبت كاوتش عريض شوية علي نفس الجنط يكون افضل
-- و ايه رايكم افضل ماركة -- مع هذه السيارة
ها... مين ليه تجربة
يرجي المشاركة

[bondokk]

انا شفت ناس مركبه ال ١٦٥ / ٧٠ / ١٣
اعتقد ده مناسب واعرض شويه

[bondokk]

شوف الموقع ده كده في معلومات ظريفه
Suzuki Alto - Specs of wheel sizes, tires, PCD, Offset and Rims - Wheel-size.com

[omar_saad]

جزيل الشكر سيدي الفاضل bondokk
و الله انا شايف ان الكاوتش العريض شوية احسن -- بس نفسي حد يكون مجرب الموضوع ده و يقولي ايه الاخبار بجد.

[Abdm]

فى واحد حبيبى عايز يعرف أخبار أسعار الآلتو هل ال 1100 لسه موجودة وبكام المكيفه والغير مكيفه وكمان ال 800 اللى بتكييف بكام ومن غير بكام .؟ والماروتى وصلت أخر سعر كام

بالنسبه للكاوتش أفضل مقاس 155/65/13 ولا تعرض عن ذلك لآنه هذا الآقرب الى الآصلى وممكن يؤذى علبه الدريكسيون والعفشه لو زودت أكثر . وربنا يسترها علينا جميعا

[sabrim]

كنت عايز اسال هو فى التو ب 25 الف
ودى نوعها ايه بالظبط .
ارجوا الرد

[Tito79]

استاذ عمر, تحياتى لحضرتك, أرجو افادتك انا معايا فليشيا 98 و عايز اغير واجيب ألتو ارجوك انصحنى ان كنت اغير ولا لأ واى موديل فى الألتو كويس, وانا اسف انى مقدرتش افيد حضرتك فى موضوع الكاوتش و متشكر جدا مقدما على ردك عليا

[Abo_Mazen]

كنت عايز اسال هو فى التو ب 25 الف
ودى نوعها ايه بالظبط .
ارجوا الرد

فيه ألتو ب 25 ..ودي هتلاقيها موديل 98 أو 99 ..بس مش الألتو 800 ..دي كانت قبل الألتو زن

[omar_saad]

استاذ عمر, تحياتى لحضرتك, أرجو افادتك انا معايا فليشيا 98 و عايز اغير واجيب ألتو ارجوك انصحنى ان كنت اغير ولا لأ واى موديل فى الألتو كويس, وانا اسف انى مقدرتش افيد حضرتك فى موضوع الكاوتش و متشكر جدا مقدما على ردك عليا

السلام عليكم اخي الفاضل Tito79
مميزات التو... من وجهة نظري و بعد خبرة سنتين
السيارة التو -- سيارة محترمة جدا جدا جدا
حمالة اسية -- تجري بسرعة عادي جدا -- ثابتة بشكل معقول علي الطريق -- استهلاك البنزين خفييييف جدااا --- ناعمة --
الملحوظات علي السيارة -- مساحة داخلية لا يمكن مقارنتها ب فليشيا -- خاصة في طول الصالون اللي بيخلي اي حد قاعد ورا متضايق لان رجله لازقة في الكراسي الامامية --
مساحة عرضية اقل من فليشيا لو 3 يبقوا قاعدين متضايقيين.
المساعدين الخلفية ضعيفة من حيث المرونة -- يعني لو اتنين احجام او 3 قاعدين وارا و اكلت مطب هواء العربية بتتهبد و بتجيب اخرها
سحب العربية مع التكييف بيكون رخم شوية لو فيه حمولة معاك
الصاج بشكل عام ضعيف خاصة في الشنطة الخلفية و الكبوت.
شوف حضرتك لو العيوب دي بالنسبالك عادي و اللا لا -- لان المشكلة ان البعض لما بيكون اتعود علي سيارات اكبر في الحجم بيبقي بالنسبة له الاصغر مشكلة
انا بالنسبة لي انصح بها -- و لكن ضع في اعتبارك الملحوظات السابقة
بالتوفيق ان شاء الله

[Tito79]

السلام عليكم اخي الفاضل tito79
مميزات التو... من وجهة نظري و بعد خبرة سنتين
السيارة التو -- سيارة محترمة جدا جدا جدا
حمالة اسية -- تجري بسرعة عادي جدا -- ثابتة بشكل معقول علي الطريق -- استهلاك البنزين خفييييف جدااا --- ناعمة --
الملحوظات علي السيارة -- مساحة داخلية لا يمكن مقارنتها ب فليشيا -- خاصة في طول الصالون اللي بيخلي اي حد قاعد ورا متضايق لان رجله لازقة في الكراسي الامامية --
مساحة عرضية اقل من فليشيا لو 3 يبقوا قاعدين متضايقيين.
المساعدين الخلفية ضعيفة من حيث المرونة -- يعني لو اتنين احجام او 3 قاعدين وارا و اكلت مطب هواء العربية بتتهبد و بتجيب اخرها
سحب العربية مع التكييف بيكون رخم شوية لو فيه حمولة معاك
الصاج بشكل عام ضعيف خاصة في الشنطة الخلفية و الكبوت.
شوف حضرتك لو العيوب دي بالنسبالك عادي و اللا لا -- لان المشكلة ان البعض لما بيكون اتعود علي سيارات اكبر في الحجم بيبقي بالنسبة له الاصغر مشكلة
انا بالنسبة لي انصح بها -- و لكن ضع في اعتبارك الملحوظات السابقة
بالتوفيق ان شاء الله

أنا بشكر حضرتك جدا أستاذ عمر وانا بالنسبه ليا انا عايز الأصغر حجما والاقتصادى لأنى مش بخرج العيال كتير ومعظم مشاويرى فرديه

[omar_saad]

أنا بشكر حضرتك جدا أستاذ عمر وانا بالنسبه ليا انا عايز الأصغر حجما والاقتصادى لأنى مش بخرج العيال كتير ومعظم مشاويرى فرديه

اذن توكل علي الله و اشتريها بدون تردد -- في هذه الحالة -- هذه السيارة ليس لها منافس
الا الماروتي مع الفارق -- ان بها تكييف و مقاس الكاوتش اكبر قليلا والتقفيل افضل ومساحة داخلية اكبر --
من حيث الاعتمادية -- ملهاش حل -- كل ما عليك هو البنزين و الصيانة الدورية
بالتوفيق ان شاء الله

[D . a .\ AYMAN]

بالنسبه للكاوتش أفضل مقاس 155/65/13 ولا تعرض عن ذلك لآنه هذا الآقرب الى الآصلى وممكن يؤذى علبه الدريكسيون والعفشه لو زودت أكثر . وربنا يسترها علينا جميعا

+1

لو عايز أعرض ما تزودش عن المقاس ده خالص

أنا ركبت مرة فولدا ألماني من أرابكوم في مدينة نصر .. واللى بعدها ركبت كومهو سولوس ... ولكه لم يكمل أكثر من 40 ألف

الفولدا عمل بالونة واتخلع منها جايب آخره تماما بكل ما في الكلمة من معاني ... بس اتحمل كتير برضه طرق سفر وعلى سرعات عالية 90 % من عمره .. وحتى البالونة دي طلعت بسبب مطب غبي لأبعد الحدود وفضلت ماشي عليها شوية لغاية ما غيرته كله

الكومهو اتباعت بيه ومعرفش عمل إيه في آخر عمره

[omar_saad]

+1

لو عايز أعرض ما تزودش عن المقاس ده خالص

أنا ركبت مرة فولدا ألماني من أرابكوم في مدينة نصر .. واللى بعدها ركبت كومهو سولوس ... ولكه لم يكمل أكثر من 40 ألف

الفولدا عمل بالونة واتخلع منها جايب آخره تماما بكل ما في الكلمة من معاني ... بس اتحمل كتير برضه طرق سفر وعلى سرعات عالية 90 % من عمره .. وحتى البالونة دي طلعت بسبب مطب غبي لأبعد الحدود وفضلت ماشي عليها شوية لغاية ما غيرته كله

الكومهو اتباعت بيه ومعرفش عمل إيه في آخر عمره

شكرا سيدي الفاضل

[Amr Axel]

انا مركب 13\165\65 كاوتش عريض و معليها حاجة بسيطة فظابط معايا في المطبات و بالذات لو حد راكب معايا
بس افضلك مقاس 13\155\65 او 13\155\60

[omar_saad]

انا مركب 13\165\65 كاوتش عريض و معليها حاجة بسيطة فظابط معايا في المطبات و بالذات لو حد راكب معايا
بس افضلك مقاس 13\155\65 او 13\155\60

السلام عليكم
شكرا لرد حضرتك
طيب -- بالنسبة لنوع الكاوتش المتاح ل مقاسات 13\155\65 او 13\155\60
و ممكن اشتريه منين؟
شكرا مرة اخري